"ኡማ ቲቪ " Tv

"..እኛ የጠየቅነው የዩኒፎርማችንን ተመሳሳይ ሂጃብ ለብሰን ትምህርታችንን እንድንማር ነው። ነገር ግን ፀጉራቹሁ ካልታዬ መማር አትችሉም ተባልን"

- የአክሱም ከተማ ሙስሊም ተማሪዎች

በትግራይ ክልል የአክሱም ከተማ ሙስሊም ተማሪዎች በሂጃባቸው ምክንያት ትምህርት አቋርጠው ያለመፍትሔ መቀመጣቸውን ገልጸዋል።

"እኛ ከትምህርት ቤቶቹ ዩኒፎርም ጋር የሚመሳሰል ሀይማኖታችን በሚያዘው መሰረት ሂጃብ ለብሰን ትምህርታችንን እንማር ብለን ነው የጠየቅነው የሚሉት ተማሪዎቹ ነገር ግን ፀጉራቹሁ ካልታየ መማር አትችሉም ተብለን ከትምህርት ገበታ ተፈናቅለናል" ብለዋል።

የ12ኛ ክፍለ ዩኒቨርስቲ መግቢያ ፈተና ለመውሰድ ፎርም የሚሞላበት የመጨረሻ ቀን ነገ ረቡዕ እንደሆነ የገለፁት ተማሪዎች "ሂጃብ ካላወለቃችሁ" በመባሉ ምክንያት አንድም ሙስሊም ተማሪ ፎርሙን አለመሙላቱን ተናግረዋል።

የከተማዋ መጅሊስ በዛሬው ዕለት ከወረዳው የፀጥታ ሀላፊዎች እና ከክልሉ የፀጥታ ቢሮ ተወካዮች ጋር "በከተማዋ አድማ እንዲቀሰቀስ አድርጋችኋል" በሚል ስብሰባ መቀመጣቸውን የተናገሩ ሲሆን "ይህ አድማ አይደለም፣ ሀይማኖታዊ መብታቸውን ነው የጠየቁት" የሚል ምላሽ መስጠታቸውን ገልፀዋል።

ተማሪዎቹ ትምህርት አቋርጠው የሚቆዩበት ጊዜ እየረዘመ በመጣ ቁጥር በተማሪዎቹ ላይ የሚያሳድረው ተፅዕኖ ቀላል ባለመሆኑ የሚመለከተው አካል አስቸኳይ እልባት እንዲሰጥ ጠይቀዋል።

ትናንት ማታ የጀመርነው የወንድማችንን እናት እናሳክም በሚል ስናደርግ የነበረው እንቅስቃሴ በአላህ ፍቃድ በእናንተ ሰበብ ለወንድማችን ለእናቱ ህክምና የሚያስፈልገው ገንዘብ ተሟልቶል አልሀምዱሊላህ ወደ አካውንቱ 65ሺ ብር ገብቷል ። የተሳተፍቹህ ሁሉ ተባረኩ አላህ ሀጃችሁን ያውጣው አላህ ይውደዳቹህ ።

ቀጣይ ሂደቱን እየተከታተልን የምንገልፅ ይሆናል ።

"ሒጃብ ለብሳችሁ መማር አትችሉም" በሚል በአክሱም የሚኖሩ ሙስሊም ሴቶች ከፍተኛ እንግልት ውስጥ ናቸው። የክልሉ መጅሊስ የቻለውን ያክል ቢጥርም የሚሰማው እንዳጣ በደብዳቤ ገልጿል። እምነቱን ተንተርሶ የራስን ወገን የመጨቆን የከረመ በሽታ መቸ ይሆን የሚለቀን?ተማሪዎቹ ትምህርት ቤት እንዳይገቡ ከተከለከሉ 3 ሳምንት አልፏቸዋል፣ ለማትሪክ ፎርም እየተሞላ ቢሆንም ሙስሊም ተማሪዎች ግን መሙላት አልቻሉም።

«ወደ ት/ቤት የመጡ ሴት ልጆቻችንን እንጠንቀቅላቸው ::

Home and school should work together.
ትምህርት ቤቶች ተማሪዎችን የሚያስተምሩት ከወላጅ ጋር በመተባበር ነው :: ወላጅ እና ት/ቤት አብረው ልጆችን የሚያስትምሩ partners ናቸው :: ት/ቤት የቤት extention ነው :: አላማውም አንድ ነው ::  ልጅችን አስተምሮ ለቁምነገር ማብቃት ነው ::

Consistent message between home and school is vital for student training.
ሂጃብ ት /ቤት ውስጥ መልበስ  የቤተሰብ ምርጫም, መብትም, life style, እምነትም ነው:: መከበርም አለበት :: የትምህርት ቤት የደንብ ልብስ የቀለም ምርጫ እኩዋን ቢኖር የሂጃብ ከለር ላይ መስማማት ይቻላል :: ትምህርት ቤት የሳይንስ እና የምረምር ቦታ እንደመሆኑ ሂጃብ መልበስ እና አለመልበስ ከዋናው የትምህርት አላማ ጋር ምንም ግንኙነት የለውም ::

ሀገራችን ት/ቤቶችን መምራት ላይ ስልጠና እና ግንዛቤ ማሳደግ አለባት ::  ወደ  ትምህርት ስርአታችን ስንመጣ ብዙ አሳሳቢ እና አንገብጋቢ ጉዳዮች አሉ ::

የተማሪዎች ምግብ, ሳይንስን የምናስተርበት መንገድ, ተማሪዎችን የሕይወት ዘመን ተማሪዎች እንዲሆኑ ማሰልጠን, ተሰጦ እና ዝንባሌአቸውን ተርድቶ በዛ መስመር እንዲያድጉ ማገዝ..... የመሳሰሉት በርካታ ጉዳዮች አሉ ::እነሱ ላይ ብንሰራ ልጆቹን ይጠቅማል ::

በራሳችን ላይ እንዲሆን የማንፈልገውን ነገር በሌሎች ላይ አንፍቀድ ::  ለመማር የመጡ ሴት ልጆችን በሰበቡ አትገቡም ማለት አላማው ግልፅ አይደለም እና መታረም አለበት ::

ትምህርት የአእምሮ ሥራ ነው :: ህንድን ከቅኝ ግዛት ነፃ ያወጣው ዝነኛው መሀትማ ጋንዲ በሂንዱ ባህል ቤት ወስጥ የተሰራ ልብስ አገልድሞ ነው አለም አቀፍ በጎ ተፅእኖ ማሳረፍ የቻለው ::  ጋንዲ ያንን እርምጃ በመውሰዱ መላው ህንድ የባህል ልብስ አብዮት አስንስቶ አሁን ህንድ ውስጥ የጨርቃጨርቅ ሚንስቴር አለ :: ህንድም ለዓለም የልብስ ኤክስፖርተር  ሆነች :: መንሻው ግን የጋንዲ የባህል ልብስ ለመልበስ መወሰኑ ነበር:: 

ትምህርት ቤቶች አላማቸው መሆን ያለበት ሰዎች ራሳቸውን እንዲያገኙ እና ውስጣቸው ያለውን እምቅ አቅም ለማውጣት  ማገዝ ነው ::

ባንዳንድ የሀገራችን ክፍል ሂጃብ አትለበሱም በማለት ብዙ ችግር ተቋቁመው ት /ቤት የመጡ ሴት ልጆቻችንን ከበር ማስመለስ አላማው ግልፅ ስላልሆነ የሚመልከታችሁ አካላት መፍትሄ እንዲሰጡ እና
የ school management ስልጠናም በሰፊው እንዲሰጥ አደራ እላለሁ ::

#ministryofeducation
Ministry of Health,Ethiopia
Office of the President, Ethiopia
Office of the First Lady-Ethiopia
Office of the Prime Minister-Ethiopia

#UNICEF »


©: ፍሬአለም ሺባባው