🍂🍃🍂🍃🍂
🍃🍂🍃🍂
🍂🍃🍂
🍃🍂
🍂 121 ..

📚 😍 📃
📖 روايـــــــــــــة ✍🏼
{ حب أحيا قلب الذياب }

📖🖌 @storykaligi 🍂🍃

آلاء ناظرت شيخه وتكلمت بهدوء : وش صاير ؟
نواف : ذياب تصاوب ونحنا بالمستشفى
آلاء شهقت بصوت ومن الصدمه وقفت : ذياب تصاوب ؟
شيخه وقفت وحست قلبها رجف ونزلو دموعها وصرخت بصوت : ولدي ذياب شفيه ؟
سحاب بخوف : كيف تصاوب؟
نواف تافف بضيق : لا حول ولا قوة الا بالله هذا و انا منبهك يالغبيه
شيخه اخذت الجوال من يد آلاء وهي تبكي : ذياب شفيه ولدي شفيه ؟ ليش تصاوب
نواف : يمه بخير والله بخير ونقلوه للعنايه و اموره كويسه بس تعرفين آلاء بالغت شوي
شيخه و جسمها كله يرجف : أي مستشفى ؟
سكرت من نواف وطاحت ب ارضها تبكي حصه جلست جنبها : الحين نروح المستشفى اهدي يا شيخه
لينا : انا بطلع اجيب عبايات
آلاء: سيارة السواق ما راح تكفينا كلنا
لينا : انا وياكي نروح بسيارتي ..
بعد مرور ربع ساعه ؛
الكل وصل المستشفى و عبدالناصر وصل قبلهم كانو واقفين عند العمليات للحين ما سمحو لهم بالدخول لغرفة العنايه وكل واحد حالته أسوأ من الثاني ،
لينا لفت وشافت طلال يتقدم لهم هاللحظه حست انها خرجت عن عالمهم سرحت فيه وبملامحه وبخطواته و كل تفكيرها كيف كان لقائه ب دانه دمعت عيونها لمجرد انه خطر ببالها انه حضنها !
شيخه كانت جالسه فوق الكرسي و تبكي وعبدالناصر جنبها و يهديها رغم انه حالته أسوأ منها بس يبين انه قوي
طلع الدكتور فيصل وعرف انهم اهل ذياب ابتسم لهم : انتو اهل ذياب ؟
شيخه وقفت : ولدي وينه ؟ طمن قلبي عليه
ابتسم وهو يطمنها : بخير الحمدلله ، سوينا له العمليه والحمدلله تعدا مرحله الخطر
طلال: دكتور انت يلي سويت له العمليه ؟ طمنا اكثر وينه الحين
فيصل : لا انا دكتور التخدير ، الدكتوره ملاذ هي يلي سوت له العمليه
آلاء: ملاذ حقنا ؟
ابتسم لكلمتها : ايه حقكم
شيخه : دكتور تكفى ابي اشوفه
فيصل : الحين بينقلو لغرفه خاصه وتقدرين تشوفينه لانه ممنوع احد يدخل الإفاقة غير الأطباء .
عبدالناصر مسح ع وجهه بضيق وناظر نواف : وش صار احكي لي كل شي ؟
نواف : والله صار كل شي بسرعه ، سعود اتصل على ذياب و طلب انه يشوفه ولمن راح له مدري وش صار ما سمعت الا صوت الرصاصه و نزلت من السياره وشفت ذياب بالأرض طايح وغارق بدمه
شيخه رجعت لها نوبه البكاء وهي تسمع نواف : اخ يا قلبي والله اليوم صحيت وقلبي ناغزني حاسه بيصير شي
حصه وهي تهديها : الحمدلله ربي سلمه وهو بخير .
ليان ما قدرت تتحمل اكثر و مشت من جنبهم وسحاب لحقتها : ليان انتظري، وين رايحه؟
ليان جلست ع الكرسي و بكت بصوت من اول ماسكه نفسها
سحاب : ليان شفيك تبكين كذا لو احد يشوفك؟
ليان بصوت راجف : احس روحي بتطلع مو قادره امسك نفسي اكثر ودي اصرخ بكل صوتي
سحاب جلست جنبها : ليان مو وقته هالكلام تد
ليان قاطعته : مو وقته ! اقولك احس روحي بتطلع ودي اسوي أي شي مو قادره ابي اروح اعطيه كل دمي اهم شي يكون بخير
سحاب ضحكت : نقلوه للعنايه وخلصت العمليه ما يحتاج تتبرعين له بدمك لكن ممكن تتبرعين ب اضلاعك ولا قفصك الصدري
ليان ناظرتها بصدمه : تتمسخرين ؟
سحاب ما قدرت تمسك نفسها وضحكت بصوت : مهبوله و ربي
ليان تنرفزت منها : سخيفه ما عندك قلب ما تحسين بشعوري.. كملت وهي تبكي : احس قلبي يعورني عليه ، انتِ مستوعبه انه الشخص يلي احبه متصاوب ولا اقدر اسال عنه ؟
سحاب بحده : ليان اصحي على نفسك و استجمعي عقلك وحواسك انتي متزوجة ويلي تسوينه حرام و عيب ..
وقفت و تركتها و رجعت عند أهلها تقدمت ل أمها جلست جنبها وباست كتفها : يمه حبيبتي يكفي دموع سمعتي الدكتور وش قال
شيخه : ما ارتاح الا لمن اشوفه ، يا جعل يدينك وجسمك لنار يا سعود والله ما اضيع حق ولدي و اخليك تعفن بالسجون
هاللحظه انفتح الباب و طلعت ملاذ والكل وقف لها ابتسمت وهي تطمنهم : ذياب بخير
شيخه مسكت يداتها بتوسل : ملاذ ولدي وينه طمني قلبي عليه والله بموت ، ابي اشوفه تكفين دخليني
ملاذ رفعت كفوف شيخه وباستهم : والله بخير يا خالتي و صحي وكل اموره كويسه والحين بينقلوه لغرفه خاصه بس بالاول الشرطه رح تحقق معاه
نواف : شرطه ؟
ملاذ رفعت حاجبها : ايه انا بلغت .. لفت ع شيخه و عبدالناصر : جناح ذياب الدور الثاني رقم 211 ، اسبقوه انتو وكلها نص ساعه يخلص التحقيق و يجي .. تقدمت ل نواف و ابتسمت : كيف طعم القهوه لذيذه ؟ ايه اكيد لذيذه وهي بنكهة الدم !
نواف : والله صار كل شي بسرعه يا ملاذ
آلاء ناظرت نواف : وش قصدها ؟
ملاذ : اساليه ، تركتهم ومشت
آلاء: يعني فوق ما رحت ملكة اخوك تكذب بعد!

🍂📚 @storykaligi 🍂📚🖋
🍃🍂
🍂🍃🍂
🍃🍂🍃🍂
🍂🍃🍂🍃🍂