🌸التربية الهادئة🌸Level 1

فهرس أكاديمية اسراء هارون رحمها الله ونور قبرها




#كورس_التربية_الهادئة
#اسراءهارون



#كورس_التعامل_مع_المراهقين
#اسراءهارون



#كورس_أنواع_الشخصيات
#اسراءهارون


#كورس_الرجال_والنساء
#اسراءهارون



#كورس_التغيير
#اسراءهارون

فيه ايات معينة رغم انها نزلت في سياق محدد بس مجرد قرائتها في مراحل و ظروف معينة ، بتحس انها رسايل طمئنة في رحلتك من القلق للفرج و الفرح ♥️:

مرحلة الصبر 🌑 :

﴿ وَاصْبِرْ لِحُكْمِ رَبِّكَ فَإِنَّكَ بِأَعْيُنِنَا ﴾

﴿وَلَسَوْفَ يُعْطِيكَ رَبُّكَ فَتَرْضَى﴾

﴿فَاصْبِرْ صَبْرًا جَمِيلًا﴾

﴿ إِنَّمَا يُوَفَّى الصَّابِرُونَ أَجْرَهُمْ بِغَيْرِ حِسَابٍ﴾

مرحلة القلق 🌘:

﴿ قُلِ اللَّهُ يُنَجِّيكُم مِّنْهَا وَمِن كُلِّ كَرْبٍ ﴾

﴿ لَا يُكَلِّفُ اللَّهُ نَفْسًا إِلَّا مَا آتَاهَا ۚ سَيَجْعَلُ اللَّهُ بَعْدَ عُسْرٍ يُسْرًا ﴾

﴿وَلَا تَيْأَسُوا مِنْ رَوْحِ اللَّهِ ۖ إِنَّهُ لَا يَيْأَسُ مِنْ رَوْحِ اللَّهِ إِلَّا الْقَوْمُ الْكَافِرُون﴾

لما الامور ماتمشيش زي ما انت عايز - مؤقتاً - 🌒:

﴿ فَأَرَدْنَا أَنْ يُبْدِلَهُمَا رَبُّهُمَا خَيْرًا مِنْهُ﴾

﴿ وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ ۖ وَعَسَىٰ أَن تُحِبُّوا شَيْئًا وَهُوَ شَرٌّ لَّكُمْ ۗ وَاللَّهُ يَعْلَمُ وَأَنتُمْ لَا تَعْلَمُونَ ﴾

﴿ قُل لَّن يُصِيبَنَا إِلَّا مَا كَتَبَ اللَّهُ لَنَا هُوَ مَوْلَانَا ۚ ﴾

﴿ لَا تَدْرِي لَعَلَّ اللَّهَ يُحْدِثُ بَعْدَ ذَلِكَ أَمْرًا ﴾

مرحلة الفرج 🌖:

﴿ مَا يَفْتَحِ اللَّهُ لِلنَّاسِ مِن رَّحْمَةٍ فَلَا مُمْسِكَ لَهَا ﴾

﴿ وَآتَاكُم مِّن كُلِّ مَا سَأَلْتُمُوهُ ﴾

﴿ فَاسْتَجَبْنَا لَهُ وَنَجَّيْنَاهُ مِنَ الْغَمِّ ۚ ﴾

﴿ قَدْ أُوتِيتَ سُؤْلَكَ ﴾

ربنا يهدي بال كل قلقان و يحقق ليكم كل امنية تفرح قلوبكم 🌿💛

منقول

دايما وانت بتدعى ناجى ربنا باسم من اسمائه

ناجيه بإسمه السلام .. يرزقك السلام النفسي و السكينه .. و السلام مع كل الناس .

ناجيه بإسمه البصير .. لما تتوه في النوايا .. و متفهمش حقايق الأمور .. و تبقى مش فاهم ال بيدور حواليك .

ناجيه بإسمه النور .. اما تضلم الدنيا .. و تبقى مش شايف ملامح الطريق .

ناجي باسمه الهادي .. اما الاختيارات تكتر .. و دماغك تودي و تجيب .. و تبقى مش عارف تمشي منين .

ناجيه باسمه الحكيم .. يرزقك الحكمه عشان تعرف تتصرف .. و تفهم الدنيا .. و تشوفها صح .

ناجيه باسمه القادر .. اما يتقالك مُستحيل .. اما تبقى عايزه قوه تعينك .. اما تبقى عايز توصل مهما حصل .

ناجيه بإسمه الجبار .. اما قلبك يتكسر .. و يتداس على حقك .. و الظلم يطولك ،

ناجيه بإسمه الحي .. اما قلبك يموت منه اجزاء غصب عنك .. يا بسبب ذنوب .. او بسبب خذلان ..

ناجيه بإسمه الودود .. اما الناس تسيبك .. و تهجرك .. و تلاقي مفيش أنيس .

ناجيه بإسمه القوي .. اما تضعف .. او تحس انك هتقع .. و تحس ان كل حاجه بتهد فيك .

قال تعالى (( و للهِ الأسماءُ الحُسنى فأدعوهُ بها ))

اكيد لكل اسم سر ، و يقال اسم الله الأعظم هو الأسم الـ تحسه اوي و أنت بتدعي بيه ، و من كرمه ، لكل حال احنا فيه ، في إسم من أسماؤه بيطمنك ، ادعي ، و حاشاه أن يخذل عبده :))

#المناجاه_بأسماء_الله_الحسني
منقول
إسراء هارون

من الرسايل الخاصة
""" ولادي كبروا واصبحوا في سن مراهقة وبدأوا للاسف يقطعوا في الصلاة و يقصروا فيها .. قعدت فترة كبيرة عندي اكتئاب من الموضوع ده بدعيلهم بالهداية ومفيش فايدة .. بفضل اقولهم اتقوا الله لحسن تموتوا كدة .. لو متوا وانتو كدة هتقولوا لربنا ايه وافضل اتكلم واوعظ ولا اي فايدة معرفش جابوا قسوة القلب دي منين مع اني مربياهم عالصلاة وانا ووالدهم بنصلي ..
لحد لما قررت اشوف حل للاكتئاب اللي عندي ونفسيتي اللي اتدمرت دي .. واشتركت في برنامج التغيير mind formatting معاكي من حوالي سنتين ..
وكنتي بتتكلمي في جزئية التفكير الايجابي وانه مفيش اي هدف هيتحقق اللا لما افكر فيه في اطار ايجابي وان من القواعد الاساسية للتفكير الايجابي ان كلامي مع نفسي ( حديث النفس ) يكون ايجابي ومن ضمن كدة اني اقول اللي انا عايزاه مش اللي انا مش عايزاه .. ومن هنا ربنا ألهمني اطبق ده مع ولادي وفي كلامي مع نفسي عن ولادي .. كنتي بتقوليلنا في التسجيل دربوا نفسكم و لاحظوا كلامكم السلبي واستبدلوه بايجابي .. واسألي نفسك هو ده اللي انا عايزاه يحصل ؟؟ ..
بدأت الاحظ نفسي لقيت كل كلامي مع ولادي ومع نفسي عنهم سلبي .. كله بقول اللي انا مش عايزاه ..
( لو فضلتوا كدة هتموتوا كدة )
( لو متم فجأة هتقولوا لربنا ايه ؟ )
( انتو مفيش فايدة فيكم ؟ مفيش كلام بيأثر فيكم ؟ لازم تجيلكم مصيبة يعني عشان تتعظوا ؟ )
( اول حاجة هتتحاسبوا عليها الصلاة كدة اعمالكم كلها هتحبط )
كلللللها حاجات انا مش عايزاها تحصل 🙈
لما وعيت لكدة فضلت ابكي مدة طويلة مش مصدقة انا ليه بقول الكلام الوحش ده عليهم في فكري و ليهم كمان ؟!!!
هو ده اللي انا عايزاه يحصل ؟؟ طب ليه بقوله ؟!!
وقررت ابدل كلامي وافكاري
عملت زي ما قلتيلنا مسكت ورقة وقلم وكتبت كل افكاري السلبية دي وبدأت افكر ازاي احولها لكلام ايجابي واكتب الافكار الجديدة
بدأت افكر واقول :
بدعيلكم ربنا يهديكم و يرزقكم الصلاة طول عمركم وحتى النهاية
ربنا يديكم طولة العمر مع حسن العمل وحسن الخاتمة بعد عمر طويل
ربنا يسامحكم ويتجاوز عن تقصيركم ويهديكم تصلوا بكل سهولة ( من غير مصايب )
ربنا يردكم للصلاة بلطف و رفق وكرم منه ( من غير عقاب )
رب اجعلني مقيم الصلاة ومن ذريتي
وبقيت افكر دايما واتخيل ان ربنا هداهم وبقوا يحافظوا عالصلاة .. بحسن ظن و يقين بالله .. عكس ما كنت بتخيل قبل كدة انهم هيفضلوا كدة ميصلوش و يستهتروا بعلاقتهم بربنا ويمكن كمان الامر يزداد سوءا لحد ما والعياذ بالله تنتهي حياتهم .. ايوة للاسف اكتشفت ان ده كان تفكيري وخيالي 🙈 بفكر في هلاكهم وتدهور علاقتهم بربنا و العقاب اللي مستنيهم .. تحت مسمى اني خايفة عليهم احسن يحصل كدة .. واذا بي اصبح ده ظني وتفكيري وكاني بستدعيه وانا مش حسة والحمد لله اني انتبهت اني كنت غلط ..
و بعد ما استبدلت تفكيري .. وحديثي مع نفسي فعلا زي ماقلتي بدأت الافكار الايجابية ..
جتلي فكرة كدة اني ادخل اصلي في اوضة كل حد منهم صلاة عالاقل كل يوم ..اهو يمكن تنورها .. واستغفرلهم و ادعيلهم وكنت بقول وانا ساجدة يارب الصلاة الجاية يكون هو اللي بيصليها او هي اللي بتصليها .. يارب متآخذهمش و سامحهم واهديهم ..
وبقا كل تفكيري وتركيزي وخيالي في هدايتهم وان ربنا يسامحهم ويهديهم ويقبلهم .. بقا تفكيري في نجاتهم مش هلاكهم ..
وطبعا اول نتيجة ايجابية حصلت ان علاقتي بيهم هديت لاني بطلت زعيق و لوم وتقريع وتبكيت و الكلام اللي زي السم اللي كنت بسمعهلهم .. وبدأ يبقا في بيننا حوار جميل لطيف ومشاركات وهزار .. بعد ما كانو بيهربوا مني ويتجنبوني .. كانو قافلين مني !!
تاني نتيجة ايجابية
فضلت سنة بدل ما كنت عايشة مكتئبة حزينة مترقبة مصيبة تحصلهم او عقاب من ربنا يحل عليهم .. اصبحت عايشة مؤمنة مستبشرة حسنة الظن بالله طامعة في غفرانه ليهم وسماحه مترقبة لهدية منه .. ونفسيتي طبعا هديت كتييير واتغيرت خالص وفرقت ١٨٠ درجة ..
وبعد سنة .. حصلت المعجزة ..
والاسباب كانت عادية .. كأنها مجرد محفز او بداية .. وكان ممكن جدا تبعدهم اكتر لكن ربنا جعلها اسباب هداية ..
ايوة لقيتهم بدأوا يصلوا ..
البنت مرت بتجربة عاطفية عادي ككل البنات و فشلت ومن بعدها ربنا هداها واتغيرت للاحسن و بقت بتصلي ..
والولد كان عنده مشكلة قلقاه وربنا كرمه واتحلت وزي ما يكون اتكسف من ربنا وبدأ يصلي ويقطع وبشوية تشجيع مني و حنية وتقدير واظب وبقا بيصلي ..
حسيت ان ربنا كرمني فيهم .. خاصة و ان السببين بيعدوا على ناس كتير كل يوم و مش شرط يبقوا سبب هداية فهذا من فضل ربي ..
ساعتها جت في بالي ان الله لا يغير ما بقوم حتى يغيروا ما بانفسهم ..
للدرجة دي .. ايوة للدرجة دي وبالعمق ده .. ""

انا جسمي قشعر وانا بسمع التسجيلات الصوتية وبكيت معرفش ليه .. وبنقلهالكم لان هي طلبت اني احكي حكايتها للناس تستفيد منها ولو مكنتش طلبت كنت هستأذنها احكيلكم لانها من اجمل القصص اللي مرت عليا بجد .. و من اكتر ا

عملها وقبل ما يكلمه انه قاله ادنو مني و ضمه ليه .. طمنه الاول انه بيحبه وجنبه ومتعاطف معاه و فاهمه .. وبعدين بدأ يفهمه انه طلبك مينفعش .. بمنتهى الرفق والحنية والهدوء .. وبعدها دعاله ..
الشخص ده كان صحابي على فكرة يعني خيرة الخيرة .. يعني حتى الصحابة مروا بالفتن ؟ حتى اللي اتربوا جنب الرسول وفي اشد البيئات التزاما ؟ ايوة .. يعني ده بيحصل في احسن العائلات .. مفيش انسان مهما كانت ظروفه وبيئته كبير انه يقع .. ولو ربيناه جوة مسجد و الرسول جنبه و الصحابة مجتمعه .. لان دي سنة الحياة ..
الموقف ده درس بليغ لازم نحطه قدام عينينا .. ونرحم نفسنا واولادنا ونتعامل بهدي النبي في احتواء الاخطاء والمخطئين .. لسبب بسيط ان كلنا ذووا خطأ .. وخير الخطائين التوابون ..
حابوا عليهم دايما وساندوهم .. كلمة منكم في وقت معين ممكن تفرق .. حضن بسيط ممكن يكون هو اللي ناقص عشان يملا قلوبهم .. لمسة او لفتة حنية ممكن هي اللي ترجعهم لرشدهم ..
ربنا يحفظنا واولادنا جميعا ولا يؤلم قلوبنا عليهم ابدا وينجي الواقع منهم ويهدي التايه ويسعدنا بصلاح احوالهم دايما يارب
#اسراءهارون

https://m.facebook.com/story.php?story_fbid=2897973830234903&id=816408068391500

يمكن البوست ده يصدم بعض الامهات اللي فاكرين ان التربية بتخلص او مستنيسنهم يكبروا عشان ارتاح او فاكرين المراهقة اخر المشاكل في التربية 🙈 ..
معلش سامحوني واستحملوني .. انها الحقيقة يا سادة ⁦☺️⁩ ..

اوقات ولادنا يقعوا في غلطات بنشوفها كبيرة وبنتخض .. زي ان حد منهم يجرب سجاير او حشيش او يتعلق ببنت او تتعلق بولد او تقلع الحجاب او لو مش لبساه ترفض تماما تلبسه او يقطعوا ويفرطوا في الصلاة او يبدأوا يتكلموا في افكار الحادية .. مع اننا بنكون ربينا بكل ما فينا واجتهدنا و طلع عينينا كمان ..
بيجيلنا احباط ونستغرب اومال لو مكنتش ربيت كويس ولا كنت سيبتهم بدون توجيه كان حصل ايه !!!
وابدأ زي المجنونة ادور على اسباب يمكن صاحبه ده ايوة مش برتاحله يمكن صحبتها دي وزتها يمكن كذا يمكن كذا .. وبننسى نقطة مهمة اوي وهي ان اللي معندوش استعداد لحاجة مش هيروحلها .. وان التحريض ده لو فيه تحريض اصلا مش هيأثر لو مكنش الشخص نفسه من جواه عنده استعداد .. يعني متدوريش برة ولادك .. الموضوع جواهم ..
الحقيقة اننا مش مدركين ان الاخطاء عموما طبيعة بشرية والاستجابة للفتن محدش كبير عليها .. ده احيانا كتير الشخص يروح للخطأ برجله تماما بدون اي فتنة ولا اسباب ولا دواعي ..
احنا كآباء بناخد بالاسباب اكيد ونبعدهم ونحوط عليهم بس رب الاسباب بيكون له تدبير اخر .. لحكمة بالغة ..
من اوضحها .. الحساب ..
مش اولادك اصبحوا مكلفين دلوقتي وبيتحاسبوا ؟!!
ايوة .. مش من العدل و الله هو العدل .. ان ابنك او بنتك يتحاسبوا على سلوكيات اكتسبوها منك بالسليقة و اثناء التربية وبالتعود او عشان اتضرب على مخالفتها او عشان لحينا عليه يعملها ..
لابد يكونوا هم بيعملوها بكامل ارادتهم وبوعيهم .. مختارينها يعني .. مش متبرمجين عليها .. مقررين يعملوها بنية و لسبب .. مش متعودين عليها وخلاص .. واللا ميبقاش الحساب والتكليف له معنى ..
ده غير اننا بنبقا متخيلين ان الهداية بايدينا وان طالما خدنا باسبابها خلاص لازم تتوجد وكأننا احنا المسيطرين ..
وكأننا بنشترط .. انا قدمت حاجة لازم اشوف نتيجتها .. وكأن الدنيا ماشية بورقة وقلم ..
فتحصل حاجات زي كدة رسالة من ربنا تقولنا انك لا تهدي ولكن الله يهدي .. تأكدلنا ان القلوب بين اصبعين من اصابع الرحمن يقلبها كيف يشاء ..
نقطة تانية مهمة برضو ان ولادنا احيانا بيكونو بيعيشوا مرحلة معينة فاتتهم فبيعيشوها متأخر بشكل مختلف .. غالبا بتكون مرحلة التمرد ومحاولة اثبات الذات .. ومرحلة الفلترة .. ان الشاب بيبدأ يفلتر الاوامر اللي خدها دي بدون اقتناع او اتبرمج عليها او حصل الحاح عليها كتير فاضطر يعملها عشان يخلص من ضغط الالحاح و خلاص .. كل ده يرجع يفرزه من تاني ..
المرحلة دي بتكون بعد المراهقة .. يعني قد تمر المراهقة هادية نوعا ما بدون مشاكل كبيرة ونتفاجيء بعد ما يعدوا العشرين انهم اصبحوا اشخاص تانيين فين البنت الرقيقة الخضوعة ؟ فين الولد المطيع الخلوق ؟!! هم موجودين .. بس متغيرين .. نسيوا يتمردوا فهيتمردوا شوية وراجعين ..
وناس تعدي العشرين وتوصل لتلاتين ونظن انهم عدوا و يوصلوا للاربعين كمان ونتفاجيء بصورة من صور التمرد او اللي بنطلق عليها المراهقة المتأخرة .. و هي بكل بساطة الطفل الداخلي في كل منا عايز حاجة فاتته ..
اومال تربيتي راحت فين ؟
ما راحتش .. موجودة
تربيتك لو سليمة بتربي عقلية سليمة ونفسية سوية وشخصية ليها مهارات .. دي اهم حاجة لازم تكون موجودة عشان ترجع الشخص من اي تمرد او خلل او تسنده وهو بيمر باي ضغط نفسي او drop من اي نوع ..
تربيتك لو بحب غير مشروط بتنشيء محطات امان يقدر لما يتوه ومهما تاه يرجعلها يقدر لما يفوق يتمسك بيها ..
عشان كدة مينفعش مهما كان ومهما عمل مينفعش تسيبيه او تتخلي عنه او تقسي عليه .. انتي ام .. ودور الام مبينتهيش لاخر نفس فيها .. ومهما كان عمر ولادها ..
مينفعش ترفضيه ولا تتجاهليه ..
لازم تحتويه و تحتضنيه ..
ازاي وانا مش طايقاه .. هي دي المشكلة ( انك مش طيقاه ) .. دي مشكلة في تفكيرك لابد تتظبط ..
وعشان كدة بشرحلك الوضع .. عشان تتفهمي اللي بيمر بيه و تستوعبي ان العوارض دي كلها ليها جذر جواه وان الامر عميق ومحتاج دعم و احتواء وان مينفعش اسيبه لوحده تايه او بيصارع فتنة او بيعافر مع نفسه .. لازم اكون جنبه .. جنبه اولا بحبي .. بحب كتييييير ولين وحنية ودفا .. ثانيا بتوجيهي واتكلم واحاور بس بهدوء وتفهم .. وافهمه اني مش راضية و اكيد زعلانة عليك او عشانك اني اشوفك بتئذي نفسك او تغضب ربنا عليك بس انا جنبك .. وقبل ده كله وبعده بدعائي ليه ..
وافتكري الحب قبل كل شيء ..
الرسول صلى الله عليه وسلم لما جاله واحد بيقوله ااذن لي في الزنا ومع انه طلب صعب ولو حد طلبه دلوقتي في زماننا المنفتح ده من امه ولا ابوه هيلطشه قلم ويقوله انت بجح امشي ومتورنيش وشك ⁦☺️⁩ ..تخيلوا بقا ده كان رايح يطلبه زمااان ومن مييين🙈 ؟!!! من الرسول .. ومع ذلك اول حاجة الرسول