خفوا علي من العتب يالاصاحيب
اشوي لين اني جروحي تشاوا

انا طموحي كايد وعسر وصعيب
وجروحي الي في ما تنتداوا

ارمي الرجا في بعض الاصحاب ويخيب
تبينت ماعاد فيها مراوا

قدام عيني تبدي نجوم وتغيب
ونجوم قامت من عيوني تهاوا

كم لي وانا اقنب مثل ما يقنب الذيب
واحس في صدري ذياب(ن) تعاوا

ولا ارتحاح لين اركب على طارت الجيب
ولا تستوي لين الطريق يتساوا

واقلط على مجلس حصان الاطاليب
الي لربعه والاجانيب ماوا

ومنارته تاكل من السمر ماجيب
وصينيته تاكل ظهور الشتاوا

ماجور يا ستر البنات الرعابيب
وبيضَ(ن) على خوتك يوم نتخاوا

مرزوق المقاطي ..