🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 267 ..

📚 😍 📃
📖 روايـــــــــــــة ✍🏼
{ حب أحيا قلب الذياب }

📖🖌 @storykaligi 🍃🔮

الجناح الثالث ؛
عند الانسانه يلي كافحت وتعبت وصارت قويه من رماد ضعفها ؛
كانت واقفه وتلبس ولدها وهي كلها طاقه حب وسعاده
ناداها ببرائه : ماما
ناظرت عيونه : يا عيون و روح ماما انت
سَعد : متى بنروح عند بابا ؟
سكتت وهي تتذكر سلطان : اليوم بتروح مع يمه منيره وتنام عندها لين بكرا
سَعد فرح وحضنها : احبك ماما
حضنته بقوه وهي مبتسمه حست انه حضنه اقوى حضن بالدنيا وانه رغم صُغر اضلاعه الا انها تحس بالقوه وقت تحضنه هاللحظة شكرت ربها انه رزقها بولد مثل سَعد و ايقنت انه الخير من زواجها بسلطان هو ولدها سَعد .
.
ملاذ طلعت من المستشفى وهي تبكي من فرحتها رفعت جوالها وكان ذياب يتصل لها ردت بسرعه : هلا ذياب
ذياب : ملاذي وينك صحيت من النوم ما لقيتك ؟
ملاذ مسحت دمعتها : بالمستشفى
ذياب فتح عيونه بصدمه : انتِ بخير ؟
ملاذ : ايه بخير ي روحي بس جيت ازور سلوى و اطمن عليها
ذياب عقد حواجبه : مو امس الليل كنتي عندها ؟
ملاذ ابتسمت : ذياب
ذياب : عيوني
ملاذ اخذت نفس وتبي تقوله خبر ينتظره من سنين لكن تراجعت وقررت انها لمن تشوفه تكلمه عشان تشوف الفرحه بعيونه
ذياب : ملاذ انتِ بخير ؟ صوتك مو عاجبني !
ملاذ : انا احبك يا ذياب و اموت فيك
ذياب حس في شي بصوتها لكن ما يدري وش هو : طيب متى بترجعين عشان نجهز ونطلع سوا
ملاذ ركبت سيارتها: الحين جايه بالطريق ..
سكرت من ذياب وتوسعت ابتسامتها و ضحكت بصوت ويلي يشوفها يقول فقدت عقلها لكن بالحقيقه هي هاللحظة اسعد انسانه بالكون ناظرت السماء وهي ممتلئه بالغيوم وبدات رشات المطر تسقي الأرض تنفست براحه وهمست الحمدلله ، وصلت البيت و قفت سيارتها برا و دخلت الحوش اتصلت ع ذياب و رد عليها بسرعه : هلا ملاذ
ملاذ : انت جهزت والا لسه ؟
ذياب استغرب من سؤالها : لا بس تروشت والحين بجهز الا انتِ وينك ؟
ملاذ : ذياب انا بالحوش تعال
ذياب مشي لشباك وشافها واقفه والمطر فوقها : ملاذ شفيك واقفه بالمطر يلا اطلعي بسرعه
ملاذ : تعال بسرعه بخاطري احضنك تحت المطر
ذياب : مو من جدك صح ؟
ملاذ : تكفى لا تردني
ذياب سكر منها ونزل وهو مستغرب من تصرفها طلع الحوش وشافها تحت المطر ومبتسمه اول ما شافته فتحت يدينها بحب : تعال
ذياب ابتسم من جمال شكلها تحت المطر وكيف ملابسها لصقت فيها قرب لها وحاوط خصرها : هالمره متاكد مليون بالميه انه وراكي شي ما تعودت اشوفك بارده هالكثر واليوم افتتاح حلمنا انا وياكي !
ملاذ ابتسمت و دمعت عيونها : ذياب
ذياب ارتبك من دموعها : انتِ بخير ؟ شفيك لا تجننيني تكلمي ملاذ
ملاذ ابتسمت وباست طرف خده : انا اليوم اسعد أنسانه بالكون وفرحتي ما تُقاس ب أي شي قلت بقولك بعد الافتتاح بس ما قدرت اصبر اكثر ، انا حامل يا ذياب!
كل الأصوات توقفت حول ذياب وخيم الظلام على كل ما حوله وبقى نور بريق عينها ابعد عنها خطوه : ايش ! لا تلعبين بمشاعري
قربت الخطوه يلي تفصلهم عن بعض ومسكت يده وحطتها ع بطنها : لا والله انا احامل بطفلنا وتاكدت مره و مرتين وثلاث و اربع و سمعت نبض قلبه يا ذياب انا حامل بالشهر الثاني

🔮📚 @storykaligi 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮