أفضل قنوات على اليوتيوب لتعلم مجال كتابة المحتوى مجانًا
✳️ كورس كتابة المحتوى التفصيلي على قناة Freelance Academy
✳️ قناة وليد طه
✳️ قناة ثابت حجازي
✳️ قناة احتراف (لتعلم المقالات بقواعد السيو وازاي ترفعوها على الموقع الإلكتروني)
📌 طيب هو أنا كل ده يا إسراء هتعلم بشكل نظري، ازاي هطبق بقى؟ 🤔
دايمًا بقول إن الإنسان لازم يستثمر في نفسه وفيه ناس كتير بيقدموا كورسات بأسعار رمزية هيساعدكوا على التطبيق. 💯
📌 لو أنا مش في مقدرتي أشترك في كورسات مدفوعة حاليًا حتى لو بأسعار رمزية؟
عادي جدًا، تقدروا تتعلموا مع نفسكوا بشكل نظري وبعدها تدخلوا على جروبات كتابة المحتوى تكتبوا بوست إنكوا اتعلمتوا المجال نظري وعاوزين تدريب للتطبيق العملي هتلاقوا ناس بتكلمكوا وتقدروا تطبقوا معاهم. 🤞
أو ممكن تنضموا للمؤسسات الخيرية زي جمعية رسالة وغيرها وتسألوهم عن التطوع معاهم في القسم الخاص بالكتابة.
📌 طيب لو اتعلمتوا مقالات وعاوزين تطبقوا عليها؟
بردو نفس الكلام، بتتعلموا مع نفسكوا نظري وتدخلوا تقولوا إنكوا عاوزين فرصة تدريب على رفع المقالات وهتلاقوا أصحاب مواقع كتير جدًا بيكلموكوا.
وده لأن أصحاب المواقع وخصوصًا الجديدة بيهتموا إنهم يخلوا حد يكتبلهم مقالات على الموقع في مقابل التدريب؛ فبالتالي ده هيساعدكوا. 👌
وطوروا نفسكوا بقى أكتر في كل أنواع الكونتنت، واعملوا بورتفوليو خاص بكوا وسوقوا لنفسكوا كويس، واعرضوا مهاراتكوا في جروبات كتابة المحتوى ولينكد إن لحد ما تلاقوا فرصة شغل كويسة إن شاء الله. 🤗
دايمًا بقول إن اللي بيحاول وبيسعى بيلاقي، بس أهم حاجة الصبر، ونبقى عارفين إن الرزق كله بتاع ربنا، وربنا بيجازي على السعي. 🤍
#Esraa_Shehta ✍️
#Learn2_Earn
