🌾🍃🌾🍃🌾
🍃🌾🍃🌾
🌾🍃🌾
🍃🌾
🌾 91 ..

📚 😍 📃
📖 روايـــــــــــــة ✍🏼
{ حب أحيا قلب الذياب }

📖🖌 @storykaligi 🌾🍃

ملاذ : متى بننقل ؟
ذياب : لو تبين الحين
ملاذ ضميته بحب : شرايك بعد يومين ع بال ما اجهز اغراضنا
ذياب ابتسم لفرحها : طيب يلي تبينه .. سرح شوي وهو يفكر ب امه وش بيكون ردة فعلها
ملاذ عرفت من ملامحه انه تضايقه : تفكر بخالتي ؟
ذياب مسح ع وجهه : ايه والله ، امي متعلقه فيني بزياده ادري طلعتي من البيت بتضايقها كثير بس
ملاذ قاطعته : لو ما تبي نطلع عادي
ذياب ناظرها با استغراب : غيرتي رايك ؟
ملاذ : لا ، بس انا احب الاستقلاليه و احب الحريه انه أعيش ببيت عائلي هذي نعمه عظيمه لكن بنفس الوقت يحق لي أعيش بسكن خاص فيني
ذياب باس كتفها : لا تفكرين وتتعبي راسك حتى انا ابي أعيش لحالي وبهدوء ، انا بقوم و انزل انتِ غيري ملابسك وتعالي ..
مشي وملاذ وقفته : لحظة ذياب
ذياب لف لها : آمري
ملاذ بهدوء وتوتر : قولي وش في بينك وبين ليان ؟
ذياب زفر أنفاسه و انتظرها كثير تفاتحه بالموضوع قرب لها وجلس بطرف السرير : مافي شي ولا يروح بالك لبعيد ليان بزر وما تحسب نتيجه اقوالها و افعالها
ملاذ قامت من فوق السرير وقفت عند الشباك : تحبك صح ؟
ذياب ناظرها بصدمه وملاذ لفت عليه : كنت شاكه والحين تاكدت شكوكي من نظرتك
ذياب وقف قدامها : تجنبيها لا تحتكين معها اعتبريها صغيره صدقيني بكرا بتندم ، انا بالنسبه لي اشوفها مثل بنتي و اخاف عليها مثل ما أخاف ع سحاب ، اتركي عنك هالسواليف ولا تفكري بشي يضيق خاطرك فكري ببيتنا وفكري وش تطبخي لي اول يوم
ملاذ ضحكت : همّك بطنك
ذياب : للحين ما ذقت طبخه كامله من يدك الله يستر بس
ملاذ بعناد : ما اعرف بالطبخ ابدا
ذياب : لا بالله مفصله مطبخ ب أربعين الف ومواصفات خاصه وبالاخير ما تعرفين تطبخين الا أقول بتتعلمين غصب عشان الأربعين.

ملاذ دخلت الصاله وشافت لينا جالسه وسرحانه ولا انتبهت لها جلست جنبها بنفس الكنبه وتكلمت : لينا كيف حالك ؟
لينا فزت و ابتسمت بحزن لسؤالها ودها تقول لها لا مو بخير ابدا و راسي ثقيل من كثر التفكير
ملاذ استغربت : شفيك تناظريني كذا ؟
لينا تنهدت : لا مافيني شي
ملاذ : متأكده ؟ بصراحه شكلك تايهه وتعبانه والتفكير ذابحك والهم على وجهك
لينا : كل هذا فيني انا ؟
ملاذ ضحكت : يعني بالغت حبتين الا من جد قولي لي شفيك ؟ لك فتره وانتي مو على بعضك يعني ما تعودت عليك ابدا اشوفك بهالوضع دايما تضحكي و تسولفي وتلطفين الجو مهما تعكر الحين صايره بس ساكته ما تتكلمين واذا تكلمتي يادوب بس كلمتين احس فيك شي يعني لو تبين تسولفين ترا بسمعك بس اذا انتي من النوع يلي ما تحبين تشاركين احد فهذا شي عادي و معليش ع السؤال
لينا ابتسمت : ليش تتكلمين معاي كذا كانك مديره و رسميه وتعتذرين
ملاذ ضحكت بصوت : بصراحه انا انسانه جدا بسيطه احب الضحك والسواليف واذا بديت السوالف محد يقدر يسكتني لكن ما احب ادخل بحياة الاخرين احس كل انسان له حياه خاصه فيه ما يطلعها لناس ابدا سوا حلوه او مُره وقلت يمكن انتي متضايقه بشي خاص ما ودك تشاركيني فيه وانا احرجتك بالسؤال عشان كذا اعتذرت
لينا اخذت نفس : تدرين بقولك انتي تدرين ليه ؟ احس بلاقي الجواب عندك
ملاذ تربعت : قولي
لينا غمضت عيونها : طلال بيتزوج
ملاذ فتحت عيونها بصدمه ما توقعت تسمع هالشي لانه يلي تعرفه انه تزوجو عن حب ويلي صدمها اكثر انه طلال دايما يبين حبه ل لينا قدامهم من خلال اهتمامه فيها
لينا : شفيك ملاذ ؟
ملاذ رفعت كتوفها : طلال زوجك بيتزوج ؟
لينا : ايه
ألاء دخلت الصاله وهي تاكل موزه وسمعت كلامهم جلست بذهول : عيدي عيدي الكلام ، طلال بيتزوج؟
لينا : ايه بيتزوج دانه يلي هي السكرتيره حقه
آلاء حست بغليان بجسمها من القهر : يلي ما يستحي بيتزوج صدق يلي قال مافي رجال يعرف بالحب ، قسما بالله انه ما يستحي وانه حقير
لينا ناظرتها باستغراب : آلاء شفيك ؟
آلاء كملت بقهر : قولو امين
شيخه وهي تنزل اخر درجتين : امين
آلاء: يا جعله للموت لو بيعملها هو وياها بنت ال ايش بس ما ابي اغلط اكثر
ملاذ كتمت ضحكتها وشيخه جلست وناظرتها بصدمه : مين هذا يلي تدعين عليه ؟
آلاء كملت تاكل الموز وحطت قشورها بالطاوله : ولدك طلال
شيخه بققت عيونها : يلي ما تستحين تدعين على ولدي بكل عين !
آلاء : لانه ولدك المحترم بيتزوج على زوجته يلي أساسا ما رح يلقى مثلها مو بس مثلها ما رح يلقى مثل رجلها
شيخه ناظرت لينا بذهول : وش تقول المجنونه هذي ؟
لينا : تقول الحقيقه ولدك بيتزوج

🌾📚 @storykaligi 🌾📚🖋
🍃🌾
🌾🍃🌾
🍃🌾🍃🌾
🌾🍃🌾🍃🌾