Type to search
Advanced channel search

TGAlertsBot

Monitoring of keywords in channels and chats
img
ad

TGStat Bot

Bot to get channel statistics without leaving Telegram
img
ad

SearcheeBot

Your guide in the world of telegram channels
img
ad

Telegram Analytics

Subscribe to stay informed about TGStat news.
img
ad

قصائد منبريه مكتوبه 📚

@h_ameer2
Channel's geo and language: Iran, Persian
Category: not specified

نشر ✍🏻القصائد داخل القناة مجاناً
بأشراف ملا ابو امير الفاطمي
مؤسسة فاطميون الحسينية
للتواصل مع الادارة

Related channels  |  Similar channels
Channel's geo and language
Iran, Persian
Category
not specified
Statistics
Is this your channel? Confirm Канал в реестре блогеров РКН? Confirm Channel history
Posts filter

قصائد منبريه مكتوبه 📚

29 Jan, 18:59

Open in Telegram Share Report
1k 0 6 6
قصائد منبريه مكتوبه 📚

29 Jan, 18:23

Open in Telegram Share Report
خروج ضعن مولانا سيد الشهداء صلوات الله عليه من المدينة




درب السلامه يهل الضعون
وادري بسفركم ماتسلمون

ادري بدربكم موت ونياح
وذباح هذا السفر ذباح
ميلة گفاكم ميلة ارماح
ويلاه يهلنه الما تـردون

ويلاه يهلنه الفرگه تعذيب
امداره العليل يريد ويطيب
مو عنّه أهله بحاجته اتغيب
الفرگه موت وعلتي تهون

يهلي الحنين يموته الغياب
يگضي حياته امگابل الباب
بلكت تحركه اچفوف الاحباب
كافي الهوه يخيّب بالظنون

يهلي العليله اتاني مكتوب
وحشه وعليها مسرگه البوب
وتارس نظرها اتراب الدروب
گـدمـا تتانيكم ترجعون

لا يمي عبد الله وأداريه
ويصبر عيوني وأناغيه
يسليني بعيونه وأسليه
لحدما علي يهلي تعودون

لا يمي اخـو ويشيل الاثگال
ولايمي اخت واشكيلها الحال
يهلي الحمل معتاز شيّال
مال الحمل ياماي العيون

سجاد الگريزي
1.2k 0 31 20
قصائد منبريه مكتوبه 📚

29 Jan, 17:40

Open in Telegram Share Report
💔😞
1.2k 0 3 13
قصائد منبريه مكتوبه 📚

29 Jan, 13:30

Open in Telegram Share Report
بعد ماضل دمع بالعين من ما گتلي تاخذني
گبالي وحمليتوا البيت شي سكت بعد وني
شكبرها كسرتي البل روح من النوگ عبرني
ترى مداره المريض يريد ليش بعلتي عايفني

گدامه صرت ودارها اعيونه
ماصاح بسمي وشال بضعونه
شيقنع اعيوني وارد بيتي
والله مگبره البيت من دونه

بجروحي...ياروحي...الگدامه اهله شالوا ونته شلون
عافوني...وعيوني...وراهم تنعمي ماتبقى العيون

يابويه  يابويه  آيا حسين يابويه
•••••••••••••••••••••••••••••••••••
المرض ما ينحمل يابوي وتدريني دواي انته
اليدفن حسرته بوداع تكتله الحسره بالسكته
يل ما گتلي ها ترحين گلت چا ليش؟ مو بته؟
بعد إلمن صباح الخير  صباح الضيم ع الشفته

يهلي ومنو اليلحگ محنتكم
ع الباب تبجي عفتوا التحبكم
بويه اتبعتكم لآخر الديره
عفتوني چني أو مو بنيتكم

اوميلي..ياحيلي..طفى بعيوني شوفي وطحت ع الگاع
بغيابه..يايابه.. كسر ظهر الگلب يابويه الوداع

يابويه  يابويه  آيا حسين يابويه
•••••••••••••••••••••••••••••••••••

اكفكف بالدمع رديت  وطحت بهدومي يم بابي
واحاجي الروح ها ياروح بحزن عافوج احبابي
رجعت وآنه إمن مس لليل احظر وجمع اثيابي
ياروحي هلي مغربين وموش اطويب اصوابي

بمحمل رقيه محسبه امچاني
وعل باب تالي بدمعي خلاني
ياكسرة الشالوا هله گباله
وراحوا وضل الوحده يتاني

بآلامي…جدامي…نوگ اهلي مشن وآنه آكل بروحي
مهضومه…مالومه..يالفراگك ملح ونطش على جروحي

يابويه  يابويه  آيا حسين يابويه
•••••••••••••••••••••••••••••••••••
بعد شعندي اطب للدار يحرم بعد اطبنه
الدار إلمنه أهله اتشل ماينطب گبر چنه
الهيمه اشوالي من البيت هلي ردولي لمتنه
ردوا شوفي جاي يروح إمن لمتانه ونعي الونه

خنگه الغروب إعله الجفو ناسه
وإلمن يسولف لو هضم جاسه
بويه الحنين اتكتله الحجايه
ويجيسه من جدمه الحجي الراسه

ياحيره..بالديره…الراح الراد يشمر چلمه تجرحني
هضموني..سمعوني..چلمة عافها يابويه تذبحني

يابويه يابويه آيا حسين يابويه

•••••••••••••••••••••••••••••••••••
بقى يعيل الجفه إعله الروح  هلي المغرب ولا حمله
الناس اهنا تسرگي البوب وأنه مشرعه جفه وعله
كلشي هين إعله العين  اليسافرله شخص سهله
يصبر گلبه باليبقون  (بس شيلت سلف عمله)

(طافي السلف بس آنه مشتعله)
وچمل جفاك العله ع العله
يهدد افراگك حيلي وعيوني
وبطلاع روحي البيت اوصله

لحگولي…ردولي…لا ماي الهجر ينزل على العين
منتظره…بالحسره…مدري شلون لسه عدله يحسين


محمد الربيعي

قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4
1.5k 0 31 9
قصائد منبريه مكتوبه 📚

29 Jan, 11:31

Open in Telegram Share Report
ودعتهم
والجرح رايدله حيل
ودعتهم
والنضر كاعدله ليل

هيه هاي التكتل من اتاني
واحد يضــم الدمع علثاني
*
ليـــله ليــله - احسبلهن - جــرح ومـــرافك جـرح
يروح حيله - الفكد واحد - شوفته شوفت صبح

العـــمره خلـص ينتضر - والفركه تاكل روحه
يصبح المغرب جن ملح - يكعد بنص جروحه
هيه الرسايل والهوه - جرحين بس للمخنوك
هوه اليتاني بلا وكت - مايفض حزنه ونوحه

الروح تبقه بكل مكان اتعاني
واحـــد يضـــم الدمع علثاني
***
دمع عيني - تمسحه ايدي - ماعثر بيهه الحبل
جان بيني - وبين كلبي - صدفه واصعد علهزل

ماعنـدي حــيل ولا عـذر - والتعــب فاتح بابه
اليـبقـه وحــده بلا هــله - ينزف يضل اصوابه
كون الدمع ما ينكطع - وعيوني تبقه بلاشوف
هيـــه العيــون بلا نفـع - للـما يـــشوف احبابه

ركض كلبي وجدمي ما دلاني
واحـــد يــضم الدمـــع علثاني
**
جرح كلبي - وشوف عيني - ثنينهن ركضن سوه
شفت دربي - وعفت كلشي - وماصرت مثل الهوه

يا ريتني وياهم رحت - ويروح كلبي لضيمه
انه العلـيله ومرضـتي - تشفه برماد الخيــمه
جا هيه عين بلا نضر - ماخلت الشوف يعيش
اخــذوني وياكم هلي - الدنيا بجــفاكم هيمه

عيني تحجي اكثر من اللساني
واحـــد يضــم الدمــــع علثاني
*
امنيتي جانت - مَره وياكم - من عطـــشكم للســبي
حــلم صــارت - ماعشــته - ركضه وحده وي العبي

ماينــحمل ذاك الركـــض - والحيل ضاع بليـله
اصرخ حسيـن وانتـــضر - بلكي ويردلي بحيله
جنت بحلم مدري بعلم - والدمع يـصـرخ ويااي
طاح الحسين عللترب - حر الشمـــس يومـيله

ما حسبت درب السبي ينساني
واحــد يضـــم الدمــع عــلثاني
****
الدنيا ضلمه - بلا ضواكم - وانسبت حته ال هله
الليل جلمـه - يمي طاحت - جن خــذتكم كربله

جن روحي بدروب السبي - وفوك الرمح ضل بالي
من زينب اسمع لو طحت - كومي انتي بت الغالي
جرح الحرك والمستــحه - ركضن وياي وما شوف
ماضــل كتــر مابي جـرح - والضــيم مايــحــلالي

الدهر بحسين انفجع خلاني
واحد يضــم الدمـــع علثاني
*


علي ابو الياس

ياجرح العليله الماله طيبه 💔

قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4
1.4k 0 40 7
قصائد منبريه مكتوبه 📚

29 Jan, 09:31

Open in Telegram Share Report
الناس راحت كاصدة لبيت الحرام
وانت عكس الناس كاصد للطفوف

وعايف احضان المدينة والأمان
ورايح بلهفة لعد حضن السيوف

يابو عبد الله الطفل بعده رضيع
زغير وانت تعرفه ما يحتمل خوف

اطفال هاي هواي عندك رايحين
گلي شيمشيهم وضامن ظروف ؟,

بأجر وتعطش زغارك والكفيل
يگصد ويوصل شريعتها الجروف

يترس الجربة اخوك من الفرات
وانت واگف تنطره بعينك تشوف

السهم صوب عين عباس وعمود
هشم الرأس وبقى بلاية چفوف

وعلي الأكبر بالحصيرة يجمعوه
وجاسم تحنه بدمه وموته الزفوف

بلاية ناصر تبقى لا يمك معين
وحدك وعليك ملتمه الألوف

وخنصرك ينباگ يا ابن البتول
وعشر خياله على ضلوعك تطوف

وتهجم بنار المشاعل عالخيام
رحمة ما عدها .. زلم تگصد تحوف

هذا ترجيه يعت من الاذان
واختك تظل حايره بين الصفوف

وناس تبدي تحضر تعود الحجيج
والعليلة اتاني تلفاها بشغوف

واليهدم حيلها بتك يشيخ
تشوف ديوانك فرغ من الضيوف

تموت يوميه العليلة وي الغروب
من تمر اعله الجفن منكم طيوف

عبد فاطم
مصطفى باسم الغزي
ارشيف 2020

قناة الرجوع الى الله    @h_ameer1
قصائد منبريه مكتوبه  @h_ameer2
ملا ابو امير الفاطمي   @h_ameer3
قصائد نسائية مكتوبه  @h_ameer4
1.3k 0 22 5
قصائد منبريه مكتوبه 📚

29 Jan, 07:31

Open in Telegram Share Report
كال نمشي وخايفة من حجايته
وللصبح يــم الهــوادج بــايتـــه
كلت حته يشوفنــي
خاف ناوي يعوفنـي
وللصبـح يـم الهــوادج بـايتــه
ـــــــــــــــــــــــــــــــــــــــــــ
كعد يم عمتي وكلها باجر نشيل الصبــح
جلمة ماجنها وحجاها جنه دج كلبي برمح
خاف سكته يشيل باجر والموادع مايصح
والدمــــوع ولام كلش لليفك ريجه بجرح

شمالــه كلبي يكلي كال نعوفهــا
وغبشه باجر نمشي عن لاشوفها
خاف بفراشي منبات
مــا يكعدنــي البنـــات
وللصبح يم الهوادج بايته
ــــــــــــــــــــــــــــــــــــــ
سولفو وانــه اعلى حالي اتنوع الهم من بعــد
من يصدلي تهيد روحي ومن يصد عني انمرد
كمت يتراوالـــي اشوفن درب وضعــون ونشد
خل الــم اغراضي هسه وللسفــــر خل استعــد

خل انامن حدر جدم الناكـه
خـاف من يمشون مانتلاكه
عــــذر مـــاخليله
مشي يريد امشيله
وللصبح يم الهوادج بايته
ــــــــــــــــــــــــــــــــــــــ
من الصبح ذاك ولهسه مغورجه عيوني وترف
الخايفه منالفركه روحه يصيـــر وي الهم ولف
المالــه وي الضعن محمل بالمــوادع ينعــرف
المثل ابـوي فراك وجهه بيـا سوالف ينوصف

المثل ابوي يريـــد حيل وداعه
ومن يسافر سنة تصير الساعة
المثلي الله يعينهـــــا
مـن تودع حسينها
وللصبح يــم الهـوادج بــايتــه
ــــــــــــــــــــــــــــــــــــــ
ماخذت شي من غراضي بس الهدوم وكمت
انــــه اول وحــدة بيهـــن للرحيـــل تـــولمت
كلت ماعطلنه بــاجر خـــاف يطلع مـن وكت
مافرشت فراش حدري وع الرمل يمهن نمت

كبل طرت الفجر باجر ماشي
خاف اعطلنه امن الم فراشي
انــه اول فـاطمــة
من الفواطم والمة
وللصبح يم الهوادج بايته
ــــــــــــــــــــــــــــــــــــــ
تفكــدت كـل المحـامل بالضعينــه اعلــى العـــــدد
وحـــاسب حســـاب الرضيــــع وخله هودج للمهد
شفت بس نـــوك الفواطم عوزهن هـــودج بعــــــد
وكمت احس ياروحي عندي وي الحزن باجر وعد

باجر تصبح غميجه جروحي
عود اروح وياهم اقنع روحي
راح ارد لداري
والحزن بكتاري
وللصبح يم الهوادج بايته
ــــــــــــــــــــــــــــــــــــــ
صعدن الخدر وظلن بس غراضي اعلى التراب
ويــاعزيزة ادنــه يمهــا تردنــي بدمـوع المصاب
شلت عبــدالله ارد اشمــه وكالــو تريـــده الربـاب
يجذب حجـاية يجون الينصلب حلمـه اعلى بــاب

البيده حلمه وياخذونه منيــده
ردت احبــابه اعلى باله بعيــده
راح اظل ابره الضعون
وادري بيهــم مــايجون
وللصبـــح يـــم الهــوادج بــايتــه
ــــــــــــــــــــــــــــــــــــــ
اسمعهن يصيحن خطية وحيلي كبل دموعي طاح
ومــوش بالله ويـــاج طلعن بالبواجــي وبالصياح
لانـــه ويــاهم خــذونــي ولا متت حتـه استراح
جــا بعــد يـاروحــي المن ظالــه وعبدالله راح

طلعو وطلعت الروح وياهم
والتفت للدار كلهم مــاهــــم
شلون اردن ليها
واهلي ماهم بيها
وللصبح يم الهوادج بايته

رائد الناشي


قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4
1.4k 0 56 10
قصائد منبريه مكتوبه 📚

28 Jan, 23:31

Open in Telegram Share Report
مرتاحين مابينة التغير وي تعب لونك
ولا بيــنه اليعـيشك ويــن وشلونك

ولا بينـه اليفكر انــته شنـهي اتريد
ويخفف أحـمول الهدلت امتـونك

النفس والدنيه ادنى اثنين يامولاي
نســتنا نشتـاگ الـدورت عــيونك

الما عدهم ارادة اتواجه اليعصون
بلة شلون من تفزع يلحگونك

المــاشافـوك هـمه
بنص سراب المار

ما استبعد ابجيتك يضيعونك
وعلى اهواء النفس شغل اليحبونك

بية الحچي هواي وللظروره احكام
وهل الشأن مافرغو يعينونك


علي الحميداوي الكربلائي
1.7k 0 23 15
قصائد منبريه مكتوبه 📚

28 Jan, 18:55

Open in Telegram Share Report
1.9k 0 9
قصائد منبريه مكتوبه 📚

28 Jan, 17:46

Open in Telegram Share Report
رحلت الضعن 

راح اروح ومحتمل روحه طويلة
خل بالج بويه فاطم يالعليله

ــــــــــــــــــ 
الحسين 
انطيني اودعج بويه خل امشي بسفر
ما اخذتج لان وضعج في خطر
يا حياتي المهم صحتج يالنظر
حالتج من تستقر قلبي استقر

المسافة بنيتي ابد لا مو قليله
خل بالج بويه فاطم يالعليله

ــــــــــــــــــ 
العليلة
خلني امشي وياك ويروح الالم
افرش مصلايتك وكت العدم
لو اشيل بجفي من عمي العلم
لو اسلي اختي تره قليبي انجسم

عالمريض الرحلة بويه مستحيله
خل بالج بويه فاطم يالعليله

ــــــــــــــــــ 
الحسين
ياحبيبه قلبي اريدج سالمه
يالعزيزه المهم انتي الغانمه
اني سميتج على امي فاطمه
قلبي بويه اعليها ضل ينزف دمه

جنه اني وياها خل وياه خليله
خل بالج بويه فاطم يالعليله

ــــــــــــــــــ 
العليلة
مودع الله بويه يا وجه الغسق
دزلي مكتوبك لان ابقه بقلق
خايفه اعليك اني من شر ماخلق
بويه محروس ابسم رب الفلق

وبأسم طه وعلي وانته سليله
خل بالج بويه فاطم يالعليله

ــــــــــــــــــ  
الحسين
ادري بويه الفگد مر ما ينجرع
لاتخافين اعله ابوج من الوضع
نشفي دمعج لا يهل بيه الدمع
لو بجيتي ادري مثل بجي الشمع

كفي نوحج لان دمعاتج ثقيلة
خل بالج بويه فاطم يالعليله

ــــــــــــــــــ 
العليلة
راح تبقى اعيوني تنطر اعله الدرب
الفكد بويه أمر كلش صعب
يا لوداعك نار جن نار الحرب
راح اضل بعدك انوحاً وانتحب

شوفتك هيه الدوه الماكو مثيله
خل بالج بويه فاطم يالعليله
ــــــــــــــــــ 
الشاعر زين العابدين الشمري
تمت ببركة مولاي الحسين
رحلة الضعن
١٤٤٦ هجري

قناة الرجوع الى الله    @h_ameer1
قصائد منبريه مكتوبه  @h_ameer2
ملا ابو امير الفاطمي   @h_ameer3
قصائد نسائية مكتوبه  @h_ameer4
2.2k 0 38 12
قصائد منبريه مكتوبه 📚

28 Jan, 17:46

Open in Telegram Share Report
بحق الرسول روحي فداه

يـمـن اطـهـر رحـم بـالـكـون.. رحمه
ويمن إلـهـم عـظـيـم الـجـاه.. رحمه
ويمن ربـنـه أرسلك لـلـنـاس.. رحمه

وزلــت بـسـمـك ظـلام الـجـاهـلـيـه

                                        *---------------*---------------*

      الشاعر رعد الجريخي
1.7k 0 13 8
قصائد منبريه مكتوبه 📚

28 Jan, 16:45

Open in Telegram Share Report
خذتلك خيرة
ــــــــــــــــــ 

بـويـة بدموعي خذتلك خيـرة
من شفت بعيونك اني الحيرة

ــــــــــــــــــ 

من خذتلك خيرة بدموعي التسيّل
عينك تسولفلي ناوي اعله الرحيل
وشكثر مهموم حزنك مو قليل
وجهك يسولف حزن تفسيرة

ــــــــــــــــــ 

ليش مايرضى ابد قلبي يهيد
بوية عندي احساس ترحل للبعيد
من أغمُض عيني احس تبقى وحيد
و وجهك بأي صوب بويه تديرة

ــــــــــــــــــ 

بويه احس يثگل علي دمع البكاء
من گلتلي رايح اني لكربلاء
جلمة تأذي وبنهايتها البلاء
وبيها سر وحجاية بوية جبيرة

ــــــــــــــــــ 

گمت اشم دخان من حرگ الخيام
وصوت اسمع بيك جن صوت الحطام
جنة صوت اضلوع متكسرة وعظام
وبالي يم صدرك بقىٰ بتفكيرة

ــــــــــــــــــ 

ياضوه اعيوني ونفس ريتي وهواي
من اصد لك ريگي ينشف من ضماي
وعلى العباس من اصد يتروه ماي
بعيني من انظر ينگط غيرة

ــــــــــــــــــ 

اني من ما اشوفك اشعر بالحنين
من اشمك يسكت بقلبي الانين
ومن اگلك يا حبيبي يا حسين
يا دواي لقلبي ولـ تصبيرة

ــــــــــــــــــ 

بويه خذني وياك وي ضعنك اسير
من يجلجل ليلك افرشلك حصير
اني من دونك احس عمري قصير
بدونك تصير الحياة ازغيرة

ــــــــــــــــــ 
الشاعر زين العابدين الشمري

قناة الرجوع الى الله    @h_ameer1
قصائد منبريه مكتوبه  @h_ameer2
ملا ابو امير الفاطمي   @h_ameer3
قصائد نسائية مكتوبه  @h_ameer4
1.9k 0 25 10
قصائد منبريه مكتوبه 📚

28 Jan, 14:52

Open in Telegram Share Report
السلام على النازحـين عن الأوطان

عاف المدينه ورحـل مـن ديـرته مجـبور
مكسور خاطر مشه وعايف گلب مكسور

ابليل اظلم امن الكحل شد رحله للغربه
مـحـد طـلع ودعـه ولـحـد لــزم دربــــه
صـد اعلـه داره وبـجه وبيـن هظم گلبه

بعده ابمدينة هله وبين علي عاشور

نـازح طلـع للاسـف مـن ديـرة اجـداده
ماجـنه ابن بت نـبي وسيد وابن ساده
مثل الغـريب ومشه اعليه ماكو نشاده

سكته المدينه شعجب موديره جنهه اگبور

راح الگبر فاطمه وصاح بدمع هظمه
الانسان مهما كبر يحـتاج حضن امه
وحسين حن واجه لحـضانج اتضمه

شميني يافاطمه بنحري اليضل منحور

شخلف وراه بس بجي واگلوب مفجوعه
مـن الـعليله البـقت بجـفـوفـهـه ادمـوعه
وام البـنـيـن ابـحــزن تــتأمل ارجــوعـه

صاحت يماخذ گمر ظلت مظلمه الدور

جـان الضـعن مطمـئن رغـم المشي بالبر
وساقي العطاشى يرف بالبيرغ الاخضر
مـا زال عـبـاس اكــو .. خـاتـأمـن الخّدر

تغفه وتنام برغد دام العلم منشور

وام الطفل عالطفل لولت ومتامله
يكبر ابنـهه الـولد وعالخـيل يتعله
ماتدري باجـر يـرد وبرگبـته النبله

مادار عمره سنه وسهم اعلنحره ايدور

بضعنه عفاف الـنبي المـاكو اعـف منه
واللي مشت وي اهل خطوتهه متأمنه
بـس بـاجـر بـكـربـلـه جـم حره تـتمنه

اتموتهه نار الخيم ولانظره من ناطور

اويـاهـم خيم تنـصب مامونه كـل مـغـرب
تالي اعله روس الحرم هاي الخيام اتشب
ويطـلعـن امـن الخـدر حـالـتـهن اتـعـجب

شيطفي عين الشمس شيغير المقدور




ابو حميدة الشويلي

اللهم عجل لوليك المنتقم الفرج

قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4
1.8k 0 18 12
قصائد منبريه مكتوبه 📚

28 Jan, 06:52

Open in Telegram Share Report
ودع ابنيته ورگب ميمونه
وروحه رادت تطلع امن اعيونه
.
حسين طول الليل مشغول الفكر
ما مغمض لحد ما حل الفجر
يفكر ابنته العليلة ومنكسر
شلون باجر من تودع اضعونه
.
صلى واخبر زينب تحضر الضعن
وكالها وي العليلة اتوداعن
واعتنن كلهن بنات ام الحسن
ياخذن من خاطر المحزونه
.
حسين صد هي ورقية تگابلن
وجسد واحد صارن امن اتشابگن
ازغار ويكسرن الخاطر لو بجن
حسين من صدهن تغير لونه
.
فجاة مسحت بالعباية عينها
لان لمحت يجري دمع حسينها
اتعمدت كدامه تخفي اونينها
وراحت وشبكته تشم امتونه
.
شمته وباسته وگامت تبتسم
تگله يا احلى ابوّْ بكل الزلم
انه ترباتك يبويه لا تهم
لا تهم وانه الك ممنونه
.
بيدها زتت ابوها للمهر
رگب بس حسين گلبه منكسر
يدري گلب ابنيته متحول جمر
وحتى لا ينجرح صارت عونه
.
نوك الضعون ابتدت ممشاها
ودار وجهه حسين لن شافاها
على الباب وتومي اله ابيمناها
حس هضمها من تضل من دونه
.
حسين حن گلبه ونزل من مهرته
رجع مسرع وهوْ تجري دمعته
كعد عالكاع وحضنها ابنيته
والدمع مدري شصبغها جفونه

عبدالله الفريجي

قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4
2.1k 0 51 11
قصائد منبريه مكتوبه 📚

28 Jan, 06:08

Open in Telegram Share Report
يالكافل بروحك نبي وحامي الرسالة
ونعم منك يا وفي وگد الكفالة
ــــــــــــــــــ 

گالوا عليك انته أشركت في عصر جاهلية
وانته أول الأمن گبل متأمن الـبـريـة
هذا اليسولف بالشرك ما يعرف القضية
مو مشرك الخلف علي دين أو وفه وحمية


هذا جواب الي حجة رد لسؤاله
ونعم منك يا وفي وگد الكفالة
ــــــــــــــــــ 

جانت قريش تحاججك وتگلك المطالب
قلبك جبير ويتسع و تحملت مصاعب
كل عمرك تود النبي وتحبه يا ابو طالب
عمرك قصير اعله الحزن وبعمرك المصايب


يالقلبك يسولف عشگ والحب وحالة
ونعم منك يا وفي وگد الكفالة
ــــــــــــــــــ 

معشر قريش التستمع يالگلت في سنيني
منك جواب الهم وصل گلت الحقيقة بيني
واللّهي لوّ وضعتمُ الشمسُ فـِي يمْيني
والگمر والله بيسرتي لا ما تركته ديـني


بعهدك يبو طالب گلت أعظم مقالة 
ونعم منك يا وفي وگد الكفالة
ــــــــــــــــــ 

لمن طغوا أهل الظلم وتمردوا واجوكم
يم الشعاب بلا رحم يالغالي طلعوكم 
وتأذوا أنصار النبي وبمكة ما رعوكم
وانتة جبير تمرضت يابو علي ونفوكم


صنت الأمانة أو ودعت يم الجلالة 
ونعم منك يا وفي وگد الكفالة
ــــــــــــــــــ 

قلب النبي حيل انفجع لمن رحل كفيلة
عام الحزن هذا الصبح خل وفگد خليلة 
راحت الروح بهل المسه للباري وي رحيله
أول الدعوة التضحية وانته صرت بديلة


گال أني ميت يا علي كون ابداله
ونعم منك يا وفي وگد الكفالة
ــــــــــــــــــ 

يالكرست عمرك وفه هالميزة من صفاتك
ضحيت كل عمرك اله بالحلم وامنياتك
بالغار تسأل على النبي ما تطمئن حياتك
ما تغفى عينك ما نمت يا لتنتظر صلاتك


بعدك علي لطه صبح يشبه خيالة 
ونعم منك يا وفي وگد الكفالة
ــــــــــــــــــ 

الشاعر زين العابدين الشمري
تمت ببركة المولى علي عليه السلام 

قناة الرجوع الى الله    @h_ameer1
قصائد منبريه مكتوبه  @h_ameer2
ملا ابو امير الفاطمي   @h_ameer3
قصائد نسائية مكتوبه  @h_ameer4
2k 0 10 7
قصائد منبريه مكتوبه 📚

28 Jan, 00:15

Open in Telegram Share Report
يا لهفة الشوق ومسك الختام
يا سيدي عليك مني السلام

****
في ليلة عــــــدت عروس الليال
تبــــــــــــارك الله بها ذو الجلال
حيث هوت فيـــها عروش الضلال
وجاء بالإسلام طه الهمام
*
أهلاً وسهلا ً يا حبيـــــــــب الآله
من كل قلب فيك يلقـــــــى هواه
لولاك ما العيـــــــــش وما محتواه
يا رحمة الله لكل الأنام
*
يا رحمة الله العزيـــــــــز المعين
قد اصطفاك لدينــــــــه خير دين
فعبدته حتــــــى أتاك اليقيـــــن
مقامك المحمود أعلى مقام
*
بك بلّغ الله عظيــــــــــم الشرف
لمحل من أكرمهــــــــــم إذ رأف
مذ فرحة الميلاد خيـــــــــــراً تزف
قد لاح فجر الفوز رغم الظلام
*
وجئت نوراً ليــــــــــس فيه امتراء
بك قد أنــــــــــار الله وجه السماء
كذلـــك الأرض وكـــــــــــان النداء
بشراكم اليوم بخير الأنام
*
والله أندى حين يحنــــــــــو على
عبيده يا خيـــــــــــــــر كل الملا
وهكذا العطــــــــــــــــف وإلا فلا
من مسبغ النعمة حد التمام
*
هذا سلامي من صمـــــــــيم الفؤاد
والعهد مني دائم للمعــــــــــــــاد
بك قد أنار الله درب الرشــــــــــــاد
يا سيد الخلق نشرت الوئام
*
وهكذا الإســـــــــــلام دين الولاء
دين المحبة ليـــــــس دين العداء
جئت به مبشـــــــــــــــراً والرجاء
تشفع يا طه لكل الكرام
*
تشفع عنـــــــــــــــد الله للمؤمنين
أقصد مـــــن والاك والطــــــــاهرين
أهل العبا وســـــــــــــادة العالمين
ومن بهم دين الآله استقام
*
فبنتك الزهراء خيـــــــــر النساء
وصهرك الكــــــــــــرار روح الوفاء
أنعم بسبطيـــــــــــك كنور يضاء
يا صفوة الله العلي السلام
*

خادم الإمام الحسين عليه السلام
عمار هليل الواسطي


قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4
2k 0 12 7
قصائد منبريه مكتوبه 📚

27 Jan, 20:07

Open in Telegram Share Report
2.1k 0 14 3
قصائد منبريه مكتوبه 📚

27 Jan, 20:07

Open in Telegram Share Report
نحيي ذكرك رغم حِقد النَّوَاصِب
ألسلامُ عليكَ يابو طالب
ــــــــــــــــــــــــــــــــــــــ
صحنه كلنه احبابك..مايهمنه العاذل
يالكفلت الهادي..والله نعم الكافل

إلك ياسيد قريش ابكل وكت نادينه
إحنه خِدَّامك نضل ورغم اليعادينه
صنت موضوع الكفاله وناصرت هادينه
ناصر الأسلام انت وهالشرف يكفينه

النصرت الدين تِحمَّلت المَتاعب
السلامُ عليكَ يابو طالب
ــــــــــــــــــــــــــــــــــــــ
واضح اهل الباطل...مُشرك ايوصفونك
لان والد حيدر...سيدي ايبغضونك

هالأمر يصبح تناقض يللي كافل طه
مُشرك وكافل الهادي العقل مايرضاهه
لكن وداعة محمد صرخه عليناهه
مثل ماتتباهه إحنه ابحُب علي نتباهه

يَلِّلي حُبكُم فَخر يَهل المَنَاقِب
السلامُ عليكَ يابو طالب
ــــــــــــــــــــــــــــــــــــــ
مات مُشرك گالو..وبالحچي شعلينه
انت والد حيدر...وتُعتَبَر والينه

يالنصرت الدين واضح نهجك وعنوانك
آمنت بالله ورسوله وصادق ابإيمانك
رغم حكم الجاهليه وكل ضلم عدوانك
راية الحق ارفعتهه والله رافع شانك

رايِتَك بيضه ياشيخ الاطايب
السلامُ عليكَ يابو طالب
ــــــــــــــــــــــــــــــــــــــ
يوم فگدك صاير...عام حزن الهادي
واحنه هاي الليله...وي نبينه انَّادي

يوم الاحزان ابرحيلك أصبح الهادينه
واحنه ننعاك المسيه يابو طالب جينه
نحيي ذكرك يافخرنه للعَزَه اتعنِّينه
للرسول انگله عَمَّك والله ماناسينه

ويه نبينه الدمع هالليله ساچِب
السلامُ عليكَ يابو طالب
ــــــــــــــــــــــــــــــــــــــ
يادمعنه الليله...وي علينه انسيله
عظم الله امصابك...ياعلي ابهالليله

كلنه نلفيك ابجرحنه يالصميده البابك
نعتني ابكسر الخواطر نوگف اعله اعتابك
ياولينه الليله تسمع صوت من احبابك
عظم الله امصاب طه وعظم الله امصابك

ونظره مِنَّك نريد الهالمواكِب
السلامُ عليكَ يابو طالب

سيد علي الموسوي

قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4
2.2k 0 28 15
قصائد منبريه مكتوبه 📚

27 Jan, 16:18

Open in Telegram Share Report
وأكثر ما يمزق قلبي ويدميه هو مناداتك
( بالشريد الطريد )
أنت شريد ' أمان الأرض طريد !!! آه سيدي

لا أسعد الله لي قلب ولا أغمض لي عين ولا أهنأ لي عيش وأنت تتجرع غصص الألم ويعتصر قلبك من الهموم

قبح الله العيش بغيابك سيدي

💔😞
2.2k 0 6 30
قصائد منبريه مكتوبه 📚

27 Jan, 15:39

Open in Telegram Share Report
قارِب ذنوبي .. عنّك محبوبي ..  ياخذني بَعيد
وأندم بدايـه .. بس بالنّـهايه .. أذنب من جديد
عُذراً مولاي .. عُذراً مولاي
➖➖➖

شما نويت اعله گربك تعت بيدي الذنوب
وقارب ذنوبي ياخذني عن بابك بَعـيد
هيه غلطه وهجرتك لجَن هسه صَحيت
ورايد امراضة گلبك واجي تسامحني اريد

هيّه غلطة عمري هاي
من مشيت ابمشتهاي
وما شرِت گلبك وشوري الضّيعاني
چنت يمك عندي شان
وجاه عندي وكلشي چان
ورخّصت روحي بعشگ دنيا امداني


بذنوبي ذنّـي .. خايف اتْهدني .. من ايدك واضيع
مولاي اريدك ..  ربيني بيدك .. واحسبني رضيع

➖➖➖
يمته آخر عَفو احجيها من گلب ولسان
ويمته يا دمعة منها و اتوبن يا حُسين
بكلبك اتلمني مولاي واطشر روحي دوم
مو حنين انا وانت عَلي دومك حِنين

هواي گتلك راح اتوب
وما نشَفت  من الذنوب
شما ردت تبنيني اهدّم بيدي روحي
عمر خلّـصته اعتذار
يمته احس بالأنكسار
شما الك انوي اعتدل يعْـوَج طموحي

مو حلوه مني .. لو گلبي خَذني .. وما ردني ليك
كافيني اهجرك .. خايف اخسرك.. واتحسر عليك

➖➖➖
بلغة ندمان اجي احچيلك بواهس رضاك
هذا ذنبي وعلى الله بقت روحي وعليك
منين ما باوع لروحي غلطان  انا اشوف
وهل اجيت ارد اعمّر حياتي آنا اعله اديك


من مَقالب روحي راح
بفَي حنانك  أستـراح
حالي من حال الحمَام اليَم ضريحك
وثوب هجراني الطويل
راح  انزعــه وما أعيـل
وگلبي اگرصه و راح اعلمه ما يجرحك

سامحني مَرّه .. وما راح اكسره .. گلبك يا حُسين
عينك عليه .. يابو رقيه .. وادريبك حِنين

➖➖➖
ولْدي واموالي مولاي سند بس ما يدوم
وانا أحوج إلك منهم بهذا الوجــود
بعالم الدّنيا والموت بدونك انا اضيع
كلشي فاني ورحمتك فلا إلها حِـدود

مالي واهلي والبيوت
مالهم دور من اموت
انت بس انت الـذِي ما تنطي ظهرك
ومن يدفنوني ابْـتراب
وعني تتخلّه الاحباب
هنا اخاف ومالي يابو سكينه غيرك

ماعندي ناصر ..يوگفلي باچر.. بلگبر من افوت
رايد وكفتك .. انا ورحمتك..  يحسين من اموت

➖➖➖
خادم القصيدة
حيدر عبدالله السعيدي

قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4
2.4k 0 37 11
20 last posts shown.