#قصائد_العشرة_الاولى

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ



#قصائد_منبريه
#قصيده_بحق_القاسم_ع

ياشمعة عرس بعيون الطفوف يالزفوك يمه الحتف السيوف
يجسام العمر ماريده بعدك
عني يالرحت كَلي اشيردك
يالزفوك يمه الحتف السيوف
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
عمـر الـورد يـمه مـاجـزيـته ولاحانت أحس جانت منـيـته
كَـلبي ابـشـوفـتك تكبر مليته ومـن فـاركَـتك اكَليبي عميته
ييمه وكَطـعـت سبـاح كَـلبي
وبعدك لا ابد ماشوف دربي
يمه اخلاف عينك تدري ماشوف يـالـزفوك يمه الحتف السيوف
.......................................................
صـارت جـلـمـة الـيُـمه هويتي واكَلك يُمه صبحيتي ومسيتي
انبنه اعله احزان فكَدك يمه بيتي وتوافيني بعد هجرك منيتي
واشم عطرك ييمه ويالهوه الهاب
يلجمني الجرح يايمه ماطاب
واحس دمعات عيني ابجرحك اتروف يالزفوك يمه الحتف السيوف
.......................................................
خـذت عـقـد القـران السيف بيدك شـاب وحـنـتـك مـن دم وريـــــدك
يـمــاي اتـبـده من ايدي اشيعيدك ظـلـت روحـي متعلكَه اعله جيدك
ومن ذبحوك ذبحو يمه روحي
وبعد مانام ليلي من جروحي
ومن عيني دماي ودمعي مذروف يالزفوك يمه الحتف السيوف
.......................................................
يعطشان الجبد من جبدي اخذ ماي ولـتـخـلـيـني اون الــونـه بـهـــداي
أنـه اخـلافـك صدك جـازتـني دنياي من راسي لجدمي انشلـت اعـضـاي
يايمه بعد ماعندي كل حيل
وي زينب بقيت امساهره الليل
اشيصبرني عليك وكَلبي ملهوف يالزفوك يمه الحتف السيوف
.......................................................
بـعـدمـا رحـت يـمـه ظل الحسين شـفـته اكَـبـالي لا نـاصر ولَمعين
الكَـُمـر هـاشـم يـيـمـه طفو العين وكَـطعوهه ابغدر من عنده جفين
وبلايه اجفوف طاح اعله الوطيه
بعده انكسر ظهر حسين اخيه
ظل حسين وحده ابين الصفوف يالزفوك يمه الحتف السيوف


ياسر العارضي



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://t.me/joinchat/Dw92Dj9pmspR5uHfACGjlA