نعي + ابو ذيات + هوسات

ابوذيات

يـبـن جـعـفـر عـلـيـك الـدمـع   ..  ياريت
السجن والـدنـيـا حـيـل ويـاك  ..  ياريت
لـحَـد مـوتـي اخـدمـك اضـل  ..  ياريت

اشـكبـر حـضـي وتـصـد عينـك عـلـيـه

*---------------------------*--------------------*

اشــمــا اخـدم اگـولــن الــك ..  مديت
وحبل وَصلي بـدمـوع العين ..  مديت
اديــه الــحـضــرتـــك مـولاي ..  مديت

اعـرفـك بالـكـرم چـفـك سـخـيـه

*--------------------*-------------------*

خادم موسى ابن جعفر (ع)
✍الشاعر رعد الجريخي


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

نعي للامام الكاظم عليه السلام
****
فوگ الجسر مطروح نعشه
وبغداد كلها اليوم وحشه
اشلون العزيز يموت غبشه
خل ناخذ افراشه ونفرشه

ناده المنادي وبجه العيون
راح ابن جعفر لا تتانون
خلص حياته بسجن هارون
ونعش الغريب ايريدله امتون

ون الجسر وشتد نحيبه
وامصيبة الكاظم مصيبه
وجنازته ضلت غريبه
وبعلته تحير طبيبه

محروم من الشمس محروم
اشلون الغريب يموت مسموم
طحنه وبعد ما نكدر نگوم
ومهموم يتوجه اعله مهموم

كلش خسارتنه جبيره
ومن شال شيله عشيره
حيرتنه بعده اشلون حيره
راح البعد ما نلگه غيره

للمكبره خل نمشي وياه
مو عالمتن عالروس شلناه
اتراب الكبر ياحيف غطاه
الشايل عزيزه وين نلگاه
**
الشاعر
تحسين الخفاجي


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

نعي  للامام الكاظم

إنه شما شوفن الگيد بأديّه
تضل دمعاتي عالوجنه جريه
بخيالي اتصوّرچ يالغاظريه
واذكر عمّتي راحت سبيه
إنه بسجني اضل انصب عزيه
وتحضر مآتمي الزهره الزچيه
اشوفنهه تون ونّه شجيّه
لو ناديت يا عمّه رقيه
تذوب الروح وجروحي خفيّه
علجدي الضل على اتراب الوطيه
واذب اعماتي شمتمر مسيّه
على الرضرضت صدره الاعوجيه
تطب السوگ عمتي الهاشميه
الشماته تصيح هاي الخارجيه
وهي هيبة علي حامي الحميه
يويلي والاشد هاي الرزيه
تطب امچتّفه ديوان اميّه
بخراب اتبات لاعز لا حميّه
التراب افراشهن سوده عليّه
الطشت آيالطشت وشعمل بيّه
عليه ياحسرتي ماتت رقيه
السجن والسم صُبح اهون عليه
ولا اذكر مصاب الغاضريه
يريت الكربله امشي بهل مسيه
لو اگلبهه طف الكاضميه

-----

الشاعر محمد حسن ضيغم

https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

ابوذيات

ثجيله اهمومي يـمـك جيت  .. عناي
وخـلــه الـمـارضـه شـيـگـول  .. عناي
أنــه الــغــيـرك ابــد مـا روح  .. عناي

اريـدن حاجـتـي اتـحـطـهـه إبـإديــه

*--------------------*--------------------*

اعـتـنـيـلـك لو زحف مـولاي  .. وصـلـك
يـَمـن ذاتـك حـلـيـف الـكـرم  .. وصـلـك
اذا فـد يــوم عـنـي انـگـطـع  ..  وصلـك

الـمـوت اهـون يـبـن جـعـفــر عـلـيـه

*------------------------*-------------------*


عليك الدمع ضــل يجري.. من انهار
يـمـن مــا تــعــرف بليلك.. من انهار
مصابك صــبــري أحسنه.. منه انهار

أشجنيت وعالجسر تـبـقــى رمــيــه

*-----------------*-----------------*

✍خادم موسى ابن جعفر ع
الشاعر رعد الجريخي


https://t.me/joinchat/AAAAAEN4vuuUfDbAramBIQ

يا باب الحوائج
نعي مفجع

ويـنـه الـعـلـيـه الـيـوم يـنـغـر
ايـحـشّـم السـاده وال حـيـدر
بـلـكـت عمامه وناس تحـضـر
اتـهـل الـمـدامـع لـبـن جـعـفـر


الـديرت هـلـه الطبين يـگـصـد
بأرض المدينه اعـلـيـه يـنـشـد
ايـبـلـغ مصابه وعـيـب يـگـعـد
يـنـعـه المصيبـه اهـنـاك ويـرد


كون المدامـع بالـدمـه اتـسيـل
وكون المناحـه اعـليـه تـرتيـل
ضجه تصير ويـحلـه الاعويـل
موش اربعـه وشِحت حماميل


فـوگ الجسر مـطـروح ويلاه
يـاهـو اليشيلـه ويـاهو ينعـاه
صـعـبه اليمـوت ومـحـد وياه
شـابـح يضـل بالـغـرب عيناه

*--------------------*-----------------*
خادم موسى ابن جعفر (ع)
✍الشاعر رعد الجريخي

https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

نعي مفجع


حـكـهـه بـحـزن لـو تـعـمـه العيون
وخلهم علينـه اشـمـاء يـگـولـون
الــمــن يـضـل الـدمــع مــرهـون
وضلت غريبه اجـنـازت ام عـون


حـالـت سـبـيـه اتــهــدم الـحـيـل
ويـن الـعـلـيـهـه ايـزيـد لـعـويـل
تـسـوه الـلـطـم والـنـوح تـرتـيـل
ومـحـله الدمـوع الزينب اتـسيـل


كـلـمــن غـيـور الـيـوم يـنــغــار
وهيهات ينسـه بزينب اشـصـار
بـنـار الـگـلـب يـهــتــف يـكــرار
وينـك يـحـيــدر حـامـي الـجـار


يـامـن طـويـت ادروّب الـبعـيـد
الـزيـنـب يبوهه تحـضـر انـريـد
اتـشيـل النعش حـيـدر يصنديـد
بلكي العقيله اجـروحهه اتـهـيـد


*------------------------*--------------------*

✍خادم زينب ع
الشاعر رعد الجريخي


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

نعي للسيدة زينب ع مع قمر العشيرة واخوتها

تمنيت موجـودين اخوتي
وبنصهم من ايصير موتي
عباس يسمع كون صوتي
فراگــــــــهم ماخله قوتي
**

تمنيت لو عندي انه خوان
جامايضل تابوتي حيرااان
وكلما شفت عباس نسوان
عدهن يبو النوماس واليان
**
يشيب دليلي والطم الرااس
ياريت ميته وياااااك عباس
ردتك تجيني بأخر انفااس
نعشي هظيمة أشيعة الناس
****

تمنيت هـــسه بموتي موجود
وتنحب ودمعك ترس الخدود
ومخوصر وهـــم لابس السود
هدومك وگلبك حيل ممرود
***

كلمات/ الخادم
محمد البنداوي


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

نعي مفجع


وحـدچ غـريـبـه شـلـون هالـعـام

خـالـي الـصـحـن مـن دون خِـدام

اتـريـد الـمـجالـس شَـدّت احـزام

ودگ الـصــدر يـوصـل لـلـعـظـام

يــاهــو الـبـچـالـچ هــاي الايــام

ومـحـزن عـلـيـچ ولآفـلـه ألـثـام

لالـچ  عـشـيـره  ولالـچ  أعـمــام

ديــرت اعــادي ديــرت  الــشـام

عـادوا  ابــوچ الــهَــد الاصـنــام

الـلــه  يـعــيـنــچ  بــيـن  ضلام

*------------------------*-------------------*
✍خادم زينب (ع)
الشاعر رعد الجريخي


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

نعي للسيدة زينب ع مع قمر العشيرة واخوتها

تمنيت موجـودين اخوتي
وبنصهم من ايصير موتي
عباس يسمع كون صوتي
فراگــــــــهم ماخله قوتي
**

تمنيت لو عندي انه خوان
جامايضل تابوتي حيرااان
وكلما شفت عباس نسوان
عدهن يبو النوماس واليان
**
يشيب دليلي والطم الرااس
ياريت ميته وياااااك عباس
ردتك تجيني بأخر انفااس
نعشي هظيمة أشيعة الناس
****

تمنيت هـــسه بموتي موجود
وتنحب ودمعك ترس الخدود
ومخوصر وهـــم لابس السود
هدومك وگلبك حيل ممرود
***

كلمات/ الخادم
محمد البنداوي


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

ابوذيات بمناسبة وفاة ام البنين
سلام الله عليها

مصايب لفت يصعب حيل عدها
شگد چانوا بدور وگمر. عدها
حرب لأم البنين الوكت عدها
خله الدار بس وحشه وخليه
★★★★★
الوفيه ام البنين الآل طالب
لفاها الدهر الها بيش طالب
الوفه اتعلم وفه من صار طالب
ابمدرسة الوفاء الكلابيه
★★★★★
بچبدها لوعة العاشر ومرها
لفاها الموت من راحوا ومرها
ابحيره رايها اصبح ومرها
عگب ذاك الجره بالغاضريه
★★★★★
بآل المصطفى دايم وجدها
الضَيَّعها ابمحبتهم. وجدها
من ابوها أمأصله فاطم وجدها
اشگد ضحت الحماي الحميه
★★★★★
عدها ورورد من تذكر وردها
خذاها الشوگ يم الطف وردها
خبر من كربله يكتل وردها
اهلها اتذبحوا. فوگ الوطيه

الشاعر حسن لعيبي الحريشاوي


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

ابيات نعي لمولاتي وسيدتي ام البنين ع

تظل لام البنين ادموعنه اسيل
ونحس وياهه عدنه اهواي تقصير

الحاجه الماتصير وتصعب امرار
بس نذكر حسين اگباله اصير

وذا الزهره ضلعهه صابه بسمار
بضلع ام البين اشكد  بسماير

شافت ويل من إفراگ الضعون
وكل يوم اليمرهه تنوح وتحير

تدير الوجه ساعه وتبچي ساعات
وجهه لكربله كل مغرب أدير

تگله افراگ وجهك يبني چتال
لون ترهم وراهه اضعونك نسير

ونمشي لكربله وياكم اهناك
ونخلي الخيل فوگ اصدرونه تغير

وكبل كسرت اضلوعك يبني حسين
تكسر اضلوعي كون الخيل تكسير

واذا يجبر كسرهه الودام وطاب
عسن لا طاب كسرى ولاله تجبير


ومثل ما حالك تغير بالخيول
عسن حالي ييمه يصيبه تغير


الچ  يام  البنين الدمع  ياريت
عيوني وكون أزور الگبر ياريت
الدنيا وي الزمان عليج ياريت
وصبح گبرچ مثل گبر الزجيه

الشاعر احسان الحميداوي


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

نعي لوفاة السيدة أم البنين عليها السلام

*

گرب اجلهه   وتلتفت  وين
عباس لا  يمهه ولا  حسين

ما  صح  ولد يم  راسهه ينوح
يا حمل   محد   شاله مطروح

دمع الغريب   يطيح  بارد
لا ابن لا صح  حظن  والد

حيره اليموت ومامش  اعزاز
ياهو  اليجي  ويصير    جناز

دارت  وجهه لصوب  الطفوف
منا   لحد  ما  شيب   الشوف
الله    يعازة    ذيچ   الچفوف


من المدينه   الكربله  احلام 
ام    البنين   شلون     تنلام
رادت بحظن   اولادهه  تنام


بعيد  اليشيل  اللوحه ويصيح
بعيد الورى أمه  يگوم ويطيح


جوه  التراب  الردت  طوله
عباس ها    يبن    الحموله
بيه   الكلام الصعبه  أكوله
تمنيت تحضرني بمنيتي

علباب  اباوع   هلبت   يهل
المن  زغر  سنه چان  يكفل
بعد الولد  خلصت   اتعلعل
والهوى بدونه يأذي ريتي


يولادي    من  الموت   ردو
وفوگ المتون  النعش  زتو
ها    يلحنان  هناك    شلتو 
يحسين يمه  الموت اجاني

نتلاگه      يم   الزهره  ارواح
دم     النحر     بالضلع  ينلاح
والهامه ذيچ  وذيچ الچفوف
يبچن    على الاذنه    الرماح 

يلتم  حزن    زينب   والاطفال
وعبد الله بعده برمح    ينشال
ونسوي مجلس بأسم الحسين
يم العرش بس دمعه     تنگال


كلمات خادم أم البنين / رعد الفريجي


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

نعي
حوار بين الأمام علي ع وفضه بعد تغسيل الزهراء ع


حـيـدر غـسـلاهـه ابـلـيـل
وشاف الضـلـع والـكـسـره
نـاشـد فـضــه بــدمـوعــه
وبــنــص الـگـلـب حـسـره
يـفـضـه احـچيلي گالـلـهه
أشتـخفي فـاطمة الـزهـره

يـداحــي الـبـاب گـالـتـلــه
وتـشــاهــد نــفــذ صـبــره
تـصـبّـر گــامـت بــحــيـدر
وأتـعـظـم عــلــيــه أجـــره
وتـكـلـه فــاطـمـة مــاتــت
وبـخـدهـه أثــــر ســطــره

يفـضـه شـلـون حـمـلـتـهـه
هــايــه الـفـاجـعـة الــمــره
هَضمة مـحـسـن وخـدهــه
مـاكـشـفـت إلــي الــزهــره
الـكـاسـر اظــهــور الـگــوم
هــالـيـوم انـكـسـر ظــهــره

تـعـلـمـنــه الـصـبـر گــالــت
وانـتـه الـيـجــزع اتـصـبـره
أشـــوفـك حـدّبـت ظـهـرك
واشــوفـن بـالـگـلـب عـَبـره
شـلـون ايـخـلـص ويــنـهـار
وادري بــصـبـرك اشــكـبـره

                                          *---------------*---------------*

✍ خادم الزهراء ع
الشاعر رعد الجريخي


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

نعي

راحت فاطمة يم گبر ابـــــوها
تگـــــله بضــــعتك وليه ولـوها
ضلوعي طبگت اكتاب اطبگوها
سياط الحقد بمتوني اطبعــوها

رفسـآني  النذل ونــگطع نفـــــسي
على اعيوني سطرني وطفت شمسي
باسمك حشــميت وغاب حـــــسي
وكلما صيح بويه وياي يقـــــــــسي


لا عنده حميّه لهزّت احـــساسه
احرگوو دارها يأمر على ارجاسه
عصرني اباب داري ولخدر داسه
ولمحسن وگع  ونخمت انــفاسه

اگعد يبو القاسم شوف حالي
وشوف الصار يا بويه وجرالي
انهضمة وراح كل عزّي ودلالي
عگب عينك غدت سود اليالي

✍️علي كاظم المنصوري


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

أبو ذيات في شهادة الإمام العسكري عليه السلام .
ـــــــــــــــــــــــــــــــــــــــــــــــــــــــــــــــ


تِحِضرَك فاطِمة الزهرة لَوَنهَه
تُوِن وِجــبَال تِتفَطّر لَوَنهَه
تِــشاهِد حَالَك ٱتغَيّر لَوَنهَه
يِگطّع چَبدِتَك سِمّ المِنيّة

ـــــــــــــــــــــــــــــــــــــــــــــــــــــــــــــــ

شتِريدِ الدنيا مِن عِندك وَشِلهَه
سِمهَه ٱحشَاك گطّعهَه وَشَلهَه
وخَلّص حَتّى مِن عَيني وَشِلهَه
وبُقَت بَس بالدّمه ٱعيوني جِرِيّة

ـــــــــــــــــــــــــــــــــــــــــــــــــــــــــــــــ

إلَك ما أبخَل بحَــسرَة وَجِرهَا
مُصابَك جَمرَةِ ضلوعي وَجَرهَا
عَليك الدمعة مَذروفة وَجِرهَا
ٱنكتَب باللّوح يَم رَبّ البَرِيّة

ـــــــــــــــــــــــــــــــــــــــــــــــــــــــــــــــ

**

هوسات في شهادة الإمام العسكري عليه السلام.
ـــــــــــــــــــــــــــــــــــــــــــــــــــــــــــــــ

وَسفة ٱبن النجابة والشرف ظلموه
ما رَاعَــوا گرابة جَدّه وحِـشموه
سَليل الدّين أهـــل الجور سَمّوه

مصدوع الدِين وأركانَه

ـــــــــــــــــــــــــــــــــــــــــــــــــــــــــــــــ

وعلى امصابه الملائك تِهمِل العَبرَة
وَبو صـــالِح دِلِيله يِلهَب بجَمرة
ضَـــــجّت بالألم والدمعة سَامَرّا

ولِبسَت ثوب اسود حَزنانة

ـــــــــــــــــــــــــــــــــــــــــــــــــــــــــــــــ

إبن حَيدر علي باب العِلِم مظلوم
ودَارَه مظلمة وبالوَنّة هذا اليوم
طايِح يا وسافة والچبِد مسموم

وظَل خالِي وموحِش دِيوانَه .

ـــــــــــــــــــــــــــــــــــــــــــــــــــــــــــــــ

بقلم الأستاذ / ستار عذاب الحچامي


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

نعي الى رسول الله  (ص)

ما   شفناك   مره  ولا  نظراناك
انحبك حب على الفطره السليمه

يابو الزهراه شكثر مشتاگه الگلوب
وليحبك   ربح   حبك   غنيمه 

نريدك عون  لو  ما  نلگه  عوّان
يابو الفزعات ولوگفه العظيمه

تنحب شيعتك لمصابك اليوم
وتبجي ام الحسن  ظلت  يتيمه

محتاجين  وگفه  ومنك  نريد
الحزن من فظلك وجودك تجيمه

عذبنا  الدهر     مولاي  ننخاك
بجاه  حسين  ولحيه  الكريمه

وبحق  زينب  هذيجه الطبت الشام 
وبحق اصحابه وولاده وحريمه

تفرجها  علينه  بساع  وزول
وترجع  ذيج  لمتنه  القديمه

ومن نگعد سواه ونذكر حسين
ندنك  روسنه  ونصرخ  هظيمه

ابو هاجر المجراوي


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

#أبوذيات مفجعة

البخت دار بهداوة.. دار عينه
وصدرة برمح باشط.. دارعينه
الشمر يذبح واخيي... دار عينه
علي وانكطع نفسه وحار بيه


بجينه وآنه لتضن.. دمعي ابينه
افه وماراح تلكه.. دمعه بينه
شبكنه حسين وتخر.. دم عبينه
لحد مانكعت أرض الغاضرية


وحك فراكك الطشر.. لمتنه
طاح حسين والوادم.. لمتنه
انسحك متنه وامد ايدي.. لمتنه
غفلة وجرته الخيل من ادية

تل ما شفنه بالطف.. بس تل ام عون
هلي والدم خذاكم. بس تلمعون
شني معقولة زينب. بس تلم عون
وتعوف حسين مرمي اعله الوطية

موش ادموع بالطف ماشكتله
دمه والروح شكوة ماشكتله
الشمر عطشان گلي ماشي اكتله
بحقد وذبح اخوج بذني اديه

اسماعيل السعيدي

#اللهم_عجل_لوليك_الفرج

https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

ابوذيات
استشهاد النبي الاعظم (صلى الله عليه واله

🔸🔸
بفاتحته اصيحن آه وي آه
ونار بمهجتي فرگاه وياه
ابوي وريت كون اندفن وياه
يحيدر راحتي بهاي المنيه
🔸🔸
الزهره ياابو الزهره وجنها
يهل جمره ولياليها وجنها
عليها التمن امصايب واجنها
رحيلك والضلع والغاضريه
🔸🔸
انجرح گلبي بغيابك وابد منشال
والأنكر وصيتك ريت منشل
لنعشك يارسول الله من شال
بس حيدر حضر وكت المنيه
🔸🔸
سور وايات لمصابك هم الهن
وعليك الوحي دمعاته هملهن
زمزم والصفا لطمن هام الهن
عنهن من غبت يابو الزجيه
🔸🔸
علي حسين المنصوري


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

ابوذيات إلى الحسين عليه السلام

لسان حال زينب عليها السلام

&-&&&&&&&&&&&&&&&&&&&&


المريض المنكسر خاطر دواء وين
وأنا اختك يا حسين اسمع دواء وين
لن بشام اطب خويه دواء وين

وراسك بالطشت ينضر عليه



الدهر من امتحن صبري عفاني
وابو فاضل أمن تگطع عفاني
لكن اختك الهيبه عفاني


شرف والستر متفصل عليه



گلبي غير حبك ما تم أن
وي ما متت بالطف ماتم أن
كلمن خله مجلس ما تم أن


اجره مسجل بسجل الزجيه



الدهر من عگب ابو فاضل لوانه
وليش اعله النهر واگع لوانه
حسين شلون لو ميته لوأنه

منو عينه على سكينه ورقيه




الگمر يحسين ماخذ لولنه منك
و خبر كان وكان لولنه منك
گبل سحگ الحوافر لولنه منك


اصيحن ياعلي لحگ عليه




لخادم خدام الحسين عليه السلام

عمار المنصوري


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

#نعي_الامام_الحسن ع
على رواية ان السيده زينب عليها السلام ماتت مسمومه في طريقها الى الشام وكأني بها تقول...

خويه الحسن سمك جرعته
ونفس المصاب وياك شفته
وجبدي مثل جبدك لفظته
بس انه ماهو بصفي الحسين

والسم اثاري يگطع حشاي
حسيت بيك بطيحتك هاي
المسموم خويه همه للماي
يا ماي روحي واوصله منين

واسيتك بسمي يجيدوم
جبدي مثل جبدك غده دموم
والطشت ياهو ياخذه اليوم
وشفت التغطه بساعة البين

خويه اليكطع حشاك هدني
خويه الحسن هالسم بهضني
ما يمي الحسين ويكضني
ولايمي كافل يمسح العين

مكتوب ما يسلم جبدنه
بالسم تكطع يا ضمدنه
وحسين بالهندي چونه
وجبد الكمر صاير وصلتين

سوم الروم ترضاهه يسمها
وهي من العرش اختك يسمها
اليسمك صار يبن امي يسمها
وتشوف مصابك وذيج الرزيه

****
ونسألكم الدعاء والتوفيق
لخادم ال محمد عليهم السلام

الشاعر حيدر كاظم الساري

https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات