🥀🍃🥀🍃🥀
🍃🥀🍃🥀
🥀🍃🥀
🍃🥀
🥀 46 ..

📚 😍 📃
📖 روايـــــــــــــة ✍🏼
{ حب أحيا قلب الذياب }

📖🖌 @storykaligi 🥀🍃

ذياب : ممكن أسألك سؤال
ملاذ : دامك سالت الظاهر السؤال قوي
ذياب ضحك : لا بس م ادري خطر فبالي ، ثاني يوم زواجنا لمن التقيتي ب مها وصار بينكم الحوار في شي لفت انتباهي بكلامك لها انه م عاتبتيها ولا صايحتي وكانت ردة فعلك صح قويه لكن فيها هدوء
ملاذ ناظرته بهدوء : تبي تعرف سبب انه م عاتبتها؟
ذياب : ايه
ملاذ : و ليش م تبي تعرف عن شعوري بهذيك الليله ؟
ذياب حس انه جلدته بردها : أي شعور ؟
ملاذ : شعور انه اشوفك مع زوجتك السابقه وقريبه منك جدا لا وبعد وهي كاشفه وكاشخه وطالعه قدامك بكل زينتها ؟
ذياب : وهنا كان السؤال الثاني ليش م عاتبتيني ولا قلتي لي شي خليتي اليوم مر بهدوء ولأ كأنه شي صار؟
ملاذ : أوقات م نسأل سؤال مو عشان م حسينا تجاه الموقف او مشاعرنا ميته لكن م نسأل لانه الجواب ممكن يوجعنا نحنا!
ذياب : بس جوابي كان راح يريحك م راح ياذيك ولا يوجع قلبك ، خليني اقولك كم نقطه مهمه اول شي انا تزوجت الأولى برغبه مني لكن م صار توافق وتطلقنا بعد مرور حوالي تسع شهور والزواج الثاني امي يلي اختارتها لي وعشت معها أيام ومواقف كثيره وحلوه لكن م صار توافق كمان او تقدري تقولي م قدرت احبها ويمكن فارق العمر كبير وصار الطلاق بعد سنه وكم أسبوع ويوم تزوجتك ابوي خطبك من سلطان بالمجلس بدون لا يأخذ رأي وقلي فكر وشوفها نظره شرعيه بصراحه تضايقت كثير لكن يوم شفتك تغيرت أشياء كثيره والحمدلله صار الزواج
ملاذ : التخلي عندك سهل ؟ احسك تتكلم عن الطلاق وكانه شي عادي
ذياب ابتسم لها بهدوء : لا مو سهل وصدقيني هو قرار اصعب من الزواج لكن أوقات الطلاق يكون افضل حل
ملاذ : ممكن
ذياب : لازم تعرفين انه انا طلقتهم عشان لا اظلمهم معاي اكثر او يعيشون حياه متعبه او نوع من الإهمال
ملاذ : كل شخص وله تجربه ، انا م سألتك عن الماضي لانه م رح يتغير شي وغير كذا انا الحاضر
ذياب ابتسم : والمستقبل بعد باذن الله
ملاذ سرحت فيه و بعيونه : تدري في جانب منك جدا حلو
ذياب ضحك بصوت : صدقيني انا كُلي حلو
ملاذ ضحكت : لا بالله خف علينا
ذياب : عاد بكون صريح معاكي أوقات احسك عاقله وفيك نضوج لدرجة أقول سبحان يلي خلقها وكملها و أوقات أقول وين عقلها وين راح بس
ملاذ : وقت يروح عقلي راجع تصرفاتك انت رح تعرف انه انت السبب
ذياب : انتو الحريم لا يمكن تعترفو بغلطكم
ملاذ : ع أساس انتو يلي تعترفو ، الا تدري بقولك شي اشتقت للمشرط والمقص
ذياب بقق عيونه : وشو ؟
ملاذ ابتسمت : نسيت انه زوجتك دكتوره ؟
ذياب ابتسم : بتداومي اول م نرجع ؟
ملاذ : ايه برتاح بس يوم وبرجع للدوام عاد أقولك من الحين انا وقت الدوام انام بدري لانه اصحي بعد صلاة الفجر يعني رح اشوفك بين الساعه اربعه العصر لين ثمانيه الليل
ذياب : دجاجه تنامين ثمانيه ؟
ملاذ : قلت لك اصحي بعد صلاة الفجر
ذياب غمز لها : أساسا م راح تعرفيني تنامين الا لمن ارجع
ملاذ : ليش مكيف ولا وشو ؟
ذياب مد يده فوق الطاوله وشد ع يدها : لانه يلي يتعود ينام بحضن مستحيل ينام بدونه
ملاذ : صدقني عشان شغلي و مستقبلي اسوي أي شي و اتخلى عن أي شي
ذياب : حتى ذياب ؟
ملاذ : خليني اقولك انه ذياب هذا بمكان خاص
ذياب توقع انها تصده او ترد بالتخلي ابتسم لها : ما ندمت يوم استثنيتك وميزتك عن الكل .
.

بالمستشفى ؛
ليان بعد م كلمت سلطان جاء بسرعه خلال نص ساعه وصل ع الطوارئ و اول م شاف ليان توجه لها : ليان
ليان لفت تجاه الصوت : سلطان
سلطان وقف بخوف : وين سحاب وش صار لها ؟
لينا : خالتي درت انها حامل وصارت مشكله والظاهر انه سحاب تعبت وصار لها نزيف
سلطان دارت فيه الدنيا : نزيف ؟ طفلي مات ؟
ليان : م ندري طلعت الممرضه كذا مره وتقولي الدكتوره معاها
سلطان مشي و دق باب القسم طلعت الممرضه : نعم
سلطان : زوجتي داخل و ابي اشوفها و اطمن عليها صار لكم ساعه ولا احد طمني وبعدين ماهي عمليات عشان ممنوع ادخل
الممرضه : وش اسمها ؟
سلطان : سحاب عبدالناصر
الممرضه : ثاني باب ع اليمين
ليان لفت ع لينا : دخلو سلطان ، امشي امشي وراه لو تقول ممنوع بتضارب معاها
سلطان دخل اول م شافها نايمه والمغذي بيدها و الدكتوره تعملها سونار حس قلبه عوره همس بهدوء : سحاب
سحاب لفت للباب و دمعت عيونها و مدت يدها له : سلطان انت جيت
سلطان تقدم لها بسرعه ومسك يدها وباسها : انتِ بخير ؟
سحاب بكت بهدوء : لا ، خليك معاي لا تروح
سلطان ناظر الدكتوره : دكتوره وش صار لها ؟

🥀📚 @storykaligi 🥀📚🖋
🍃🥀
🥀🍃🥀
🍃🥀🍃🥀
🥀🍃🥀🍃🥀