خوی د پی مخو به جفا وي خو وفا هم کوي
دردونه چاته چې ورليږي پرې دوا هم کـوي

ښکلي چې هرڅومره بزرګ شي او دخدای ولي شي
د ديدن لمونز قضا کوي د زړه غلا هم کوي

ظالمې مونږخو په حلواپسې خپل سر ماتوو
څه تعجب دی چې دخولې مينه ملا هم کوي

غريب ګردباد چې کله ومومي دخاورو کفن
دمرګي غيږي ته ورځي ورته نڅا هم کوي

خدايه که مينه ناروا وي بسمل عفوه غواړي
انسان عاجز دی کله کله ناروا هـــــم کوي

دغزل مطلع دبيدل دهمدې بيت ژباړه ده
خوب رويان جفا پيشه وفـا نيز کنند
به کسان درد بفرستند دوا نيـز کنند