د ګران هیواد خدمت ته لاس په کار شئ افغانانو
همت وکړئ ځوانانو،ده دې ملت بچیانو
راپـــاڅــــئ مــټې ونغــاړئ ده دې ګــلشن ګلانو
اوزبک او تاجکانو، پښتون او ترکمنانو

کړو سیــال به له نړۍ سره دا ګـران افغــانستان
روښان به په جهان، ټاټوبی ده افغانان
دا کور مو ده عمر، منصور، جلال، او میرویس خان
اباد کړو په قرآن، مسکن ده احمد خان
ده علــم ډیـــوې بلــې کـړئ معــلم او عالــمانــو
ده پوهې خاوندانو، ريښتني مؤمیـــنانو

سمسور یې دښتې غرونه کړئ په زیار مو بزګرانو
شتمنو تاجــــرانو، ولس او طـــالبـــانو
صحـــت بیا رغـــونې ته کــــړئ پــام انــجیــنرانو
بیدار شئ ډاکټرانو، ده دې عصر پوهانو
تــل ســـاتو دا هیواد به له یــرغل ده دښمنــــانو
چمتو اوسئ فوځیانو، ده وخت قهرمانانو

دا کـــاڼي یې لالـــونه دي او بوټي یې درمـــل
قومونه یې اتل، ګلونه ده سُمبل
خـــوږه آب او هـــوا لري په شانــــې ده عسل
ښکلا یې کوي ځل، روښانه پل په پل
حسانه دا مـــدفن دی ده ګلــونو شهیــدانو
دا کور ده یتیمانو، ده پاک دین سربازانو

حَسان کوچی