TV SHOW

📺Shutter island (2010)
🎬Dir: Martin Scorsese 🐐 ♥️
مراجعة بدون حرق 🎬 🍿

القصة بشكل بسيط بتدور أحداث الفيلم في سنة 1954 حوالين (إدوارد دانيلز) الشهير بـ (تيدي) وشريكه (تشاك) على جزيرة اسمها Shutter Island علشان يحققوا في اختفاء مريضة خطيرة اسمها ريتشل. مع مرور الوقت، الأحداث بتبدأ تتجه في اتجاه غريب مليان توتر وشك، ومع الوقت تيدي نفسه بيلاقي نفسه محاصر في شبكة من الخداع والأسرار.

الفيلم مليان تفاصيل كتير جدًا، صعب تحكم عليه من أول مرة. لازم تتفرج عليه أكتر من مرة لأن مع كل مرة هتكتشف إسقاطات جديدة مليانة أسئلة، وفي كل مشهد لحد آخر مشهد في الفيلم. نهاية الفيلم عبارة عن ضربة نفسية قوية هتخليك تسأل نفسك أسئلة كتير جدًا... مارتن سكورسيزي مش بس مخرج عبقري ورائع، ده فوق الوصف. قدر يتلاعب بكل الشخصيات في الفيلم وكل تفصيلة من أول لآخره. وده السبب إنك هتحتاج تتفرج على الفيلم أكتر من مرة. استخدم أسلوب بصري رائع جدًا، والتلاعب بالكادرات وبالإضاءة كان ذكي، خصوصًا مشاهد الظلام اللي بتعكس الحالة النفسية في الفيلم. كمان الفلاش باك كان حلو، واستخدام الأفكار زي العنف والدين والإنسان والمياه والنار والوهم و التماثيل وغيرهم كان حلو جدًا.

مارتن سكورسيزي كان بيخرج أفلام بقاله أكتر من 40 سنة كان سهل جدا أنه يقدر يلاعب بدماغك لحد النهارده وان يكون فيلم نفسي مش زي باقي الافلام اللي اتعملت خلال السنين اللي فاتت، وفكرة إنه يستخدم تفاصيل كتير زي الأخطاء المقصودة، والتماثيل، والجزيرة كانت ذكية جدًا عشان تخليك تحس بالتوتر والشك اللي عايشه البطل. من أول الفيلم مثلًا، في مشهد المركب وهيجان البحر، هتلاقي إن الشخصية الرئيسية عندها دوار، ده كان تمهيد حلو جدًا عشان يقلك إنك داخل عالم مش ثابت، ده عالم مضطرب جدًا. المحادثة بين (تشاك) و(تيدي) من أولها بتخليك تسأل نفسك: "مين ده؟ هل هو شخص شرير؟" طريقة تعامل الناس مع المرضى هناك، وربطهم بالقيود، والأجنحة الممنوعة كانت كلها حاجات زادت من التوتر. مثلًا، لما تيدي كان بيحقق مع المريضة اللي طلبت مياه من (تشاك)، وأول ما يقوم قالت له "اهرب"، ده خلاك تحس إنك داخل عالم مليان غموض وتشابك...مع مرور الوقت، تيدي بدأ يشك في إن المستشفى دي ممكن تكون بتشتغل لصالح النازيين، وبيستخدموا المرضى في تجارب علمية من الباطن، وإنها مش مستشفى أخلاقية. ده كان حلو جدًا عشان يخليك عايش في توتر مع قصة جواها قصة تانية. مع الوقت تكتشف إن تيدي مش رايح عشان (رايتشل)، ده كان رايح علشان يدور على مريض تاني اسمه "أندرو لايدس". يعني في قصة جوا قصة، وكل ما الوقت بيعدي بيزيد التوتر.

وأما عن أداء ليوناردو دي كابريو، فهو فوق الوصف فخم فخم فخم فخم فخمه السنين 😂😂، وكان يستحق أوسكار. قدم أداء قوي جدًا، خلك تشعر بالرعب وتفكر زي شخصية (تيدي) نفسها.

ده كان رأيي بشكل بسيط جدًا من غير ما أحرق الأحداث. لو لسه متفرجتش على الفيلم، لازم تشوفه 🎥♥️

…………………….….....…...…....…..…....
………………………………………….…
يلا نتكلم على فيلم بتفاصيل اكتر (مع الحرق وشرح الفيلم)

عناصر كتير قدر يستخدمها مارتين سكورسيزي وايه اللي اهمها

بس في البدايه خلينا نتعرف اكثر على الشخصيات

🎭ادوارد دانيلز (تيدى) = اندرو لايدس
🎭تشاك= دكتور شيهان
🎭دكتور كوالى
🎭دكتور جريماياه نناييرنج
🎭رايتشل مالهاش وجود وهي اصلا اسم بنت أندرو لايدس
🎭جورج نايس

1️⃣ الجزيره: فكره استخدام الجزيره كانت فكره انها مكان معزول وده اللي بيحصل مع البطل اللي قرار يعزل نفسه عن الواقع و يهرب منه

2️⃣ التوتر
وقدر يبان دوت من حيث المنظور (تيدي) وتفكيره حوالين اللي معاها والفضول حوالين معرفه الحقيقه اللى بتظهر في كذا قصه من قصص الفيلم.... و الصمت السائد في أغلب مشاهد (تشاك) وأنه ليه مش بيحقق مع المرضى وبيطرح عليهم اسئله زي (تيدى) ولكن واستخدم مبنى كامل ممنوع الدخول فيه اللى (ج) واللى خالك تفكر أن أكيد فى لغز هناك ..زى استخدامه للأرقام القانون رقم 4 مين رقم 67 ؟

3️⃣ الأخطاء المقصودة
يعني ازاى جندى سابق بيخاف و ميعرفش مين شريكه أصلا فى بداية الفيلم و مشاهد زى شرب المريضه المياه و طريقه تعامل (تشاك) مع حزام السلاح اللي غير احترافيه بالمره وازاي واحد على القدر ده بيروح مهمه صعبه في انه يلاقي مريضه خطيره.. تعامل و نظرات الحراس اول ما وصلوا الجزيره و رفعهم لـ الاسلحه فيها شى من اللي قلق لانه أخطر مريض فى المستشفى و طريقه اللى كانوا بيدوروا فيها على (رايتشل) كان فيها نوع من الاستخفاف وعدم الاهميه ولا كانهم بيدوروا على مريضه خطيره فعلا نظرات المساعدين فى المستشفى لـ (تيدى) أثناء التحقيق معهم برضو كان فى استخفاف لأن عارفين أنهم فى مسرحية