الشيخ جواد :: تهااااني بنتي افتحيلي الباب بعد عمج
رافد :: شفت ابوي صعد شصعدك ياابه
الشيخ جواد :: صعدتني بنت الغالي
تهاني :: فتحت الباب شفت عمي ورافد دخل عمي وسد الباب
اكعدي بنيتي
تهاني :: بس الدموع اصب
الشيخ جواد :: هاي الدنيا بنتي صدكي متترك احد بحاله كل ماتقسي عليه تخلي قوي وتخلي يعرف الي بحياته الي يحبه والي يكرهه وخيره من شينه

تهاني :: عموو صعبه والله معتبرته ابوي واعزه
ليش هيج حرمني منكم وحجالي شغلات كومه خلاني ماتمنا قربكم تالي طلع تفكيره دغش وحقد

الشيخ جواد :: حقج بنتي ماالومج الله وصانه نسمع كلام الجبير وانتي سمعتي ماغلطتي امر ربج بعد المره قويه اقوه من رجل بكل شي ترى وانتي قويه لج حوووبتج عند الله
اصبري وكفي حياتج الدنيا ماتوكف عند احد اذا جان زين او مو زين كلنا ضيوف بهل دنيا وكلنا رايحين منها محد يدوم الاحد .. دموعج غاليه لا ترخصيهاا بنيتي

بعدج صغيره راح تكبرين بعد وشوفين وتعرفين اكثر واكثر بس هذاااا الدرس تتعلمين منه راح يخليج اشوفين الي يحبج ويتمنالج الخير متبقن بزونه مطفيه
وتاخذين حكج بيدج لا تعتمدين على احد

تهاني :: عمي يحجي واحس روحي ارتاحت اشويه
كلامه ايريح حلو كلام الي اكبر منك

الشيخ جواد :: يلا بنيتي كومي غسلي وجهج وصلي ركعتين واشكري ربج وحمدي هوا اعلم وادرى بكل شي
راح يريح كلبج
تهاني :: انشاءالله عموو

رافد :: هاا يابه
الشيخ جواد :: ماكو شي ابني الحمدالله
رافد :: الحمدلله اني طالع رايح للمستشفى
الشيخ جواد :: ابني تااخر الوكت الازم تريح ظهرك الصبح اروح
رافد :: متااخر وداعتك حمزة هم وصاني ايريد شغله
الشيخ جواد :: ماشي ابني الله وياك

تهاني :: اتوضيت وصليت ركعتين شكر كمت شفت رافد طلع مبدل وين رايح
رافد :: تردين شي
تهاني :: وين رايح انت بهاليل
رافد :: ضايج اشوف امي وشويه افتر وارجع
تهاني :: عفيه اخذني وياك مجايني نوم
رافد :: وين رايحه كلها زلم هناك فوتي نامي يلا
تهاني :: الله يخليك رافد والله مختنكه تااااخذني لو اشلون ترى والعباس اطلع امشي بهاليل وحدي مخنوكه اكلك

رافد :: ولج لا تعاندين كتلج زلم هواي هناك
تهاني :: اعرف زلم بس موو غربه ولد عمي ترى وراح البس عباية جتف طويله لا تكول لا عليك لعباس
رافد :: اباوع عليها العيون ذبلانه والوجه احمر والشعر واكع انكسر خاطري عليها يلا فضيهااا بسرعه لعد

تهاني :: اييي ماشي متااخر انزل انت جايه وراك
رافد :: ماشي

تهاني :: البست الجبه عليه وحطيت الشال ونزلت بسرعه كلها نايمه البيت ضلمى

عمه فوزيه :: بسم الله بنتي وين رايحه
تهاني :: هااا عمه رايحه وي رافد انشوف عمه ومجايني نوم لان نمت الظهر

فوزيه :: اخذوني وياكم محد يمها بس لولد
تهاني :: يلا امشي رافد برا ترى
البست عمتي وطلعنه
رافد :: هلا عمه عبالي نايمه وماكعتج
فوزيه :: لا يمه كاعده وجنت اريد احد يروح اروح وياه
رافد :: يله هسه اوديج
صعدت عمتي يمي وتهاني اليوره الشوارع فارغه وجاي يغسلون بيها تخبل البصره باليل
تهاني :: بقيت اباوع ع شارع والهوا الحلوو وصلنه للمستشفى نزلت عمه قبلي
رافد :: تهاااني صدرج 😡

تهاني :: الهوا طير الشال والله عدلت شالي ونزلت طبينه جوا الكينه سالم ابن عمي خلدون وحمزة وعلي رجل سمر

سلمنه وكعدنه يمهم
رافد :: شنوو ماكو اخبار
حمزة :: لا والله خويه نزل السكر بس الضغط على حاله دكتور كاله شغله زينه من نزل السكر . ....

عمه فوزيه :: اريد اشوفها وينها
رافد :: كومي عمه اروحلها
اباوع على تهاني تباوع عليه يلااا تهاني كومي
تهاني :: كمت وياهم وصلنه للعنايه خطيه والله صوت الاجهزة وشبه نايمه

رافد :: السلام وعليكم دكتور اكدر اطمن على والتي عدكم
الدكتور :: عليكم السلام اتفضل
رافد :: شنو حالتها دكتور
الدكتور :: عدها الضغط صاعد وشكد نحاول مدينزل
والسكر الحمدالله رجع الوضعه بس ان منزل الضغط اصير عدها جلطة الاسامح الله

رافد :: دكتور على بختك اريد امي من الله ومنك لا تقصرون بشي سو كل شي يلزم واذا الزم اخذها على مستشفى ثانيه

الدكتور :: ابني كل دكاتره متكدر اسوي شي
الضغط مشكله كبيره عدها ادعولها وانشاءالله اصير احسن
رافد :: تسلم دكتور اكدر اشوفهاا

الدكتور :: اكيدبس حاول لا طول
رافد :: صار كمت وي الممرضه البست ملابس مال العنايه ودخلت بستها من راسها وايدهاا يمه يالغاليه شنهي ترى هل نومه موو الج كافي اكعدي

والله يمه البيت فارغ عليه
حسيت امي كامت تفتح عيونها باوعت عليه رافد....
رافد :: ياعيونه امريني يمه
ام رافد :: اشلونكم يمه ابوك اشلونه

رافد :: زين يمه باله يمج الصبح اجيبه
ام رافد :: اخوك وين
رافد :: برا تردين اصيحه اشرت براسها ايي

طلعت عمه بلكي صيحين حمزة امي تريده
فوزيه :: تدلل يمه
تهاني :: الله يكومها بسلامه لكم يارب
رافد :: تسلمين

ويتبع .... ... . ..

البارت التاااااسع عشر
قصة (ثأ