دەنگەپەڕتووک

کتێبی "بوون و کات" بڵاو دەکرێتەوە

⭕️ ئەمشەو کاتژمێر ۲۰

🔸 کتێبی "بوون و کات" شاکاری فەلسەفی مارتین هایدگێڕ و شابەرهەمی سەرجەم بەرهەمە فەلسەفییەکانی سەدەی بیستم کە گرینگترین ڕێباز و قوتابخانە فەلسەفییەکانی هاوچەرخ لە ژێر کاریگەری ئەودا سەریان هەڵدا و گەشەیان کرد بەمزووانە لە لایەن وەشانخانەی مادیارەوە بڵاو دەکرێتەوە.
لە جیهانی ئەمڕۆدا خوێندنەوەی فەلسەفە و تێگەیشتنی فەلسەفی لە جیهان  و پرسیار لە بوون وەکوو پرسیارێکی کۆن و وڵامدانەوەی ئەم پرسیارە بۆتە بەشێکی گرینگ لە داڵغەکانی مرۆڤی بیرمەندی سەردەم کە  ئێمەی کوردیش بەشێکین لەم جیهانە و پێویستە هاوکات لەگەڵ ئەم کاروانە بەرەو پێش هەنگاو بنێین و ڕێبازە فەلسەفیەکان بناسین و بیاخوێنینەوە تاکوو لە بوون و ڕەهەندەکانی بوون تێبگەین.

🟢 وەرگێڕانی ئەم شاکارە فەلسەفیە جیهانییە بەرهەمی تێکۆشان و خۆبەئەرکدار کردنی بەڕێز کامەران نیک‌پەی لە پێناو دەوڵەمەند کردنی بەشی هزری و زانستی کتێبخانەی کوردی و خزمەت بە زمانی کوردی و گەشەی هونەری وەرگێڕان وەک بەشێکی گرینگ لە زمان و وێژە و هەروەها بەرچاوڕوونیدان بە خوێندکارانی بەشی زانستە مرۆییەکانە بۆ تێگەیشتنێکی قووڵتر لە هایدگر.
وەگێڕ ماوەی نزیک بە حەوت ساڵ لە سەر ئەم بەرهەمە کاری کردووە و کاتێکی زۆری تەرخان کردووە تاکوو وەرگێڕانێکی شیاو بە زمانێکی پاراو پێشکەشی کۆمەڵگەی کوردی بکات. بێ گومان خولقاندنی هیچ شاکارێک جا چ نووسین و چ وەرگێڕان بە بێ لەخۆبردوویی و چاوپۆشی لە ویست و دڵخواز و بەرژەوەندییەکانی ژیانی تاکەیی بەرهەمهێنەر بە ئاکام ناگات ئەویش ئەگەر بەرهەمێکی فەلسەفی ئاوها گران و پڕ ناوەڕک و پڕ لە وشە و چەمک و دەستەواژەی نوێ و نامۆ بێت.
بۆیە پێویستە وەک چۆن کاک کامەران نیک‌پەی خۆی ئەرکدار کردووە بەم خزمەتە نەتەوەییە پڕ بایەخە، ئەبێ تاک بە تاکی ئێمەی خوێنەر و خوێندکار و کتێب دۆست و سەرجەم نیشتماندۆستان بۆ ناساندنی ئەم بەرهەمە بە جۆرێک کە له ئاست قورسایی و گرینگیەکەیدا بێت خۆمان بە ئەرکدار بزانێن و بەم جۆره هەم ئەمەگداریی خۆمان بۆ زمان و وێژەی نەتەوەیی و پڕ کردنەوەی کەلێنەکانی بەشی هزری و زانستیی کتێبخانەی کوردی پیشان بدەین و هەم پاڵپشت و هاندەری وەرگێڕەکان و نووسەران و وەشانخانەکان بین بۆ ئافراندنی زیاتر و ڕەنگین‌تر کردنی هەگبەی زانستی کوردستان.

🔺 تکایە هاوکارمان بن و بۆ ئۆگرانی زمانی کوردی و کتێب و فەلسەفەی بنێرن

پەڕتووکی دیاریکراو بۆ شرۆڤە و لێکدانەوەی ئەمجارەمان

"گرەوی بەختی هەڵاڵە"
نووسەر؛ عەتا نەهایی
خوێندنەوە؛ گوڵاڵە ئیبڕاهیمی
ڕێکەوتی بەڕێوەچوون؛ ۲۱ی بەفرانباری ۲۷۲٤ کاتژمێر ۱۰ی شەو بەکاتی ڕۆژهەڵات، بەشێوەی ڤۆیسکاڵ و ڕاستەوخۆ.
تکایە لەگەڵمان بن

@avindaripartok

🌹بێگانە🌹

👇

🌹مرۆڤ و دەوروبەر🌹