Post #12413 — 👦🏻 سيرة وقصص للأطفال 👧🏻 (@seerawqass)

TGStat

Type to search

Advanced channel search

English

Site language

Russian English Uzbek
Sign In

Catalog

Channels and groups catalog Search for channels
Add a channel/group
Ratings

Rating of channels Rating of groups Posts rating
Ratings of brands and people
Analytics
Search by posts
Telegram monitoring

👦🏻 سيرة وقصص للأطفال 👧🏻

1 Dec 2024, 16:01

Open in Telegram Share Report

#قصص_القرآن_للأطفال

🔦 قصة ذهاب سيدنا موسى إلى لقاء الله

🌸 كان ياما كان وما يحلى الكلام
إلا بذكر النبي .... محمد عليه الصلاة و السلام ..

اللهم صل علي سيدنا مُحَمَّد

🌸 بعد ما ربنا نجا سيدنا موسى هو وبني إسرائيل وخلى فرعون وجنوده يغرقوا في البحر وبدأ سيدنا موسى هو وبني إسرائيل يمشوا في طريقهم علشان يبحثوا عن مكان يعيشوا فيه

🌸 وهما في طريقهم شافوا ناس بتعبد الأصنام اللي هي عبارة عن حجارة لابتضر ولابتنفع

🌸 وبدل ما بني إسرائيل يقولوا للناس إن اللي هما بيعملوه ده غلط

🌸 راحوا وقالوا لسيدنا موسى إحنا عايزين إله زيهم نعبده وإحنا شايفينه

🌸 فرد عليهم سيدنا موسى وقالهم بعد كل اللي ربنا أكرمكم بيه ونجاكم من الغرق ونجاكم من ظلم فرعون عايزين تكفروا بربنا وتعبدوا معاه أصنام⁉️

🌸 ده اسمه جهل وكفر بربنا..استغفروا ربنا قبل ما ينزل عليكم عقاب من السما

🌸 وفضلوا قاعدين في المكان ده لغاية ما ربنا قال لسيدنا موسى يقابله عند الجبل

🌸 فسيدنا موسى قال لأخوه هارون أنت هتكون مسؤول عن بني إسرائيل لغاية ما أروح وأرجع

🌸 وفي المرة دي كان سيدنا موسى عليه السلام متحمس أوي علشان يروح يكلم ربنا

🌸 بس المرة دي كان نفسه يشوف ربنا سبحانه وتعالى مش بس يكلمه وطلب من ربنا إنه يخليه يشوفه مش بس يسمع صوته

🌸 لكن ربنا قاله مش هتقدر تشوفني لكن بص للجبل لو فضل ثابت مكانه هتقدر تشوفني

🌸 لكن اللي حصل إن أول ما نور ربنا ظهر شوية منه بس ..الجبل كله اتهد و بقى كومة رمل

🌸 وأول ما سيدنا موسى شاف المنظر ده وقع على الأرض وغاب عن الوعي لأن الجبل كان كبير أوي وفجأة اتهدم كله

🌸 ولما فاق سيدنا موسى قعد يستغفر ربنا وعرف أن مش ممكن حد يشوف ربنا في الدنيا لكن المؤمنين أكيد هيشوفوا ربنا في الجنة

🌸 بس سيدنا موسى كان بيقدر يسمع صوت ربنا ودي من المعجزات اللي ربنا أعطاها لسيدنا موسى

🌸 و بعد كده ربنا خلى سيدنا موسى يكتب كتاب التوراه على ألواح من حجارة لأن زمان مكنش فيه ورق

🌸 وربنا كتب فيها كل حاجة وأمر سيدنا موسى إنه يروح لبني إسرائيل ويقولهم يعملوا كل اللي مكتوب في التوراه

🌸 ونزل سيدنا موسى من فوق الجبل ورجع لبني إسرائيل وهو فرحان جدا إن ربنا كلمه وكمان أعطى له كتاب التوراه

🌸 لكن لقى في حاجة وحشة خالص حصلت وهو غايب عن بني إسرائيل

🌸 يا ترى إيه اللي حصل؟
ده اللي هنعرفه بكرة إن شاء الله

🌸 ومعادنا بكرة إن شاء الله مع قصة سيدنا موسى عليه السلام والسامري

🌸 تصبحوا على خير يا حلوين

🌸 وصل اللهم وسلم على محمد
🌸🍃🌸🍃🌸🍃
إقرأ 📚 وانشر 📬 تُؤْجَرْ
https://t.me/seerawqass

👦🏻 سيرة وقصص للأطفال 👧🏻

لكي نُنْشِأْ جيلاً واعياً لا بد من وجود قُدْوَة حَسَنَة نَقْتَضِي بِهَا وليس هناك أفضل من الرسول وأصحابه والأنبياء وقصص القرآن فهيا بِنَا نجدد النية ونُروي كل يوم قصة قبل النوم لأبناءَنا بطريقة سهلة

3.4k 0 13