قناة كروب ويبقى الحسين ع

عطر ………🕊🍃




( ميمر )
يايوم راعــــــي الثّـــــار يطلب ثاره
وينصب عزه الكسروا ضلعها بداره
*
ياصـــاحب الثّـــــارات وينك وينك
طال الصّـبر ماكف صبرها سنينك
ثارات الك موثار المـــــــــــتانينك
وأوّلها يوم البسـمار هاك أستمع أخباره
*
عالباب صَب حقده وتجاسـر ليها
من هَيّس أُمّك خلـــــفه يامهديها
برجله رفس والباب رد اعلـــيها
بكل حيله ابن الحطاب من بعد ماشب ناره
*
موبس جــــــــــدار وبابها الأذّتها
وأكــــــثر بعد ريتك شفت محنتها
چفّــــــيها نيران الحقد چـــــوّتها
بياچف ترد باب الدّار بياچف تصد بسماره
*
يلهب وحامـي من تلاگـــــه وياها
جمــــرته بصدر أم الحسن طفّاها
منها كســــر ضلع وچتل بحشاها
محسن جنين المعصور ماشافت أمّه صياره
*
موبس جنين انذبح لأمّك عُمــــره
ولا بس ضلع كسّر بذيچ العصـره
خد أمّك الظّالم تشــــفّه بســـطره
وراحت بخدها المسـطور چف العبد آثاره
*
أيّام عاشت فاطــــــمه بعلّــــــتها
ماشالت بوجه الوصـــي شبحتها
خايفه يعاين حــــــيدر السّطرتها
مطفـيّه عين أم حسين وبهالوضع محتاره
*
الله يســــاعد حـــيدر من ايصدها
باچـــر وكل جـــروحها ايشاهدها
مكسوره ضلع وچف لئيم ابخدها
حيدر أسدها المعروف بالشّدد حامي جواره
*
وبعد الك ياشبل الحسن طر هامه
ونعش اليسيل الدّم تِجُر اســهامه
وثار الذّبيــــح السّـــــلّبوه لعمامه
حسين الغريب العطشان والمشت ويّه ايساره
***

الشّاعر
أبو سجّاد الجعفري
ربيع الثّاني / 1439هـ



t.me/qqq88997ffff


عطـ🌹ــــر

عطر ……🤍




#تنويه القصيده لخادم الحسين عليه السلام
الشاعر حسين جبار

ماتشبه أحلامي
يافاطمة أيامي
خلصن جرح. البسمة رمح. تصير
دونچ ضعت. ويمچ عِشت أمير
____

الليل لجروحي أيتدنّه ولونه لچمه
اليحچي عن الراحة يمي شلون أفهمه
وآنه فاگد زهرة الله وروح رحمـة

جيّت الليل ذباحـه وغربته منازَع بروحي
تنگص بسمة شفافي وتزيد بداخلي جروحي
علي أتغيّر يـ فطامتـه حكمتي أندرات بنوحي

بخيالي كسراتـي
وبوجهي آهاتي
نهر الدمع. كسروا ضلع حرير
دونچ ضعت ويمچ عشت أمير
____

أشد من فگد اليحبك ماكو شّده
الليل نزفي وبالنعي يلـ زهره أضمده
يموت ذاتـه الباب من يحنيله ورده

يلچم زهرة الجنّـة وتصبح شوفته صوابي
شـ أگـول وحزني ماخذني بواچي لمرقد أحبابي
تمنيـته وصحت يـمّـچ يريـت أترابـچ أترابـي

ترابچ عمّه عيونـي
ياريته أخذ لونـي
بگـبرچ ظمه يا فاطمـة. أحير
دونچ ضعت ويمچ عشت امير
____

البير بـ أوجاعي أنترس بجروح أشاچي
كلشي شايل ذكرياتچ بي بـواچـي
باهتـة الما بيها أسم زهره المحاچـي

ليالي أم بيتي مدفونه. گبالي تموت أعاينها
أغسّل دمـه بچفوفـي وأشيعه بدمعي محسنها
على هالحرگـه والوحشـة طويلة سنيني ما ظنها

محسن مواعيـدي
بدم شلته فوگ ايدي
مات المهم. صار اللچم. مصير
دونچ ضعت ويمچ عشت أمير
____

أثمنطعش جنة العمر بالباب يطفه
گبالي سبحة طينچ بيا واهس أغفه
وجع ساكن روحي بس بالموت أوصفه

أشوفن بالحسن حيرة ويبچي الدمعة چن جمره
أصبـره بيا حظن وآنـه كسرنـي الهجر يلـ زهره
أغمّض عيـونه بالعِتـبه. وينـام وأصحه للـ كسره

تيتم حسن روحچ
وكل مغرب ينوحچ
راح الوطن. من الحسن كسير
دونچ ضعت ويمچ عشت أمير
____

والبچي البيّه أعله طول حسين يجري
گتلـه ياهـو المات يمّك گـال عمـري
يروح يم زينب يگلها خويـه أصـبري

علـ أيشوفونهن باچر. دمعهم كون يتجاره
زينب هزلـة تاخذها. ويضل حسين بالغاره
القميص الينسلب يصعد. بإيدچ حزنه وأسراره

من الباب يا زهـرة
السبعين متحظره
باچر فله. وكل كربله. تغيّر
دونچ ضعت ويمچ عشت امير
____

حسين جبار


t.me/qqq88997ffff


عطـ🌹ــــر

عطر …….🕊



في. حق. الطاهره الزهرا۽ ع


شايله احساسج عطر هيل ييمه
روحي. بغيابج نجم. ليل ييمه
جاوبيني وكلميني
ييمه. ييمه

-----------------
يعصر ابروحي حنيني. وغرك اعيوني الدمع
حالي يمه. مثل. حالج ذايبه. مثل. الشمع
وابتدت رحلت عذابي. وقصتي صارت ظلع
زغيره علهم والمصايب. ليش يحبيبه انفجع

بروحي احسن بعدج اسهام ييمه
الدنيه صارت كله اوهام ييمه
ارحميني وكلميني
ييمه. ييمه

----------------
يمه خالي البيت بعدج. وجنه وحشت مكبره
حتئ نورج طفه بعيني. وبعدج. انه. مكدره
وين. رحتي. يالحنينه. وعفتي. زينب حايره
خذتي روحي من مشيتي. ونتي بحظان الثره

يمه رجعي فدوه لدار ييمه
ارد اسولف عندي اخبار ييمه
شاهديني وكلميني
بيمه. ييمه

-------------------
اليتم توني عرفته. من بقيت بلايه ٲم
والزغير الفاكد امه. يعيش اهات والم
هاي دنيه وبيه شفنه. شكثر حسرات وندم
المن. يسولف مصابه. المن حنان امه انحرم

من تصد اعيوني للباب. ييمه
ظلعي بالبسمار ينصاب. ييمه
ساعديني وكلميني
ييمه. ييمه

------------------
كلشي يتعوض ييمه. بس حنانج مايرد
شلون عفتيني وحيده. وهذا نيشان البعد
من اصد محرابج. انه. ينمرد. كلبي مرد
ٲشبك اهدومج ونوحن. ورتوي بعطر الورد

شلون عن زينب تروحين. ييمه
بعدج. يسليني. الونين. ييمه
سامحيني وكلميني
ييمه. ييمه

-------------------
يمه من اذكر مصابج. واذكر المحسن ذبيح
وظلع مهشوم شفته. ويلي يالزهره اصيح
يمه راح الحيل كله. ساعه اكوم وساعه اطيح
نزف دمعي كام يجري. وفوك خديني يسيح

حلم عمري بروحتج مات ييمه
شايله بدلالي. حسرات ييمه
ريحيني وكلميني
ييمه. ييمه

--------------------------
الخادم
رحيم. الصالحي



t.me/qqq88997ffff


عطـ🌹ــــر

عطر. ……


ابوذية

لسان حال مولاتي الزهراء ع

الخلاني اصيحن آه وي آه
الدفع بابي بحقد وبنار وياه
الكسر ضلعي إليه عتاب وياه
انتلاگه والحكم رب البريه


خادم الزهراء عليها السلام
سيد غالب الرضوي الكربلائي




t.me/qqq88997ffff


عطـ🌹ــــر