قصص💜✨

سراج : هلو حياتي مو گلتلچ راح ارجعچ الية

هاي اول خطوة خلصنة من مقداد ضلت الخطوة

الثانية بس توافقين نتزوج ووعد هلمرة مااعوفچ.

احبچ اورين الووو الووو ليش متجاوبين

اورين : خليت ايدية على راسي وعمر تخبل

گام يفشر ويسب وسراج سدة للخط

عمر : الگفك حقير لو تطير ولچ منو هذا اورين

لتخبليني لوما اختي واعرفچ اتصرف غير تصرف

اورين : گلتلة واني مخلية ايدية على راسي

سراج هذا سراج منو غيرة يعني

عمر : وشيريد منچ هذا ديگول خلصنة منة يعني

هو الكتل زوجچ

اورين : اي هو القتلة اني متأكدة بس شنو الاثبات

عمر : ليش كتلة شيريد منة فهميني

اورين : يريد ارجعلة دخل حياتي وصادقة لسراج

وفتح شغل وياه وشوية شوية سحبة لامور الشرب

والسهرات ومقداد من سوى حادث چان سكران

عمر : ليش محچيتي لعد چان وگفتة عند حدة

اورين : لطمت على راسي گلتلة چنت خايفة

خايفة هواية ومعرفت اتصرف

عمر : لتخافين اختي والله لاخذ بحگچ وحگ مقداد

اورين : شفتة گام يريد يطلع ركضت وحضنتة من

ورى وگلتلة اوگف عمر لتروح عندك عائلة وين

تروح وراك لتخسر الاول والتالي من ورى هذا

النذل خلينة نفكر بهدوء

نهاد : هاي شكو ليش اصواتكم طالعة وانتَ

شعندك جاي لبيتي مو گلتلك لتجي بعد هنا

متروح تگابل الخاتون مو احسلك كلفت روحك

بهاي الزيارة والله حتى وگفة مثل الاوادم موگفت

بفاتحة رجل اختك علاوي احسن منك وگف

وادى الواجب خزيتنة الله يخزيك

اورين : يوم رحمة لاهلچ عوفي هو جاي يشوفني

بعدين اني عاذرتة موتة مريضة قابل بكيفة

نهاد : انتِ
اورين : يوم رحمة لاهلچ عوفي هو جاي يشوفني

بعدين اني عاذرتة موتة مريضة قابل بكيفة

نهاد : انتي انچبي حسابچ بعدين عبالچ مسمعت

كلامچ وية اخوچ

اورين : باوعت لعمر بتوتر وهو باوعلي وفرك

وجهة بلعت ريگ وگلتلهة شسمعتي

جوان : گعدت الصبح جسمي يون علية من الالم

باوعتلة جاي يبدل لعبت نفسي منة ومن كلشي

يخصة كرهني بي حيوان متوحش الله ياخذك

تفي علية اذا حبيتك بعد ضليت ادردم بيني

وبين نفسي گمت واني گوة امشي باوعت

لوجهي بلمراية صاير يخوف بس شفتة نزلت

دموعي باوعتلة وهو بعد نظرة عني ولبس حذائة

يريد يطلع گلتلة اوگف

بهاء : انداريت عليهة شرايدة تأخرت علدوام

جوان : طلگني

بهاء : باي

جوان : اوگف جاي اگلك

بهاء : رجعت عليهة باوعتلهة واني رافع تك حاجب

شرايدة خلصيني اريد اولي

جوان : طلگني

بهاء : اللهم طولچ ياروح

جوان : طلگني

بهاء : شكلتي شنو

جوان : طلگني

بهاء : انتي ضلي مثل الشريط المعلس اني رايح

جوان : قسما بالله اذا مطلگتني ترجع تلگيني

منتحرة خل اموت كافرة خطيتي برگبتك

بهاء : تسوين فضل هو هذا الاريدة

جوان : ماشي بهاء بس استعد لجهنم الراح تحرگك

بهاء : باوعتلهة صفح وطلعت بس بداخلي خايف

لتسويهة صدگ وتنتحر رحت للدوام بس مگدرت

اركز بأي شي ضل بالي يمهة گلبي انقبض وحسيت

صارلهة شي مو زين طلعت من الدوام ورجعت

بسرعة للبيت واني اسب بنفسي هسة اني شريد

ياربي مو هاي هي غايتي ليش خايف عليهة

هي مو خطية لازم تتعذب نفس متعذبت

عمتي لازم تدفع الثمن لساني يگول شي وگلبي

يخالفة گلبي الخلاني اروح للبيت بسرعة

واني ميت بدمي وادعي كون متأذي روحهة

فتحت القفل وفتت للبيت ادور عليهة ماكو تخبلت

دورتهة حتى بلقاط الثاني ماكو اخر شي تذكرت

الحمام نزلت ركض فتحت باب الحمام

اول مجتي عيني عليهة گعدت گبال الباب

من الصدمة ولطمت على راسي

يتبع ٫٫٫٫٫٫٫٫٫٫٫٫٫

بلماضي وهسة خواتك ديدفعن الثمن

علي : شنو هذا الغلط

طه : چنت قبل اطلع هواية سفرات للمحافضات

اني واصدقائي وبمرة رحنة لتكريت چان اكو ولد

يشتغل وياية مناك واخذنة لبيتهم صرنة اصدقاء

احنة واهلة وابوه يشتغل فلاح عندة گيعان

زراعية وعرض علية اشتغل وياه وصدگ چنت

شاب ماعندي شي ضليت وياهم فترة طويلة

حبيت المكان وشاركتهم بلزرع وبنهاية الموسم

نطوني زايد مو ناقص عجبني الشغل وياهم

واشتغلت سنتين چنت المح عدهم بنية حلوة

ووية الوكت صار بينة حب وطلبتهة منهم وهم

رضوا ينطوهة الي ضليت وياهم 4 سنوات

واروح وارجع لأهلي بعد الاربع سنوات امي

تمرضت واني اخذت انسام ورجعت لبغداد

وهي چانت مؤدبة هواية وشالت امي وابوية

بكبرتهم بس مخلفت منهة وهذا الشي خلاني

افكر اتزوج انوب وهي ممانعت فكرة زواجي

دورت ولگيت امكم وتزوجتهة وگعدتهن كل

وحدة ابيت وحد بس امكم چانت دائما تسويلي

مشاكل وهي حملهة صعب مااگدر ازعلهة گمت

اهمل انسام علمود احافظ على الطفل الصارلي

هواية انتظرة وامكم چانت صغيرة وتدلل

هواية وطلباتهة تهلك واني چنت البيلهة برحابة

صدر بس هذا خلى المشاكل تكبر بيني وبين

انسام وحالتهة النفسية سائت لأن هي چانت

حساسة هواية وگضيناهة لو موديهة لأهلهة لو

جايبهة وورى مجابت امكم عمر حملت ب اورين

وانعادت المأساة وانسام طلبت الطلاگ لأن چنت

اهملهة هواية وهذا غلطي معرفت اعدل بينهن

حدما بيوم گالت وديني على اهلي وهي عيونهة

تودعني اخذتهة وورى يومين سمعت منتحرة

انقهرت هواية عليهة والعلاقات خربت وية اهلهة

وبعد مشفتهم ولا عرفت شي عنهم بس من شفت

بهاء شبهت عليه وحسيت شايفة قبل وهسة

تذكرتة هو يصير ابن مزاحم اخوهة

سمر : ليش بابا سويت بيهة هيچ

علي : اي يابة انتَ دائماً عادل وتعاقبنة على الغلط

شلون ظلمت هاي المرية هيچ

طه : مثل ماانتَ شاب وغلطت اني هم چنت شاب

وغلطت كلنة نمر بلحضات نغلط بيهة واني ماابرر

لنفسي لا اني الغلط راكبني واستحق العقاب

بس اختكم مالهة ذنب تدفع ثمن اغلاطي

سمر : بهلاتناء اندگ الباب وگامت بان فتحتة شوية

و دخل عمر هو وابنة اجة يشوف اورين

لأن بلفاتحة مأجة غير مرة وحدة مرتة مريضة

عمر : ها يابة السلام عليكم

الكل : وعليكم السلام

عمر : شبيكم من الصبح الوجوه مگلبة

سمر : علي يريد يحچي وبابا سكتة

طه : ماكو شي ابني بس مقهورين على مقداد

عمر : الله يرحمة خطية چان خوش رجال

اورين : صباح الخير

الكل : صباح النور

سمر : تقرب عمر منهة شبكهة وهي صارت تبچي

وتضرب على ضهر عمر وتگلة اخوية راح مقداد

راح وبعد ميرجع انكسر ضهري عمر انكسر ضهري

عمر : لتگولين هيچ كلنة بضهرچ حبيبتي واذا تريدين

تعاي وياية للبيت غيري جو

اورين : وخرت من حضنة وگلتلة تسلم متقصر

بس مالي خلگ هسة امشي خطوتين

سمر : شلت علاوي الصغير وهو يضربني راجديات

ويگلي ها سائتة مشتاقلچ

سمر : ضليت ابوس بي واگلة ادب سز اني راح

اتزوج واخلف وانتَ تگلي هاي السالفة

باوعت للساعة شفتهة راح تصير ب 8 بوست

علاوي ونزلتة وسلمت على الكل وامنت عمر

يخلي علاوي يمنة طلعنة اني والبنات هن راحن

مشي لأن المدرسة قريبة واني انتظرت السايق

شوية ووگفت سيارة قاسم گدامي نزل الجامة

وگلي صباح الورد سمرمر

صعدت وياه وهو طول الطريق مشغل قران لأن

عدنة ميت فمحترم الوضع

قاسم : اي مفكرتي دنفوش

سمر : اي فكرت

قاسم : اذا گلتي مموافقة اشمرچ من جسر الائمة

سمر : ههههههههه لا حبيبي موافقة

قاسم : اخر جواب

سمر : اخر جواب جورج قرداحي راح اربح

المليون لو لا

قاسم : يعمري تربحين مليار مو بس مليون صدگ

چذب دنفوش وافقت

سمر : ليش شچنت متوقع

قاسم : اعرفچ تحبيني بس تحيرين كلساع برأي

سمر : اني لو انتَ كلساع بحال تخوفني وتخليني

انفر منك واخاف

قاسم : لازم تتعلمين حبيبي اذا تحبيني

سمر : ليش متصير انتَ هادئ ليش اني اتعود

قاسم : مو بيدي حبيبي طبعي هيچ

سمر : غيرة

قاسم : تعال طلع زمال

سمر : شقصدك اني زمال

قاسم : لا اني لأن افتح مواضيع وية الزعاطيط

اورين : گاعدين نسولف اني وعمر وبابا طلع گال

عندي شغل امي گعدت باوعت لعمر ودارت وجهة

عمر : شبيچ اورين احسچ خايفة من شي

اورين : لا بس فقدان مقداد دمرني ورهبة الموت

تخلي اي انسان يخاف ويعيد حساباتة

عمر : علية اني هلسوالف

اورين : عمر جاي اگلك مصار شي ليش

تلح علية قابل سهلة افقد زوجي واشوف بنتي

تتيتم وتذبل گدام عيني

عمر : مو سهلة بس مو هذا الشاغلچ

اورين : توني دحاچيه ودگ تلفوني باوعت شفتة

رقم سراج ملامحي بهتت باوعت لعمر وهو لاحظ

توتري انطيتة رفض وخليتة بصفي

توني دحچي ورجع دگ النوب وعمر باوعلي

بشك تقرب مني وسحب التلفون شافة رقم مابي

اسم فتحة وخلاه على اذنة والصوت عالي گدرت

اسمع سراج يگول

بالبطانية حسيت انرفعت اني والغطا فتحت

عيوني وباوعتلة وعيوني مدمعة خ٫٫٫٫ا بحظي

هسة ليش اضعف هيچ گدامة شلون لساعني

احبة بعد كل العرفتة المفروض لو وحدة غيري

تقتلة خلاص متخلي عايش

بهاء : منو سمحلچ تطلعين من الغرفة شو صايرة

فلتانة فد مرة تضربين وتعوفيني وتمشين

جوان : اذا اني فلتانة لعد انت شنو گلت هيچ

وهو تخبل نزلني علتخم وضربني راجدي

بهاء : انة ماامد ايدي على مرا بس انتِ جبرتيني

وراح اردلچ الراجديات الي اخذتهن منچ

جوان : صارت الضربات تتوالى علية حدما خدودي

خدرن وگامن يطلعن نار ودموعي تجري مفكرت

اتوسلة او اگلة عوفني مااريد انزل نفسي

الة بعد خلي يسوي اليريدة اذا هذا يبرد گلبة

بهاء : هاي حتى بعد مترفعين ايدچ علية ذيچ

المرة اعتبرتچ زعطوط ومشيتهة الچ بس مو انا

الاعوف حگي وهسة گومي بساع گدامي علغرفة

لاانعل والديچ حيوانة

جوان : باوعتلة بتحدي وعيوني بعيونة گلتلة

لو تموت مااخليك تلمسني بعد روح عل ***

الي تعرفهن مااريد تنگسني بقذارتك

بهاء : ولچ انة نگس يولو والله لأراويچ نجوم

الضهر ادب سز ***

جوان : لاتغلط ما** غير عمتك الجاي تسوي

كل هذا بية من وراهة عساكم ثنينكم بالحرگ بجهنم

اباوعلة شرايينة تريد تطگ ووجهة احتقن تقرب

مني واني رجعت ليورى لزمني من فچي

عصرة حيل وحچى والحچي يطلع من بين سنونة

بهاء : ولچ حيوانة ***

عمتي انة تحچين عليهة والله لاندمچ عدال شعر

راسچ يا*

جوان : هد فچي وسحلني من شعر راسي للغرفة

حسيتة كلة تگطع بيدة واني رجلية ترافس

بلگاع اريدة بس يهدني اعيط اريد ماكو ميسمع

بهاااء عفية والله اسفة چنت ضايجة وحچيت هيچ

بهاء : هذا الحچي يصرف يم ابوچ ال **

مو يمي فوگ ماابوچ العار تزوج عليهة وشمرهة

بعد مااخذ امچ ال* جاية انتِ تحچين عليهة

تسواچ وتسوى راسچ ياقندرة

جوان : شمرني بلگاع وراح طلع حزام من الكنتور

ضليت ارجع ليورى واتوسل بي ماكو ميسمع

صار يضربني بكل قوتة ووية كل ضربة روحي

تشوغ للسما عيطت توسلت بست ايدة ماكو فاصل

عبك يريد يموتني ماعدا انواع الفشار والمسبة

سمعتهة منة علية وعلى اهلي ضل يضرب بية

بشكل عشوائي شي يجي على وجهي وشي على

ضهري وصدري وبطني وضهري واني اتگلب

مثل السمچة واتلوى من الالم اريد بس يعوفني

معافني الة تعب ذب الحزام وگعد گبالي

واني نايمة بلگاع وضامة رجلية لصدري

بهاء : هذا كافي گمغيتي لو تريدين بعد

جوان : باوعتلة ودموعي ينزلن عشرة عشرة

گلتلة بصوت ناصي گوة طلعت مني هاي الكلمات

رحم الله والديك مااريد كلشي بعد

بهاء : بس اني اريد

جوان : يباوعلي بمكر وهو يتقرب مني گومني

من الگاع خلاني بحضنة اخذ شفايفي بعنف

دمرني وهو يضغظ على جسمي

واني روحي تشوغ كلساع اخذ اليريدة ووخر الزولية

وشمرني علگاع الباردة واني عارية احس البرودة

تدخل بعظامي مباشرتاً ضليت لامة رجلية لصدري

ومچتفة ايدية وارجف

بهاء : ممنوع تگومين من هين تضلين للصبح

على هذا وضعچ تريد تموتين تريد تطيبين

جوان : عافني وراح للحمام واني اريد بس شي

الف نفسي بي او اخلي جواية البرد قوي

شهر الثاني والگاع تطعن من البرد ضليت گاعدة

ومرتچية علكنتور حدما غفيت مااعرف شلون

ضليت كلساع افز من الالم وارجع انام حدما حسيت

بية شالني باليل واني فعلاً صايرة قالب ثلج انوب

حتى التدفئة طفاهة الحقير تركتة مقاومت

لأن چنت ميتة برد والصخونة موتتني

چنت داخلة حالة هذيان شغلات احس بيهة

وشغلات لا بس حسيت عليه من سبحني بمي

دافي وخلالي كريم لجسمي ملمسة بارد كلش

غفيت بعد محسيت على شي

سمر : گعدت الصبح نفس الروتين مال كل يوم

سويت ريوگ وگعدت تمارة وبان وبدلت اورين

متداوم ماخذة اجازة

شهر اعصابهة تعبانة ورودينا هم ماخذتلهة اجازة

مرضية عفتهن نايمات طفيت الضوا وطلعت تريگنة

اني وبابا وخواتي الصغار وهو كلعادة يسولف وياية

بس مبين مهموم هواية من ورى موضوع جوان

بابا معرفت شي عن جوان ليش متجي تزورنة

هواية مشتاقتلهة وبان هم علطول تبچي عليهة

طه : باوعت لبان عيونهة دمعت تنهدت وگلتلهة

مجاي اعرف شي عنهة اليوم اروح اشوفة بلكت

يرضى يخليني اشوفهة

تمارة : ليش ميرضى هي مو اختنة

طه : سالفة طويلة بابا

سمر : مجاي افتهم ليش ديصير كل هذا ويانة

طه : كل انسان يدفع ثمن اغلاطة واني دفعت

ثمن هذا الغلط بيچن ياريت لو اني اتعذب ولا انتن

سمر : لتگول هيچ بابا اكيد هو انسان حقير انت

شلك ذنب قابل شسويتلة

طه : باعن بناتي انتن كبار هسة وتفتهمن

سمر : بهلاثناء دخل علي صبح علينة وگعد ويانة

علريوگ واني گمت جبتلة گلاص وطگيتلة بيضة

خليتهة گدامة گعدت گبالة وگلتلة اي كمل

شچنت تريد تگللنة

علي : شنو الصار يابة

طه : مصار شي بعد ابوك بس اني ظلمت انسانة

بشر ولا گوة تكرهة الموضوع بكيف الگلب هو

اليقرر المن تحب والمن تكره گمت الهي نفسي

بالتلفون اشوف اكلات واطبقهن هو يجيب مسواگ

هواية واني اضل اجرب شغلات كيك

وحلويات ونوعيات مال شوربات جديدة

بس مع ذلك احس بملل قاتل واضوج وحدي

لو اضل انظف بالبيت رغم الدنيا باردة بس اشيل

الفراش وامسح جواه وارجعة لو اضل اجلف بلحياطين

مال مطبخ والكاونترات مخليت شي منظفتة لان

عرفت غايتة هي يسويني مريضة نفسياً حتى

انتحر ويحقق غايتة بس والله مااخليك تتهنى

بأنتقامك الة اضل گاعدة على گلبك

ب 11 سمعت قفل الباب انفتح وهو فات باوعلي

گاعدة علكرويتة ودار وجهة وراح للغرفة

اورين : رجعنة بعد مخلصت الفاتحة بوجهي للحمام

ضليت جوة المي بچيت لطمت ملخت نفسي

ياربي ليش جاي اتحمل كل هذا زوجي

راح بسبب غبائي ليش محچيت لعمر

او لابوية لو معترفة لمقداد ولا متحملة

ذنب الي صار وياه

بس الفايدة شنو من هذا الحچي هسة راح

مقداد وبعد ميرجع

طلعت من الحمام شفت رودينا نايمة على رجل

بابا بلصالة گبال الصوبة وسمر بالمطبخ تسوي

عشى اكو لحضات رغم صعوبتهة بس تعدي وتنتهي

ولازم الانسان يتعايش وية الحزن وهاي مرحلة

صعبة جدا انو الانسان يعيش وية احزانة وتصير

جزء من حياتة اليومية فتت للمطبخ وسمر شافتني

وابتسمتلي واني ابتسمتلهة بتعب

سمر : اگعدي هنا يمي اني اسوي عشا

اورين : كبرتي حبيبتي وصار يعتمد عليچ

سمر : فرحت بكلامهة هواية لأن اورين وجوان

هن الي ربني ودارن بال علية احس روحي

متعلقة بكل وحدة منهن وكل وحدة معزتهة شكل

اورين : قاسم انسان زين سمر حافظي عليه

وعلى هذا الحب الي بينكم الرجال الة قدرة وطاقة

من تنتهي بعد ميرجع نفس قبل فلتخلي يوصل

لهاي المرحلة وياچ خلي دائماً مدللچ

سمر : هزيتلهة راسي واستمريت اگلب بلبتيتة

هسة شسوي اني شقرر اني احس نفسي مو جاهزة

ابد انو ادخل بعلاقة زواج واتحمل المسؤلية

كملت العشا وتعشينة وكلعادة امي تگعد تشكي من

النسوان والصار بلفاتحة وبابا يستمع بصمت

مااعرف شنو الجابرة يتحملهة يمكن كلام اورين

صحيح الحب يخلي الرجال يتحمل المرية اليحبهة

ويضحي علمودهة بس الظاهر بابا طاقتة عالية

صارلة 27 سنة متحمل امي شوكت تخلص طاقتة

مااعرف اورين بس تنقش متاكل وبابا يتوسل بيهة

حتى تاكل رودينا داخلة حالة صدمة يمكن چان غلط

انو نشوفهة هيچ موقف وهي طفلة بهذا العمر

اورين : كملنة عشا وكلعادة اخذ القران واگعد اقرى

بي هو صار انيسي بهاي الوحشة الي جاي اعيشهة

ووية كل مرة اقرى بيهة ادعي الله انو يكون القرآن

الجاي اهديه لمقداد يصير انيس الة بقبرة بس اذكر

الكلمة جسمي يقشعر بقبر اظلم وحدة تلقائياً دموعي

تگوم تنزل بس اتذكر الموقف او افكر بي واتذكر

كل ايامنة سوة مقداد ابد مغثني بيوم چان نعم

الزوج والاب لبنتة ربي يغفرلك ويرحمك وينتقم

من الچان السبب بموتك يعمري

جوان : فات للغرفة بعد مطلع ضجت وحدي

وصراحة خفت بيت چبير واني وحدي بلصالة

شسوي فاتحة التلفزيون والاضوية كلهة والتلفون

بيدي خاف تطفى الكهرباء گبل اضوي رغم هي

متنكطع نادرا هنا طفيت البلازما ورحت للحمام

فرشت سنوني ورحت للغرفة شفتة نايم على ضهرة

ومخلي ايدة جوة راسة ويگلب بلتلفون من فتت

وخرة شوية باوعلي ورجع نظرة للتلفون

تمشيت للچرپاية رفعت الغطا وتمددت بصفة

ضليت انتظر اي حركة منة ماكو ولا عبك اكو

بشر يمة صدگ شيهمك اذا انت يومية تجيني

عطور مال نسوان بملابسك ورگبتك بيهة اثار

انسان ميستحي عمت عيني من حبيتك اي والله

غفيت واني افكر بكلشي صار ومن ضمنهة فترة

الخطوبة مالتنة اني وساجد كلة مر على ذاكرتي

فزيت عليه وهو يسحبني لحضنة

بهاء : اسم الله گمغيتي

جوان : وخر مني لتلمسني بعد مكافي عليك الدتروحلهن

شتريد مني شنو من بشر انتَ حابسني وتعاملني

معاملة الحيوانات وهسة تريد تتقربلي وخرر ايدك

بهاء : مابيهن طعمچ گمغية نسوان الدنيا كلهن مابيهن

المثلچ انتِ لاقاعدة تغيحين من بالي ولا اقدر

اطلعچ يولي ماضل عقل عندي شسويتي بحالي

جوان : نص الحچي افتهمتة ونصة لا بس اني مااريد

استسلم الة واصير ضعيفة گمت من يمة واخذت

مخدة وغطة وطلعت ورگعت باب الغرفة وراية

يتبع ٫٫٫٫٫٫٫٫٫٫٫٫٫٫










#الحلقة ١٨



_____

جوان : طلعت مددت علكرويتة بلصالة وتغطيت

واني احس روحي مشتعلة واجيب واغلط على

نفسي واسب بيهة لأن حبت هيچ شخص بارد

ولاابالي وخاين وچذاب كل الصفات السيئة

بي بس اريد افتهم شنو الحبيتة بيك وليش

مااسيطر على گلبي وياك سمعت باب الغرفة

انفتح فورا غمضت عيوني وغطيت راسي

اورين وامي يومية يروحن للفاتحة من الصبح ميرجعن

غير لليل الفاتحة صارت

يم عمام مقداد بس يرجعن ضايجات وامي گوة

تروح تگول النسوان تسمعني حچي اني بس ثاني

يوم رحت وكل الي بلفاتحة طلبني لولدهن وامي

تگلهم مخطوبة لواحد بلحكومة وتضل تتفيك

گدامهن والمزعج السوالف والضحك بلفاتحة

عبك مو فاتحة عبك مناسبة واورين بس لازمة

قران وتقرى ومگعدة بتهة يمهة منظرهة يكسر

الگلب بعدهة مرحت ضليت بالبيت وعلي يروح

ويرجع وية بابا بس متغير جذرياً يهتم

بالقراية ومترتب عبك چان بعسكرية حتى تعاملة

ويانة متغير هواية شنريد احنة الله يصلح حالة

بليوم الثالث كلهة طلعت من الصبح واني رحت

للدوام ورجعت گبل تنظيف وسويت غدا الية

مقليات اندگت الباب واني طلعت افرك بيدية

من البرد وگفت ورى الباب گلت منووو

قاسم : اني حبيبي افتحي

سمر : خفت هواية بلاخص بعد الصار ذيچ المرة

گلتلة مااگدر افتحلك اهلي مو بالبيت

قاسم : اي ادري چنت بالفاتحة وسألت ابوچ

گال مجتي ويانة واني مصدگت اجيت اشوفچ

سمر : تعوذ الشيطان وروح قاسم عفية

مااريد يتكرر الصار

قاسم : تخبلتي انتِ ولچ اريد اشوفچ بس شنو

راح اكلچ افتحي لا اهجمة هسة

سمر : روح قاسم انتَ متتفاهم هسة

قاسم : هيچ صارت بسيطة سمرمر

سمر : عبالي يريد يروح درت وجهي اريد

ارجع چان يدگ الباب حيل وبصوت عالي

كلش خفت واستحيت من الجيران

لايسمعون فتحت الباب وهو فات بسرعة

لزمني من چتافي وصار يهز بية ويحچي بعصبية

قاسم : شبيچ تخافين مني شنو وحش اني لو اكل

اوادم بعدين حتى لو اكل اوادم مااكلچ

سمر : ليش

قاسم : اسويك مربى دنفش

سمر : ههههههههههه

قاسم : فديت الضحكة اني

سمر : هاي شفتني يلة روح

قاسم : ** ضيفيني علاقل

سمر : لسانك ضبة قاسم شنو هلحچي

قاسم : حبيبتي ونور عيني فوتيني جوة مو

راح اتجمد من البرد اهون عليچ

سمر : وانتَ شجابرك على هاي السوالف

قاسم : الشوگ سمرمر يشوگ بالنص

غير ممجربة انتَ دنفوش ومتعرف طعمة

سمر : شلون ممجربة من عفتني مااگدر اشرحلك

شصار بية قاسم احس روحي فارگتني

قاسم : اسم الله على روحچ يبعد روحي

وهسة شلون منفوت جوة راح اصير قالب مال ثلج

سمر : تعال فوت بس والله اذا سويت وكاحة

قاسم : قاطعتهة عود اشتكيني للمديرة

سمر : ضحكت وفتنة جوة گعد بالصالة واني

رحت للمطبخ سويت گهوة تركية اموت عليهة

ورجعت خليتهة يمة وگعدت بصفة وهو اخذني

لحضنة واخذ كوب الگهوة شرب شوية بعدهة باوعلي

بأستغراب عبك ديگلي هاي صدگ انتِ سويتيهة

سمر : شبيك عجبتك

قاسم : شارب گهوة بأرقى الكافيهات بالعالم بس

مثل هاي الگهوة مشارب ابد

سمر : بطل كلاوات عليك الله

قاسم : والله شبيچ متصدگين

سمر : لا مصدگة بالعافية حبيبي

قاسم : مفكرتي بالزواج

سمر : اي فكرت

قاسم : وشنو قرارچ

سمر : مااريد هسة خل اكبر اكثر

قاسم : شتكبر لخاطر الله دنفش هو انتَ هسة

ومخبلني انوب تكبر شتسوي بحالي

سمر : هذا الموجود قاسم

قاسم : لا والله سمر لتخليني اجبرچ

سمر : شلون تجبرني

قاسم : شلون مجبرتچ تقبيلن تنخطبين الية

سمر : قاسم عفية لتسويهة بية فدوة لگلبك اخاف

قاسم : من شنو تخافين قابل دگلچ قاتلي علجبهة

هو زواج اصلاً كلش راح تحبي بعدين

سمر : قاسم اني صغيرة حيل مو مال زواج والله

قاسم : كومة بنات بعمرچ يتزوجن وعادي عايشات

بعدين اني احبچ واتمنالچ الرضى ترضين راح ادللچ

واسوي كل التريدي بس اشري وكلشي يجي جوة

رجلچ ومثل متريدين بس تعاي لحضني سمرمر

مو جاي اموت والله حسي شوية بالنار البية

سمر : ضليت صافنة على كلامة مااعرف شجاوب

وهو ينتظر جوابي اخر شي گلتلة انطيني يومين

افكر وهو وافق وشرب الگهوة باس راسي

وطلع عود ديحسسني بلامان هذني سوالفك

طگطگهن على غيري اعرف شنو انتَ وشتريد

وشراح تتصرف من اتزوجك

اورين : اكتفيت بهاي الايام بالقران والتسبيح

واهدي ثوابهن لمقداد وادعيلة بالرحمة والمغفرة

الة والية لان كل الصار نتيجة ذنبي وغلطي الغلطتة

بالماضي رودينا حالتهة الصحية مجاي تعجبني

ابدا متاكل وصافنة ودائماً الدموع متفارگهة

كلة بكوم والنسوان بالفاتحة بكوم اشكال يحچن

على گرطتة وراح من وراهة وطلعت مثل امهة

تگرط زلم لان امي چانت متزوجة رجال قبل

ابوية وتوفى يحچن بصوت ناصي بس اني اسمعهن

وابلع لان مااريد اسوي مشكلة لخاطر مقداد وسمعتة

مااريد احد يگول مرتة مو خوش مرية

جوان : اجة الليل وهو كلعادة يجي من السبعة للبيت

يبدل ويطلع بعدهة يجي بلعشرة او ب 12 يلف راسة

وينام بدون ميحاچيني او يگلي شي كرهت حياتي

صرت مريضة نفسياً لا احاچي احد ولا اشوف بشر
وهو متجاهلني ولا عبك بشر وياه بلبيت كرهني

بنفسي بس هذا گلبي اوف منة حبة وهواية

رغم مشايفة منة بس الكره والصد والاهانة ليش

حبيتة مااعرف بس هو الحب من الله لاگوة تحب

قاسم : شددت قبضتي على ايديهة وگلتلهة

هاي الكلام مااريد اسمعة هو لعب جهال

انتِ مرتي سمر شتريدين يصير بينة لعد

سمر : اذا هذا الزواج مااريد بطلت كلمن يروح

لحال سبيلة اني مااگدر اعيش وياك

قاسم : راح اعوفچ لان عدكم عزا ومقدر انو

اعصابچ تعبانة بس صدگي اجيبچ يمي

سمرمر واشوي على اذانچ بصل على هذا المرار

العيشتيني بي كليوم برأي موتيني

سمر : مجابرتك علية عوفني اذا معاجبك

قاسم : فوتي جوة نامي دوختيني
سمر : عفتة وفتت جوة تمددت علسرير

حاولت انام ماكو ضليت افكر بهاي الورطة

الجبتهة لنفسي اني صدگ كل يوم برأي

ساعة احبة واموت عليه واريد قربة وساعة

انفر منة ومااريدة حتى اني احتاريت وية روحي

جوان : شفت بهاء جديد بهذا اليوم دلع وغزل

خلى حبي يزيد الة هواية گاعدين نتعشى وخابر

بابا واني جاوبتة وبهاء عيونة علية

طه : انتِ وينچ متسألين متگولين عندي اهل

ولچ رجل اختچ توفى تعاي بلچذب للفاتحة

باچر لو ماعندچ وكت

جوان : گمت من يم بهاء رحت للمطبخ

وگلتلة بصوت ناصي بابا صدگ شلون توفى

طه : شلون يعني متدرين مو گلتلچ اندعم

وانتِ مكلفتي نفسچ واجيتي شفتي

جوان : بابا والله مو بيدي ميقبل اطلع

توسلت بيه ومرضى شسوي يعني

طه : ليش سجين انتِ عندة لو شنو

انطينياه احچي وياه

جوان : لا بابا عفية لتسويلي مشكلة والله

ميتفاهم من يعصب

طه : شنو تايهتلة هو انطينياه

جوان : محسيت غير التلفون انسحب مني

انداريت شفت بهاء مخلي ايدة بجيبة ويحچي

بهدوء وعيونة تتفحص ملامحي

بهاء : شبيك حجي على شنو معصب مرتي وبكيفي

شنو الك عندي تعال فهمني

طه : هاي بنتي تعبت وكبرتهة تالي تريد تمنعهة

من عدنة شنو الي جاي تسوي هاي عود انتَ

رجل القانون والعدالة ولتنسى الي بينك وبينهة

انتَ تزوجتهة حتى تحميهة مالك حق تتحكم

بهاء : الي كل حق حجي مرتي هاي

طه : شتقصد وللللك

هوب هوب طفي حجي لتصير اعصاب

تروح تتخربط علينة وين نوديك

بس راح اگلك كلمتين تتذكر انسام

طه : شعرفك بأنسام انتَ

بهاء : عجل شلون مااعرفهة غير عمتي

عمتي الي انتحرت من وراك بس وحگ هو الله

لاخلي بنتك تنتحر واعيشك المر الي ضگناه

طه : لحضة اوگف بعدني ممكمل وسدة

خرب بنتي شنو ذنبهة بلي صار وشدخلهة بأنسام

جوان : ملامحي بهتت والدموع تجمعت بعيوني

بلحضتهة كرهتة حيل وصرت اتذكر كلامة

مااعوفچ حدما احقق غايتي والطريقة

الي تزوجني بيهة تمنيت الموت ولا اضل

مثل حجر الشطرنج يحرك بية حسب مصلحتة

تقربت منة وضربتة راجدي بكل قوتي

وهو حتى وجهة متحرك رجعت ضربتة

الثالث والرابع ودموعي تنزل وهو عيونة حمر دم

ضليت اضرب بي راجديات حدما خدرت ايدي

صرت اضرب بي بصدرة واني قابضة ايدية

وهو ميتحرك اخر شي لزمني من خصري

وباسني بخدي وابتعد عني واني وگعت بالگاع

الى معذبي الى اسري وسجاني لقد احببتك

كثيراً اكثر مما قد تتصور او تفكر هل رأيت

طائر عشق القفص هل رأيت الفرح في عينيه

صدقني لقد فرحت بسجنك واحببته لانك انتَ

السجان رضيت ان اكون الضحية شرط ان تكون

المجرم والمعذب قلي كيف اجعلك تحبني وانتَ

لاتسعى سوى للانتقام الذي قد اعمى عينيك

ازل جدار الكره بيننا فما ذنبي وذنبك لما ندفع

ذنوب غيرنا ونتعذب لعذابهم دع الماضي وقبلني

كما يقول القيصر صدقني قلبي لم يعد يتحمل هذه

الدقة التي صارت تتزامن مع وجودك فاذا بي انتفض

بكل كياني بكل برائتي وانتَ بكل جبروتك

فمن سيربح في النهاية حبي ام انتقامك وكرهك

مرت ايام صعبة علية گطعت الاكل والشرب

وجودة يمي يقتلني والاسوء مو هذا الاسوء انو

شعوري جاي يتحرك تجاهة بدون ارادتي احبة

واموت بي وهو يكرهني ويكره بابا مفكرت حتى

اسألة شنو سبب انتقامك اكتفيت بالسمعتة شنو

علاقة بابا بعائلة بهاء وعمتة مااعرف ولا اريد

اعرف قابل شيريد يصير اسوء من الصار

هو اني طول عمري فگر شيريد يتغير يعني

صار يومين مضگت الاكل وهو ميحاچيني ابد

ولا تقربلي بس يطب ويطلع حتى اكل مياكل

يمكن يخاف اسممة او احطلة شي بلاكل

صار يقفل الباب علية ويطلع كرهت روحي

هواية اخذني وعقد علية محكمة حتى محد يگدر

يحاچيه بابا يدگ علية يريد ادليه على العنوان

بس اني اگلة مااندل اخاف لايسويلة شي

واني مضل بية حيل لأي قهر البية مكفيني

سمر : طلعنة من المستشفى ثاني يوم الصبح واورين

خلت بتهة يمي وراحت للفاتحة لان عيب لازم تكون

موجودة بفاتحة زوجهة مرت الايام باردة ببرودة الشتة

شهر الثاني من سنة 2021 هو اسوء شهر مر على

حياتنة فقدنة جوان ومقداد بابا يلوب يريد بس

يشوفهة يخاف من زوجهة مااعرف شنو الصار

وخلاه هيچ يخاف بس نوبات اسمع ماما وبابا يحچون

وهو يگللهة كلة منچ لوما نگچ علية حتى اطلگهة مچان

صار كل هذا ابنتنة منية هاي وشصار مفتهمت بس

العرفتة جوان حياتهة مهددة لان بابا صاير اعصاب

١٧____١٨


#الحلقة ١٧




~•~•~•~•~•~•~•~•~•~•~•~•~•~•~•~•~•~

سمر : اول مفتت للبيت سمعت صوت بچي

اورين گلبي انقبض ركضت على صالة شفتهة

حاضنة رودينا وتبچي وبابا يحاول يهديهة

وامي گاعدة گبالهة علتخم وتگللهة ديلة عاد

هسة اليسمع بچيچ يگول چان معيشچ بقصر

وابوية خزرهة وهي فرت ايدهة معاجبهة من الوضع

الي اورين بي عرفت مقداد توفى ركضت گعدت

يم اورين ومخلية ايدي على چتفهة دموعي

نزلت لاارداياً جان شخص طيب الله يرحمة

واختي خطية ترملت وهي شابة وبنتهة

تيتمت وهي طفلة حمل چبير ماادري شلون راح

تگدرلة اورين بلاخص امي مراح تساندهة

بلعكس راح تزيدهة عليهة اذا من هسة معاجبهة

حضنتني وضلت تبچي وتنحب وكت طويل وبابا

گاعد يسبح ويگللهة صيري قوية بابا

اعرفچ اقوى من هيچ بنتي وهي بچيهة

يزيد مينقص لل12 واحنة گاعدين امي راحت

نامت بس اني وبابا واورين ضلينة گاعدين

گوة قنعناهة تنام اخذنة رودينا النامت وهي

دموعهة بعينهة لغرفتي وهي مددت بصفهة

ضلينة الليل كلة مغفينة كل مأباوعلهة الگيهة

گاعدة ودموعهة تنزل گمت طفيت الضوا

وتمددت مااعرف شلون غفيت احس الجاي

يصير فوگ تحملنة منين منباوع ماكو بس

القهر ثاني يوم خابر بابا عمام مقداد وعمامي

اجوي واجة وياهم علي اخوية وعمي من اربيل

ونسوانهم وطلعنة كلنة للنجف والي تفاجأت بي

قاسم جاي حتى ياخذنة للدفنة

واني وامي واورين وبنتهةصعدنة وياه

امي گالت اگعدي بصفة واني اول مصعدت

سحبني لحضنة وباس راسي وگلي بصوت

خافت اسف حبيبي والبقية بحياتكم

ابتعدت عنة وگلتلة بحياتك الباقية مو وكتهة

هسة هاي السوالف بصوت ناصي وهو تنهد

واندار على امي واورين اخذ من خاطرهن

وساق السيارة طريق طويل للنجف گضيتة

اسمع قران بلتلفون ودموعي تنزل على البچي

مال اورين ورودينا تسأل كلساع وين بابا

واني اجاوبهة بابا هسة بلسما راح للجنة

گولي امين حتى يروح للجنة

رودينا : امين بس يعني بعد مااشوفة

سمر : اورين على صوت بچيهة واني انداريت

الهة گلتلهة حبيبتي لا بعد متشوفي وانتِ

چبيرة وتفتهمين كافي تحچين بالموضوع

ماما متتحمل وراح تموت من البچي سدي

هاي السيرة حبيبتي واقريلة سورة الفاتحة

حافظتهة مو رودي يلة حبيبتي

رودينا : ماما اسكتي كافي بابا راح لمكان

حلو المعلمة گالتلنة الجنة مكان كلش حلو ليش

تبچين خل نقرالة سورة الفاتحة احسن

اورين : مسحت دموعي واخذتهة لصدري

وصرنة نقرى سورة الفاتحة سوية بداخلي

هم بگد الدنية شلون راح اربيچ وحدي

اووف مقداد وين رحت وخليتني وحدني

لل2 الضهر يلة وصلنة للنجف لان طلعنة

متأخرين نزلت من السيارة شفتهم شلون

جابو الدفان وبدوا يحفرون الگبر مالتة

روحي صارت مثل هذا التراب تمنيت

لو ميتة وياه ولا عايشة كل هذا الي دعيشة

حاليا مقداد ليش مأخذتني وياك عيوني

تراقب كلشي بصمت شلون حفروا قبرة ونزلوه

وخلوا التراب عليه حضنت رودينا ومنعتهة

تشوف المنظر بس شنو الفايدة هي من شافتهم

دفنوه تخبلت وصارت تعيط وتگول بابا ليش

خليتوه هنا طلعوه رجعولي بابا ضلت تعيط

حدما فقدت الوعي واني تخبلت عليهة

قاسم : شنو الصار بيهة خل ناخذهة للمستشفى

سمر : كلنة ركضنة على رودينا بس عمام مقداد

مهتموا ولا عبك بنتهم گالوا احنا رايحين

ورانة طريق طويل يلة نلحگ نوصل سلموا

على بابا وراحوا گالوا احنة نسويلة فاتحة هناك

بمنطقتنة واني تخبلت شلون ذولة

اهل الناس مضل عدهة رحمة ابد اخذنة

رودينا لمستشفى بلنجف وقاسم اصر ياخذهة

لمستشفى اهلي اخذوهة من عدنة وفحصوهة

طلع عدهة انهيار عصبي ضربوهة ابر وضلينة

وياهة لليل وهي مگعدت گالوا تتأخر يلة

تگعد وامي تتأفأف تگول تعبت اريد ارتاح

وقاسم اخذهة لفندق حتى ترتاح هي وبابا

واحنة ضلينة وياهة قاسم باليل جابلنة عشى

بس منو الة نفس ياكل شلناه ذبيناه مثل ماهو

قاسم ضل برى واحنا بتنة وياهة بلغرفة

اورين كامشة ايدهة وتبچي حدما غفت بصفهة

هي وگاعدة چان اكو اغطية غطيتهة وطلعت

للممر اختنگت هواية عائلة تهدمت وفقدت

اهم شي وهو الاب لگيت قاسم گاعد برى

اول مشافني گام وگف گبالي ولزم ايدية

وباسهن وگلي اسف دنفوشتي علسويتة

بيچ والله متحملت خلينة نتزوج حبيبي

والله مااگدر اتحمل بعدچ عني

سمر : زواج شنو قاسم توة مات الرجال

شنو السالفة تحمل عيب من اختي

قاسم : زين نتزوج بدون حفلة او شي سكاتي

واني اعوضچ حبيبي اخذچ شهر عسل

سمر : مااريد قاسم اصلاً مااريد اتزوجك

الشي السويتة خلاني انفر منك

جوان : تقربت خليت ايدية على چتافة وگلتلة

بدلع كثرة المحاولات لازم تخليني انجح بيوم

من الايام بهاؤؤؤ حبيبي

بهاء : والله انتِ مو هينة گمغيتي شو تعاي اشوف

شنو حدود طاقتچ

جوان : تقرب مني يباوعلي بمكر سوة الي يريدة

اكثر من مرة واني احس راح اموت من الوجع

بس حاولت اخفي وجعي حتى ميتشمت بية

ويگلي انتِ مو گدي ومن هاي السوالف

بهاء : گمغيتي ادري متوجعة بس جاي تكابرين

بس والخلقچ والسواچ مااخذچ للمستشفى هلمرة

جوان : اي كافي عاد مشبعت

بهاء : شبعت تؤ تؤ تؤ ابد هاي الكلمة مموجودة

بقاموسي منا وغاد تعلمي على هذا النمط

چنتي عروسة واستخطيچ هسة مضلچ حجة

جوان : بلعت ريگ بخوف وگمت بسرعة لفيت


الشرشف على نفسي وانهزمت للحمام

وهو يضحك وراية ويگلي ملكة الاغراء تعاي

يولي حدري عندي بعدني مخلصت

يتبع ٫٫٫٫٫٫٫٫٫٫

بهاء : خلينة الخوف من الله الكم وهسة انا طالع

من ارجع الگاچ نايمة وصوتچ ماريد اسمعة خلاص

اليوم افتهمتي لو لا

جوان : شبيك انتَ تخبلت علية شمسويتلك

حتى هيچ كارهني بس فهمني مو انتَ كتلت

نفسك علية واخذتني غصب عن الكل واولهم

اني ورغم هذا حبيتك بهاء مو شغلة جاي اچذب

حتى اتأقلم او اعودك علية بس والله حبيتك

وماريد تعوفني ماريد يلمسني رجال غيرك

گلتهة وهو صارت عيونة بگصتة تقرب مني

رفعني من زندي من الگاع واخذني للغرفة

شمرني علچرپاية ورفع رجلة ودنگ علية لزم

فچي عصرة حيل بيدة حسيت عضامي انسحنت

بهاء : منووووو گلچ اخلي رجال غيري يطخچ

لو حتى يلمحچ حيوانة هيچ شايفتني ماعندي

غيرة ** انتِ وكلساع عايدتهة علية

شتريدين بس فهميني لا هسة انبش الموتة

اشعلهم وارجعهم احچچچي

جوان : جسمي كلة صار يرجف خوف على

الم مااعرف شحچي وانت لازم فچي اشرتلة

على حلگي وهو وخر ايدة وعاط بية حيل

بهاء : عندچ دقيقتين احچي شتريدين

جوان : باوعتلة وعلى شفايفي ابتسامة

وعيوني تدعي القوة گلتلة احبك واريد گلبك

يصير الية ومن هللحضة ممنوع تروح لغيري

اضربني ملخني سويني وصل اضل احبك

بهاء واعشقك شتريدني اسوي لعد من اشوف

رجلي يروح لغيري بس فهمني شعدهن واني

ماعندي ماوحدة بيهن تحبك بگدي بهاء

صدگني حبيبي اباوعلة ملامحة تغيرت

نزل رجلة واندار عني طلع الباكيت طلع جگارة

ورثهة ووگف يدخن ويمسح بوجهة واني

ليهسة ممصدگة طلع مني هذا الكلام

سمر : قاسم شبيك وخررر عني تخبلت

قاسممم مو وعدتني متسويلي شي وخر عفية

قاسم : ولچ مضل صبر بية دنفوشتي اريدچ

افتهميني مو بيدي والله وانتِ مرتي من منو خايفة

سمر : لا قاسم عفية خليهة للعرس لتخرب فرحتي

وخر عني وگعد علدرج وگلي اطلعي خلي

جميل

يوصلچ لتضلين هنا اذا تريدين تطلعين سلامات

ركضت للباب فتحتة وطلعت والحراس من شافوني

وخروا من طريقي شفت عمو جميل واگف
بلحديقة

رحت عليه گلتلة وصلني عمو فدوة

جمال : شبيچ بابا ليش خايفة

سمر : لا مخايفة بس الوكت تأخر

ولازم ارجع للبيت هسة صعدت بلسيارة واني

اباوع للبيت شفت قاسم طلع بلباب يباوعلي

واني صديت عنة حسيتة صار شخص ثاني

متوحش وميتفاهم

ياربي شلون راح اعيش وياه

رجعت للبيت واني الطريق كلة افكر بلصار

وياية شلون راح اعيش وية قاسم اليوم

عافني لأن بعدنة ممتزوجين بس بعدين شلون

ياربي حياتي وياه راح تصير هيچ يعني حسيت

صرت اعيد حساباتي بكلشي واولهة الزواج

اورين : نايمة على جثتة اريدة بس يگعد خسرت

كلشي من راح مقداد وتفكيري كلة برودينا شلون
راح تتقبل موت ابوهة ياالهي ليش خليت سراج

يدخل حياتي ويدمرهة بابا سوالة شهادة الوفاة

واجة علية گوة سحبني من عندة

طه : وحدي الله كلنة على هذا الدرب بابا

ادعيلة بالمغفرة والرحمة حبيبتي هذا بچيچ

مراح يرجعة ولا يفيدچ بشي

اورين لازم نخابر عمام رجلچ يجون يشيعوه

وياية وراح اخابر عمامچ هم

اورين : گلتلة بصوت متحشرج سوي الي تريدة

شيفيد بعد راح بابا مقداد راح من ايدية

عاف هاي الطفلة تتيتم منو الهة هسة

طه : لتگولين هيچ بابا اني وياهة وماعوفكم

ابد وهسة يلة امشي نروح للبيت الصبح

نطلعة ندفنة راح يخلوه بلثلاجة

اورين : مجرد الكلمة خلت بدني يقشعر انسان

چان وياية قبل ايام هسة جثة هامدة اووف

ياالهي شتحمل بعد كل ضربة تجيني تحطم

شي بداخلي وهاي الضربة راح تقضي علية

كرهت نفسي وكرهت سراج والساعة الي شفتة

بيهة كرهت غبائي وسوء تصرفي

رجعت للبيت شفت رودينا گاعدة تلعب وية

تمارة وبان شگللهة هسة ياربي هي اول مشافتني

جتي تركض علية حضنتني واني نزلت لمستواهة

وصرت ابچي وهي استغربت بچيي وصارت تسأل

بية واني عاجزة انو اجاوبهة شريد اگول يعني

شريد اگللهة ابوچ مات وبعد ميرجع

جوان : شوية وتقرب مني

بهدوء انتهيت بس لزمني صرت ابادلة وهو اتخبل

علية صار يهمسلي بكلام حلو خلاني احب

نفسي وجسمي واعشقة اكثر فجأة وخر مني

وباوعلي بأستهزاء وگال شفتي گمغيتي

ماكو مرية تگدر تاخذ عقلي وتخليني

افقد سيطرتي بس اعترف گمغيتي حاولتي

بشدة بس منجحتي

انخبصت الدنيا الممرضين والاطباء كلساع واحد

داخل لغرفة مقداد ومحد يرضى يگللنة شكو

اباوع من الجامة اشوفهم مخبوصين ناس

تضرب ابر بالوريد وناس تسوي صعقات كهربائية

تخبلت عرفت گلبة وگف ضليت ادعي واتوسل

برب العالمين والاولياء والائمة مخليت امام

منخيتة بس كون يرجعلنة مقداد ياربي

لتيتم هاي الطفلة شنو ذنبهة هي بهاي اللعبة

الي لعبهة سراج ويانة يارب فدوة لتاخذة

بابا حاضني ويگول يارب ياالله واني ماادري

شسوي اريد اصرخ اريد اعيط بداخلي

مشاعر هواية سيئة والاسوء انو كل هذا بسببي

اني وبسبب غبائي يارب اني مو گد هذا الاختبار

خلص صبري ياالله فدوة لأسمك لتخليني اعيش

بهذا الذنب عمري كلة مااتحمل والله يارب رجعلي

زوجي وحبيبي مااريد من هاي الدنيا غيرة

سمر : وصلنة للبيت حتى هذا البيت اشتاقيتلة

صرت احب كل مكان جمعنة اني وقاسم واحن الة

قاسم : هنا ردحتى لما عجزتي سمرمر

سمر : هسة الة تحرجني

قاسم : ولچ ليش ضعفانة هيچ دنفوشتي

شمسوية بروحچ

سمر : لعد من عفتني شتتوقع اسمن مثلا

قاسم : بعد مااعوفچ حبي مچنت اعرف هيچ

اني غالي عليچ وراح يمرضچ غيابي

سمر : اووف شصار بية قاسم والله متت بغيابك

قاسم : اسم الله عليك دنفش ريت بية ولا بيك

سمر : اششش قاسم لتگولهة بعيد الشر

قاسم : تعاي حبيبي نگعد ليش واگفة

سمر : اخذني بحضنة وگعدنة علتخم

نزعني الشال وشمرة بعيد وفتح شعري

وصار يدخل اصابعة بي ويمشط بي بهدوء

قاسم : ولچ شراح يصبرني للعرس وانتِ تزهين

گدامي مابيچ شي وهو مو حلو شسويتي بية سمر

سمر : لازم تصبر حبيبي مو وعدتني متتعدى حدودك

قاسم : اويلي شلون بية اني هسة زين خل نقدم

العرس مااگدر راح اطگ والله

سمر : ها بدينة قاسم بسوالفك رجعني للبيت

قاسم : سمرمر چم بوسة متضر قابل راح تلزگ

البوسة بيچ ياعيوني ونضرهة

سمر : بعدني اريد احچي محسيت غير تقرب مني

وهو يطلع كل اشتياقة وحبة طول هاي الفترة

بعد وكت طويل ابتعد عني وهو وضعة مخربط

دفعني من التخم وگعت بلگاع وعاط بية بعلو حسة

قاسم : روحي منا بساع اصعدي فوگ واقفلي

الباب عليچ يلللللة

سمر : اني من شفت وضعة هيچ تخبلت ركضت

على درج اريد اصعد توني صعدت بايتين چان

يجرني وصار يبوس بية بخبال فقد واني اضرب

بي اريدة بس يوخر ماكو بعد ميسمعني

جوان : من شفتة كاشخ ويريد يطلع تخبلت

عرفتة راح يروح لغيري مجرد التفكير بالموضوع

خلاني اختنگ ركضت وگفت گدامة واني احاول

امنعة يطلع وهو باوعلي وهو مضيق عيونة

ولزمني من زندي وقربني عليه

بهاء : شتريدين يولي موتيني لا تنطيني ولا تخليني

اروح لغيرچ وين اكو هيچ عدالة گمغيتي

جوان : لتطلع بهاء لتروح لغيري مااگدر حتى اتخيل

الموضوع عفية لتسويهة بية فدوة

بهاء : ليييييش شنووو السبب گلتهة بعياط وهو

فزت ورجعت ليورى

جوان : قويت نفسي وگلتلة لأن احبك بهاء

ومااتحمل تباوع لغيري اموت غيرة

بهاء : انا مو گتلچ لتعذبين روحچ بهلسوالف

جوان : شتريد مني انتَ بس فهمني تزوجتني

بطريقة مشينة وحرمتني من فرحتي ورضيت

جبرتني بيك واخذتني غصب ورضيت تجاهلتني

واذيتني وخنتني وكلة تحملتة بس الا متى تضل

حابسني وحارمني من كلشي حتى منك راح اتخبل

والله شلون يعني اريد اروح اواسي اختي واشوفهة

مترضى يادين يرضى بلجاي تسويه

بهاء : تريدين تتطلگين اني حاضر

جوان : انصدمت معرفت شجاوبة بس احس

اختنگت من طريقة كلامة گلتلة اي طلگني

مااريدك اختنگت منك عوفني عاد

مااحس غير انضربت راشدي انبزخت بلگاع

اورين : وكت طويل مو وهم يحاولون يسوولة

انعاش اخر شي استسلموا وطلعوا واني عيوني

تراقبهم شلون يفصلون عنة الاجهزة

والطبيب طلع من الغرفة والممرضين وراه

تمنيت اعمى ومااشوف بعد يعني صارت صدگ

ومقداد مات ياربي لا لا عيطت ملخت روحي

گعدت بالگاع واني الطم على وجهي

طلع الطبيب گاللنة البقاء لله واني زدت بالعياط

ياربي ليش هيچ اخذتة مني ياالله اوووف ربي

ليش سويت بية هيچ يارب ليش اخذتة مني








#الحلقة ١٦


~•~•~•~•~•~•~•~•~•~•~•~•~•~•~•~

جوان : انهضمت هواية ياربي اني ليش جاي اسمحلة

يتمادى وياية هيچ والله اني اضحك اسمحلة ليش

اني اگدر امنعة اصلا او اوگف بوجهة

بهاء : طلاگ ماكو حدما احقق غايتي منچ گمغيتي

جوان : باوعتلة بأستغراب واني لازمة خدي ودموعي

تنهمر من عيوني بغزارة گلتلة شنووو هي غايتك

بهاء : بعدين تعرفين وهسة يلة ولي نامي

جوان : انتَ ليش جاي تعاملني هيچ اعرفك تعرفني

ليش كارهني بهذا الشكل بشنو ضارتك اني

دسوي المستحيل حتى ارضيك وانت تسوي كلشي

حتى تهيني وتمسح كرامتي وتغثني متخاف الله

١٥____١٦


#الحلقة ١٥



🥀🥀🥀🥀🥀🥀🥀🥀

روحي وياك ماتگطع وصلها

وتفرح لو تغريدة منك وصلها

تضل نبع المعزة انت واصلها

وتضل رغم البعد غالي عليا

~•~•~•~•~•~•~•~•~•~•~•~•~•~•~•~•~

سمر : التفتت الة واني ممصدگة گال راح اسويهة

مفاجأة بس متخيلت يجي بنص حنيني وشوگي

الة بدون تفكير ركضت عليه حضنتة وهو حضني

وشالني من الگاع ضمني قوي لصدرة حسيت كلشي

حلو رجعلي وية رجعة قاسم الامل وايام الحب

والغزل ايام مليانة بيه وبحبة الي ترس دنيتي

قاسم : الله يساعد گلبي شلون موگف واني

بعيد عنچ لو تدرين شگد اشتاقيتلچ حبيبي

سمر : ابتعدت عن حضنة ودموعي بعيني

گلتلة بصوت مخنوگ شلون هيچ نطاك گلبك

تعوفني بس گلي شلون قاسم ؟

قاسم : حبيبي وعيونچ ضروف وهسة لتخربين

هاي اللحضة دنفوشتي جاي من سفر طويل

وكلي امل تستقبليني بلبوسات والاحضان

ماريد اي مشكلة سمرمر حبيبي اريد اليوم

اشبع منچ واعوض كل ذيچ الايام

سمر : ماشي بس هذا مو معناه نسيت بس

مااريد اخرب علينا هاي اللحضة

قاسم : فديت الكبران والصاير يفتهم

سمر : ادري وليد اني كفرتني

قاسم : ولچ شمفهمچ بلغزل

سمر : وهسة وين نروح

قاسم : للبيت اريد ارتاح

سمر : لا خلينة نروح لمكان عام احسن

قاسم : رفعت ايدي وگرصت خدهة وگلتلهة

اريد اخذ راحتي شوية مشتاقلچ حب حب لتخافين

اعرف حدودي كلش زين ومااگدر اصلاً اضرچ

اخاف عليچ من كلشي حتى من نفسي

سمر : ماشي يلة نروح بس رجعني من وكت

قاسم : احاول

سمر : گال هيچ ولزم ايدي وصعدني بلسيارة

بداخلي شوگ چبير الة احس مترويه كل احضان

العالم شي غريب من متگدر تحس بلاكتفاء

تريد وجود الشخص التحبة دائماً وياك ومتشبع

منة وحتى وهو حاضنك تشتاقلة هاي مرحلة

خطيرة من الحب ومعناها لازم تفتهم انو انتَ

خسرت گلبك للابد وماعاد الك اي سلطة عليه

جوان : گاعدين بلمطبخ نتعشى وهو عينة

بجهازة صارلي ايام اتوسل بي ياخذني للمستشفى

اشوف مقداد وهو ميرضى مااعرف شنو غايتة

وليش هيچ يريد يحبسني حتى كليتي ميقبل

ارجع اداوم شسوي ياالهي عجزت وهو ميتأثر

ان تعاملت وياه بدلع واغراء ميهتم وان تجاهلتة

ميهتم مااعرف شنو الطريقة الي اگدر اتبعهة وياه

وتجيب نتيجة من يوم الصار وهو متقربلي نهائياً

ولا حتى فكر بالموضوع يومية باليل يطلع

ويتأخر يلة يرجع ومن يجي گبل يسبح بديت

اشك عندة شي وجاي يروح لوحدة بس اني

شبيدي وهو ممهتملي خلاص

بس احس راح انفجر لا اشوف بشر ولا يشوفني

ولا يطلعني ولا يخليني اداوم وحتى هو ميضل

وياية اگلب علتلفون علبلازما اشوف افلام تطگ

روحي من الملل وهو ماكو ولا حتى مفكر بية

بهاء : وين صافنة متاكلين

جوان : عليش ماكلة خليني اموت احسن

بهاء : اسم الله گمغيتي

جوان : گالهة بأستهزاء وهو يشرب العصير

باوعتلة بتحدي وگلتلة انتَ وين تروح يومية

بهاء : شلچ شغل انتِ مو گلتي لتتقربلي مالچ

اي حق يمي وين مااروح اروح

جوان : وليش مگلت تريدني مچان منعتك

بهاء : انتِ مو حمل هلسوالف بعدچ صغيرة

ههههههههههه لتورطينة

جوان : صغيرة شنو عمري 19

بهاء : والفايدة شنو متتحملين

جوان : ضجت حيل گمت ضربت الميز بأيدي

ورحت للغرفة شبعت بچي وهو اسمعة يضحك

علية احس جاي يحاربني نفسيا ويحاول يدمر

اعصابي بس ليش شنو غايتة مجاي اعرف

ضليت گاعدة ولامة رجلية لصدري وابچي

واليقهرني اني بديت اعجب بيه واحبة يعني مااگدر

اكرهة او افكر اعوفة وهو منو يگول يرضى

يعوفني بس لا يجوز يعوفني خل اجرب شنو فايدة

الحب اذا هو هيچ تعاملة وياية اكيد مراح

نتوالم سوية احسة شخص معقد او عندة

فد مشكلة نفسية مااعرف شبي

او يمكن لأن مهنتة تتطلب القسوة هيچ صار

بهلاثناء دخل هو تمدد بصفى وجر الغطى

واندار للجهة الثانية واني اختنگت اكثر احس

راح اتخبل زدت بالبچي وهو ولا يمة ممهتم

تخبلت گمت اعيط والطم وهو اندار علية

متفاجئ ويباوع بخزرة موتني بگاعي

خنست بعد مطلعت صوت بس دموعي تنزل

بهاء : ** هيچ متي لأن هجرتچ گومي

حضري نفسچ وتعاي مراح اطلع اليوم

جوان : باوعتلة وبداخلي حقد عليه شنو هاي

شجاي يحچي يعني كل ضنة اني اريد

هذا الشي وجاي ابچي علمودة شگد انسان فارغ

لعد گمت من يمة واني امسح بدموعي طلعت

من الغرفة ورگعت الباب وراية

ضليت گاعدة بالصالة ودموعي منشفن احس

طلعت كل قهري من الله خلقني لهاي اللحضة

مشوار وطلع وهو مبدل وكاشخ وعطرة يوصل

لراس الشارع تخبلت هذا شجاي يسوي ياربي

اورين : گاعدين اني وبابا بلمستشفى وفچاة

وتذكرت كل لحضاتنة اني ومقداد الخطوبة

الزواج وولادة بتنة رودينا لحضات سعيدة

مچان يعكرهة شي حياة بسيطة وحلوة

صح چنت اعيش وية شعوري بالذنب

بس هذا الشعور لاشئ مقارنة بالجاي اعيشة

حاليا احس نفسي محاصرة من كل الجهات

وكل الطرق خطر علية وكلهة تأدي لهلاكي

صارت الساعة ب 4 الفجر واني غلبني النعاس

وغفيت مگعدت غير على صوت سمر وهي تبدل

للمدرسة باوعت الساعة ب 7 ونص گمت لميت

فراشي وگعدت رودينا حتى تروح للمدرسة

لأن لو مهما يكون حالنا لازم ميأثر عليهة

سمر : عوفيهة نايمة اخذيلهة اجازة اليوم

اورين : لا خليهة تداوم قابل گعدتهة بلبيت

شتسويلهة وبشنو تفيد

سمر : مااعرف براحتچ باوعت على تلفوني

لگيتة علشحن اووو شگد نسيتة علشحن همزين

منفجرت البطارية فتحتة شفت كومة رسائل من

قاسم واتصالات دگيت عليه وهو فوراً جاوب

قاسم : ها حبيبي ليش متجاوبين ضل بالي

سمر : زوج اختي سوى حادث ورحت للمستشفى

والتلفون ضل علشحن اسفة حبيبي

قاسم : عادي دنفوشتي چنت اريد اگلچ جايچ

بهاي الايام انتظريني حياتي

سمر : صدگ قاسم شوكت يعني

قاسم : لا خليهة مفاجئة متحسين غير اني يمچ

سمر : اووف قاسم ماشي توصل بلسلامة

قاسم : ماشي عمري وحمد الله على سلامتة

يارب الشفاء العاجل

سمر : ربي يسلمك حبيبي

قاسم : خلي هاي الكلمة لما اجي حبيبتي

كون تگوليهة واني يمچ ساعتهة مااعرف شسوي

بيك دنفوش

سمر : تأخرت علمدرسة حبيبي بس ارجع احاچيك

قاسم : اخذي التلفون وياچ حبي لتخافين

سمر : لا ممنوع

قاسم : مو علينة هلسوالف اخذي وان احد حاچاچ

بس خابريني واني اتصرف

سمر : ماشي حبيبي باي

قاسم : بايات

سمر : مال درج

قاسم : نزول دنفش

سمر : سدة مني واني صرت احسب الدقايق

والثواني شوكت يجي ياترى اووف لو بس گايلي

بيا يوم يوصل تريگنة اني واورين وبنتهة

بس اورين صافنة ومتاكل عبك جاي تفكر بشي

اجاني ابو الخط وطلعت للمدرسة ومرن يومين

علينة صعبات هواية اورين اخذت اجازة ويومية

تروح للمستشفى من الصبح مترجع غير لليل

ومقداد داخل غيبوبة وضعة مجاي يتحسن

بليوم الثالث رحت للمستشفى وصلني السايق

الي يوصلني للمدرسة لأن قاسم منبهني مااصعد

بلتكاسي ووين مااريد اروح هو يوصلني

امي رفضت تروح تزور مقداد تگول لأن

هو فاقد شمدري منو زارة بس اعرف چذب

لان مقداد شخص بسيط ومو غني وهيچ بشر

ميعجب حضرة الوالدة دخلت شفت اورين

گاعدة علكراسي وبابا گاعد يمهة خطية

هو ضل وياه طول هاي الفترة لأن مقداد

ابوه وامة متوفين وبس عندة اخ واحد وعايش

برا العراق يعني ماعندة احد يوگف وياه وبابا

صار ميجي للبيت بس يسبح ويبدل ويطلع

حتى اكل مياكل بلبيت وامي بدال متگلة عفية

عليك وبارك الله بيك بلعكس

تگلة شعلينة احنة ابتلينة بي خابر عمامة احد

من اهلة يجي ويضل وياه الحمد لله اورين

مموجودة وتسمع هذا الكلام صرت بس

ادعي الله يرجعلهة زوجهة حتى مترجع تعيش

وية امي وتتحمل حچيهة وتأمرهة علينة

تمارة وبان من يسمعن هيچ يصيرن يبچن

على مقداد لأن متعودات عليه من هن صغار

هو يشاقيهن ويشتريلهن والصراحة حتى اني

مقداد شخص طيب ميستاهل كل الجاي يصير

وياه بس بعد قدر الله وماشاء فعل

گعدت وياهة شوية واخذتلهة فواكه وعشى لبابا

من صار المغرب طلعت من المستشفى وهي اصرت

تضل اليوم تبات بلمستشفى ورودينا صرت اني

امر عليهة اخذهة وياية من اطلع من المدرسة

لأن مدرستهة بغير منطقة بعيدة شوية علينة

وصلت للفرع مالتنة وگلتلة للسايق ينزلني

لأن احس روحي اختنگت صار فترة طويلة

ممتمشية بلشوارع كلة من الباب للسيارة ومن

اريد اروح لمكان عمو جميل يوصلني بس

اني توسلت بي وهو نزلني وراح واني تمشيت بنفس

المكان الي شفت بي قاسم قبل فترة

الحنين ذبحني تمنيتة وياية بهاي اللحضة شگد

ردتة كون هسة گدامي واحچيلة كلشي بگلبي

ردتة ينتشلني من هاي الحيرة والضياع الي

صرت اعيشة بعيد عنة وعن وجودة الي اسرني

تمشيت شوية واني اگطع بلورگ مال اشجار

شوية وسمعت صوتة وراية

قاسم : متبطلين سوالفچ سمرمر

بهاء : گاعد واباوع عليهة حبيبتي الي مجاي

اگدر اخذهة بحضني صرت اخاف عليهة من

كلشي حتة من روحي ومن لمساتي خايف لا حبي

ينسيني انتقامي والشي الي اني تزوجتهة علمودة

يتبع ٫٫٫٫٫٫٫٫٫٫٫

منتهية من الوجع بس السؤال ليش تحملت هلگد

شنو خلاهة متبعدني عنهة رغم اذيتهة

اخذتهة بحضني وهي صارت تبچي انفجرت بالبچي

وتعيط من الم ضهرهة وبطنهة لعنت نفسي

وگمت لبستهة واخذتهة للمستشفى واني طول

الطريق احاول اهديهة او اخفف من المهة بس هي

مثل الوحدة الي جاي تطلگ معقولة ياربي اني

اذيتهة لهاي الدرجة وين چان عقلي يارب

اورين : طلعوه من العمليات واني رحت ركض عليه

والممرضين يأشرون لبابا حتى يوخرني من طريقهم

سحبني بابا وگعدني علكرسي ورودينا گامت تبچي

على البچي مالتي وسمر لازمة ايدي وتفرك بيهة

منو چان متصور تجي علينة هاي الايام ولوما

دخول سراج لحياتنة مچان اجة علينة هذا اليوم

ولا عشنة بكل هذا العذاب حسبي الله ونعم الوكيل

راح بابا يسأل گالولة مخليه بلعناية المركزة لان

الاصابة صايرة بلدماغ ووضعة خطير حيل

اني من سمعت هيچ احس واحد دفعني من فوگ

عمارة ووگعت وتفلشت شنو ياربي الجاي يصير

كل هذا بسببي اني لو گايلتلة چان مصار كل هذا

چان متوغل سراج بحياتنة وهدمهة

سمر : اهدي حبيبتي ان شاء الله يتحسن

اورين : اني جاي ابچي على حضي المصخم

سمر : استغفري الله هذا امتحان ولازم تكونين گدة

اورين : يارب الصبر ياالله

جوان : دخلت علدكتورة وفحصتني وهي تسأل بية

عبالهة جاي اجهض بعدين شرحتلهة وضعي وگلتلهة

عروس جديدة وهي ضحكت وفحصتني بس الفحص

يموت ضليت اعيط وهو تحاول تهديني

وتگلي على كيفچ بس اني الوجع دمرني

دزتني علتحاليل والسونار طلعتلة واني كوة امشي

وهو خطية تقرب مني وشالني

وضل كلساع ماخذني لمكان واني متت من الالم

بديت اشك بية مرض خطير لان الالم صعب حيل

خلصنة التحاليل والسونار وگعدنة ننتظر التحليل

يطلع وهو يفرك بضهري وبطني لو يحضني

متنة لما طلع التحليل اخذناه للدكتورة طلع عندي

التهابات قوية وگالت بالفحص بين عندچ جرح

بس بسيط بس الي مسبب الالم هو الالتهاب

عندي التهاب بلرحم قوي جدا كتبتلي كومة علاج

ابر وحبوب وگالت لازم اراجع طبيبة واچيك وضعي

علطول حدما يروح الالتهاب واني طلعت عليه

وضايجة حيل منة احسة هو السبب بكل الي

جاي يصير بية حالياً

جوان : رجعني للبيت واني طول الطريق گالبة

خلقتي ومحاچيتة وهو عبك ديحوص يريد بس

احاچيه اخر شي كسر الصمت وحچى

بهاء : شبيچ گمغيتي ليش زعلانة

جوان : حچيت بعصبية مجاي تشوف شسويت بية

بهاء : شسويت انتي مو حمل الاغراء ومولفة روحچ

جوان : شتقصد

بهاء : يعني المن مطنگرة انتِ الي ردتيهة

جوان : والله بعد متطخني لو تموت

بهاء : ههههههههههه امشي *** انة مااموت

على شي انا الاريدة اخذو غصبا عليچ

جوان : والله انهزم منك شنو هاي اتدمرت اني

بهاء : بت ابوچ واشردي اجيبچ لو تطبين جوا الگاع

جوان : عفية بهاء عوفني هاي الفترة مو زين

راح اتأذى هيچ

بهاء : ترى انة عايفچ بس انتِ الي صرتي ملكة

الاغراء وانتِ مابيچ نشدة

جوان : كافي تذكرني

بهاء : دنچبي احسلچ لا اجي افلش سنونچ

جوان : شبيك انتَ محچيت شي دتغلط

بهاء : هي ادب سز شجابچ علية بهذا الليل

بهذلتينة بلمستشفيات واني عندي دوام من الصبح

جوان : اوي عيني خاف صارت زحمة

بهاء : اششش طيح الله حظچ والله ان سويتي

هاي السوالف النوب متلومين بس روحچ

جوان : عوذة منك متقدر النعمة فوگ مچنت اريد

راحتك واريد ادللك

بهاء : لسانچ اگضبي شنو عوذة هي حيوانة

جوان : لسانك والغلط شبيك بهاؤؤؤ

بهاء : ولچ انتِ شلون بيچ ليش الشي الامنعچ

منو تسوينو بلقسطني

جوان : ولو مفتهمت شي بس اي شكو شي تمنعني

منو اسوينو وافوت بعينو وضحكت بصوت عالي

بهاء : وجع كون * ادري خوما **

جوان : هاي المن الوجع بعدين اشايفني وتفشر

زعلت منك والله

بهاء : اني اريدهة من الله زعلچ بعدين الوجع بگلب

عدوينچ گمغيتي كافي الوجع الانتِ بيه

جوان : صديت علجامة وضحكت على سوالفة

هاي العلاقة الي بينة جاي تاخذني لمكان عميق

بداخلي بهاء گدر يأسر گلبي بحبة ويخليني

اهتم بتفاصيلة

اورين : بابا ضل وية مقداد ودزنة بتكسي للبيت

لأن ميسمحون احد يضل وياه وهو بلانعاش

ردت من بابا توسلت بس هو اصر ارجع ومااضل

بلمستشفى لا اني لا سمر باوعت لمقداد من الجامة

وعيونة ودعتة متمنيت يجي علينة هذا اليوم

واشوفك بهذا الحال فدوة ارجعلنة ووعد اعترفلك

بكلشي ونطلع هذا البلاء الي اسمة سراج من حياتنة

رجعنة للبيت ورودينا نامت بحضني من التعب

وصلنة لبيت اهلي لگيت امي گاعدة بلمطبخ

وتگلب بلتلفون وتحچي وية خالاتي ولا مهتمة

بلي صار ويانة مااعرف شنو من گلب شايلة

وشلون ممكن هيچ بشر تصير ام

سلمت عليهة وفتت بغرفة البنات فرشت ونومت

رودينا خابرت بابا وگال ماكو شي حالتة نفس

ماهي ووصاني انام لان السهر راح يضرني

وميفيدني بشي ومقداد محتاج شخص قوي

يعتني بي ويداري من يطلع من المستشفى

استسلمت لكلام بابا وخليت راسي علمخدة

رفع راسة واندار عني مخلي ايديه بجيوبة

واني متت بدمي دائماً اسمع الضباط يصيرون

شرسين بحياتهم وميتفاهمون وهذا الشي خلاني

اندم لان لعبت بالنار وقررت اتقرب منة

بهاء : شتريدين انطيني المختصر لان مالي خلگچ

جوان : شريد يعني شبيك انتَ

بهاء : شبت بيچ لتحچين بنتر وياية

جوان : التفتلي باوع علميز واتمشى لعندة واخذ

باكيتة وجداحتة وطلع جكارة وهو يباوعلي بنظرة

غريبة معرفت افسرهة كأنو ديگلي انتِ كل دنيتي

وبنفس الوكت انتِ لاشئ مجاي اعرف شنو هذا

التناقض الي معيشني بي

بهاء : لتلعبين هاي اللعبة ابد وياية گمغيتي

لو اشوفچ گدامي عريانة مااهتم اذا مو اني اريد

اتقرب عوفي حركات الاغراء لأن متفيد وياية

جوان : منو گلك لابستهن الك

بهاء : عجل للحياطين غير انا وياچ بلبيت

جوان : اني اريد ادلل نفسي مو علمودك جاي

اسوي كل هاي السوالف وهسة اگدر اطلع اشوف

فلم شي بمكان هذا الملل

بهاء : ليش نسيتي احنة عرسان شلچ بلافلام

اني هسة اسويچ فلم

جوان : كلامك مقرف بعدين لازم تراعي وضعي راح

اتأذى هيچ شنو كلشي عندك هاي السوالف

بهاء : عجل گومي بدلي البسي شي ايدفيچ

شنو متحسين بالبرد مطلعة كل ابداعاتچ

جوان : باوعت اللبسي واستحيت گمت علكنتور

طلعت تراك اسود وبدلت وهو واگف يباوعلي

ويدخن نظراتة تموت اكبر واحد بگاعة

بس مااعرف منين اجتني هاي القوة وصرت

هيچ جريئة وياه بلتعامل

باوعتلة صفح وطلعت گعدت علتلفزيون بس بداخلي

مرتاحة لأن مسوالي شي تخيلت راح يعلسني

اورين : وصلت للمستشفى اباوع لرودينا خطية

متدري شنو السالفة بس تباوع علناس الي جاي

ينقلوهم المرضى والي مسوين حوادث

سألت بلاستعلامات گالولي بلطابق الفوگ صعدت

واني بكل لحضة انو ينجي الية ولبنتة ويسامحة

على اغلاطة الي سواهة وصلت وگمت اسأل بلممرضين

گالولي دخلوه عمليات واشرولي علغرفة

باوعت علغرفة واني بداخلي اتوسل برب العالمين

يرجعة النة بلسلامة مشوار واجة بابا واني گمت

حضنتة وصرت ابچي بحرگة على كلشي صار لحد

الان تمنيت اصرخ واگول للناس سراج هو سبب

كل الي جاي يصير وياية بس مگدرت لساني مربط

شگول ياربي هو كلة غلطي شوية وصعدت سمر

وهم حضنتهة وصرت ابچي بقوة وهي تحاول تهديني

گعدنة علكراسي ننتظر مر وكت طويل واني كلساع

اسأل شخص من الي يمرون بلممر بس محد يحچي

شي كلهم يگولون انتظروا محد يريد يگول شنو نوع

اصابتة يگولون الدكتور هو الي يگدر يشرحلكم

حالتة گعدت واني كومة اسئلة وقهر بگلبي

طه : اطمني بنتي هسة يطلعوه بس ادعيلة

اورين : ان شاء الله بابا

طه : شعجب سوى حادث مقداد طول عمرة

ثگيل وميسوق بسرعة شجاه

اورين : مااعرف بابا گلتهة وسكتت شگلة چان شارب

سمر : الحوادث تصير عادي بابا غير قدر

طه : اللهم لا اعتراض على حكمك

رودينا : بابا سوى حادث مو

اورين : بنتي حبيبتي ادعيلة انتِ طفلة وبريئة

الله يستجاب دعائج

رودينا : اريد بابا معلية

اورين : اباوعلهة شلون تبچي وتمسح بدموعهة

گلبي انمرد رحت حضنتهة واني احاول اخليهة

تتماسك وتهدئ صح رودينا طفلة بس تفتهم

جوان : ظلينة گاعدين حدما صرت انعس وهو مستمر

يگلب بتلفونة ومتجاهلني بديت استغرب تصرفاتة

كأنو ديحاول يگلي اني مو بحالچ ومتهميني

صرت اغفي وهو متحرك من مكانة امدد بصفي

ورافع رجلة مخليهة علضهر مال تخم

غفيت واني اباوعلة محسيت غير من شالني

بس ضليت مغمضة اريد اشوف شنو تعاملة الحقيقي

وياية خلاني بلفراش وتقرب مني بحيث صرت احس

انفاسة تضرب وجهي باسني بشفتي

بعدهة صار يهمس بصوت خافت

بهاء : من اشتعلوا اهلچ من خلفوچ مگالوا شراح

يصير بية اني شلون اتحمل جمالچ وچمالة

لابستلي ملابس مغرية هو انتِ كلچ على بعضچ

اغراء لتسويهة بية گمغيتي اليوم گضبت نفسي

غير يوم مااضمنلچ روحي

جوان : بداخلي فرح چبير لأن طلعت مأثرة بي هواية

بس هو جاي يكابر ويرفض يرضخ لگلبة

سويت نفسي جاي اتحرك وانگلبت وهو صار يمسد

على شعري بهدوء بعدهة تمدد بصفي وحضني حيل

احس اختنگت من حضنة لأن مشدد قبضتة علية

هواية بعدهة صار يبوس برگبتي بقوة

واني هنا قررت اگعد لأن ممعقولة اكو بشر يضل

نايم بنص هاي الوضع رفعت ايدي تلمست شعرة

وهو حس بية رفع راسة يباوعلي واني صرت

احچي بصوت ذبلان ليش اچذب واگول چنت امثل

علي لا چنت جاي اتصرف من كل گلبي لأن بلشت

احبة واحب وجودة وياية انسحلت مشاعري

وراه وهو يبيع ثگل ويتصرف بعدم اهتمام

بهاء : يعني انتِ گاعدة من زمان مو

جوان : لا توني گعدت من حسيت بيك تقربت مني

بهاء : تقربت ابوس بيهة وهي متجاوبة وياية

وجاي تاخذني لمكان حلو احساسهة وياية يجنن

شي معايشة وية اي مرية قبل خبلتني خلتني

افقد عليهة محسيت غير على صوت بچيهة

رفعت راسي وهي ضمت وجهة بأيديهة

وصارت تحاول تخفي المهة الظاهر

رفعت ايديهة شفتهة جاي تبچي بألم ومبينة

سمر : ماشي حبيبي شوكت تجي

قاسم : راح احجز باول طيارة واجي

سمر : منتظرتك على نار حبيبي

قاسم : دخيل الله واهل البيت سمر على كيفچ

وياية ترى كلمة حبيبي منچ تموتني

سمر : ماشي تصبح على خير

قاسم : على مثلة وخير

جوان : طلعنة باليل للسوگ واني رجعت لبست

نفس هدومي بنطرون وفوكاه قميص طويل

وهو ضل يحچي ومعاجبة وگال هاي اخر مرة

تطلعين هيچ اخذني لمحل نسائي اشتريت

كومة شغلات وهو اخذلي عبايات اسلاميات

وشالات عبك يريد يچودرني بس العاملة

موتتني تجيب وتتلزگ بي واكلتة بعيونهة

وهو مدري شلون يباوعلهة والجگارة بحلگة

اني احس ورثت من شفتة شلون يباوعلهة

شنو مو بعينة اني تونة متزوجين

تقربت منة وگلتلة ماريد شي معجبني هذا

المحل والبائعة تريد تحچي مخليتهة گبل

رفعت نفسي وشاورتة وهو سندني وطلعنة

من المحل وهو عيونة بيهن خوف وقلق علية

بهاء : شجاچ گمغيتي توچ مابيچ شي

جوان : وبعدني مابية شي بس ضجت من العاملة

بهاء : غرتي يعني

جوان : اي غرت ميحقلي يعني لعد بس بلاسم

رجلي يابهاء

بهاء : لتغارين مالهة داعي

جوان : ليش

بهاء : تأذين روحچ بس

جوان : خليني اتأذى راضية اني

بهاء : استغفر الله خل نروح لغير محل

وبعدين نتفاهم

جوان : رحنة لغير محل واني اشتريت كومة

مكياج وملابس نوم وملابس للبيت بس

كلهن اخذتهن گصاف والوانهن مغرية

چانت هاي بداية حربي على بهاء ومراح

تنتهي الة اخلي يستسلم گدامي

اورين : اجة الليل وهو ماكو رودينا گرعت راسي

على بابا وين وبابا وين واني مااعرف شگللهة

لليل دگ رقم غريب علية عبالي سراج

عفتة يدگ رجع دگ اكثر من مرة واني گلبي

انقبض جاوبتة واجاني صوت رجال چبير

_ الووو الرجال صاحب هذا التلفون بلمستشفى

سوى حادث واحنة نقلناه تعالوا عليه اخيتي

وضعة خطير فد مرة والدعمة شرد معرفناه

الوووو الوووو وياية

اورين : جسمي كلة نمل واحس راح اتخربط

اريد بس اگلة العنوان وين مجاي يطلع

الحچي گوة تماسكت وسألتة علعنوان نطانياه

واني بدلت الية ولرودينا واخذت فلوس من

الگنتور وقفلنة البيت وطلعنة خابرت بابا حتى

يلحگني علمستشفى

جوان : رجعنة للبيت واني رحت بوجهي للحمام

سبحت ولبست من ملابس النوم الي اشتريتهن

طلعت واني لافة الخاولي علية ولابسة

البرنص مالتة هو باوعلي وبعد نظرة مثل الواحد

الي ديحمي عيونة من منظر معين وخايف

يباوع اكثر لايتأذى

رحت للغرفة ونشفت شعري ومشطتة وخليت

مكياج حيل اهتميت بنفسي طلعت اخبل بلاخص

اني ماعندي شعر بجسمي ملسة

على بيبيتي ام ابوية شعر جسمي اصفر وناعم

حيل ميبين ابد طلعت گعدت بصفة وهو

انصدم بمنظري ضل يگلب بتلفونة والبلازما

مشتغلة دايرة على روتانا ميوزك وهو ممنتبه

للتلفزيون عينة بلتلفون وكل شوية يباوعلي

ويرجع عينة بلتلفون مليت صارلنة نص ساعة

على نفس الموقف متحركنة گلتلة بهاؤؤؤ وين

الريموت دشوف فلم اجنبي احسن من هذا الملل

بهاء : بهاؤؤر شنو لتگوليهة بعد مااحب الدلع للرجال

وهذا الريموت بصفي اخذي

جوان : الريموت چان بصفة تقربت منة وسندت

ايدي على حافة التخم ومديت ايدي اخذة محسيت

غير انگلبت وهو صار فوگاية ذب التلفون وباوعلي

وهو مصغر عيونة

بهاء : شتريدين

جوان : شريد

بهاء : تعرفين كلش زين بس هاي سوالفچ

متفيد گمغيتي مار علية نسوان اكثر من شعر

راسچ مو مشايف حتى تحركين شعوري بهلسوالف

جوان : بس اني مرتك مو مثلهن

بهاء : چم وكت هذا الزواج نگعي واشربي مية

جوان : انحسب عليك زوجة بكل الاحوال

اني مو مثلهن ابد بنظرك اني غير وعيونك تگول

هيچ ومدام مجاي تأثر بيك سوالفي خليني

براحتي عروس وتريد تفرح بأيام عرسهة

مو كافي انحرمت من البدلة والفرح بنص اهلي

مستكثر علية البس شوية لو اخلي مكياج

بهاء : اني مخسران شي جوان اني رجال اليوم

وياچ باچر وية غيرچ انتِ الي گلبچ راح ينكسر

جوان : هههههههههههههه ليش ينكسر اني هم

اريد اكضي وكت لااكثر ولا اقل ملامحة تغيرت

ضربني راشدي كبل دموعي نزلت صارلي ساعة

حابستهن تالي متحملت ومنزلن على حالي

بهاء : شتگضين وكت ادب سز حقيرة انتِ مالتي

يعني كل ضنچ اخلي غيري يلزمچ لو يطخ شعرة

منچ لتتمادين ترى اطيح حظچ

جوان : كلبي احترگ من تناقضة گلتلة بعصبية

ليييش متقبل شنو اني بحياتك مو تريدني فترة

وتمل وين اروح بعدهة مفكرت بية طبعاً اتزوج

واروح لغيرك شنو هلانانية العندك اني جاي

اسوي كل هذا حتى تطلگني واخلص منك

بهاء : ها هيچ الحچي اني اعلمچ

جوان : شالني واخذني للغرفة وهو نفسة سريع واني متت خوف

يتبع















#الحلقة ١٤






~•~•~•~•~•~•~•~•~•~•~•~•~•~~•~•~

جوان : نزلني علچرپاية وباوعلي بتمعن بعدين

طه : ولچ بنتي وين انتِ شسوالچ

جوان : مسوالي شي بابا لتخاف علية

طه : هو صدگ تزوجچ بنتي احچي لتخافين

والله اگعدة عشاير واطيح حظة

جوان : اي بابا تزوجني من صدگ وجاب شيخ

وشهود وهو حيل زين وياية لتشغل بالك

طه : يابنتي الله يعينچ علصار بيچ انحرمتي

من الفرحة التريدهة كل البنات

جوان : الحمد لله بابا وعسى ان تكرهوا شيئاً

وهو خير لكم منعرف وين الزين النة

طه : بنتي انتِ صدگ وية اهلة بالبيت

جوان : عرفت بهاء مچذب عليه گلتلة اي وية
اهلة لتخاف علية بابا فترة وارجع

طه : الله يكملچ بعقلچ هاي امچ تريد تحاچيچ

جوان : ضجت حيل مااريد حتى احاچيهة

كلتلة بابا عندي شغل هسة بس افرغ احاچيهة

طه : ماشي بابا براحتچ

جوان : سديت التلفون وگعدت علچرباية احاول

استوعب الي اني بي حالياً شلون صار هيچ

ليش انحرمت من الفرح وهسة اني متزوجة

شخص معقد ومدري شبي ويريدني تسلية

بحياتة ليش يارب هيچ ديصير وياية

وچمالة واضح انو اهلي ميعرفون بموضوع

الزواج عبالهم مجرد ديحميني

شلون ارجعلهم بهذا وضعي بعد ميشمرني

شسوي ياربي شلون اصلح هذا الوضع

منين طلعتلي يابهاء

سمر : رجعت من المدرسة وبدلت وتغديت

وگبل علمواعين والتنظيف اني وتمارة وبان

يحاولن يساعدني ومن نكمل نكعد نقرى سوى

تمارة : سمر

سمر : ها شتريدين

تمارة : جوان وين راحت

سمر : تزوجت

تمارة : لعد شو مسوت حفلة مثلچ

سمر : ضروف حبيبتي

بان : يعني بعد متجي

سمر : لا تجي بس كل فترة مثل اورين

بان : اني احبهة مااريدهة تروح وانتِ

هم هسة تروحين وية عمو قاسم وتعوفينة

سمر : انهضمت بداخلي عليهن لان صدگ صعبة

عليهن وهن بهذا العمر يعيشن وحدهن وامي

وجودهة من عدمة واحد حضنتهن لصدري

وگمنة نبچي سوى هو حتى اني مقهورة

على جوان بس مابيدنة شي

اورين : ضليت انتظرة وهو ماكو راح اتخبل

وين جاي يروح عمرة متأخر هيچ علبيت

دگ تلفوني رقم غريب تجاهلتة مجاوبت

رجع دگ واني خفت ليكون مقداد صارلة شي

جاوبتة واني كلي ارجف

سراج : هلو حبيبتي

اورين : رجلي وين ياحقير

سراج : راح ادزلچ موقعة دقيقة

اورين : شوية ووصلتني رسائل علفايبر

فتحتهن وانصدمت مقداد گاعد وية بنات ويمهم شرب

والبنات لبسهن ياستار يارب

بسرعة طلعت من التطبيق ورجعت احاجي

واني صايرة بركان ضليت اغلط وافشر عليه

سراج : ههههه شبيچ عداچ مقداد من اخلاقة

اورين : اطلع من حياتي لااذبحك

سراج : الة اخليچ تعوفي وترجعيلي وعد مني

الچ حبيبتي مااعوفچ ابد

اورين : اني مااريدك كرهتك حقير

سراج : تؤ تؤ تؤ ليش هيچ حبيبي هدي روحچ

وهسة روحي خلينة نكمل الگعدة مالتنة

اورين : سدة واني تخبلت هسة شسوي يارب

شلون هيچ مقداد انجرف ودخل بهذا العالم

القذر يارب شسوي المن اشكي الك المشتكى يارب

رحت مددت بصف بنتي وحضنتهة واني خايفة

ومرعوبة من الايام الجاية شلون راح تكون

جوان : طبخت وفتت سبحت ولبست تراك حلو

لونة احمر طوخ وفليت شعري طلعت گعدت

بالصالة انتظرة ضليت انتظر وهو ماكو

مددت علقنفة وخليت الكوشة جوة راسي

وغفيت بدون مااحس مگعدت غير من شالني

من مكاني واني فتحت عيوني باوعتلة

شايلني وعيونة مركزة بملامحي

بهاء : ليش نايمة هين باردة عليچ

جوان : تعبت وغفيت شوية نزلني اصبلك غدا

بهاء : شسويتيلي غدا

جوان : فاصولية وتمن

بهاء : يلة عجل انزلي صبيلي

جوان : نزلني واني رحت للمطبخ اصبلة اكل

شوية واجة مبدل ومغسل گعد علميز واني

گملت نگل المواعين وگعدت گبالة

بهاء : محتاجة شي

جوان : مثل شنو يعني

بهاء : ملابس شي حتى اخذچ باليل

جوان : اي علواه اريد اشتري مكياج وملابس

بهاء : شيريد يسوي المكياچ اذا انتِ الله ناطيچ

وممقصر وحشاه يقصر

جوان : اي بس حلو عاجبني

بهاء : ماشي اني اخذچ واشتري الي تردي

جوان : هاي الملابس مالتمن لعد

بهاء : اني اشتريتهن الچ

جوان : يعني چنت مخطط تجيبني هنا

بهاء : طبعاً شلون عجل

سمر : ضليت ادگ عليه وهو ميرد خبلني

عرفتة يريد يعاقبني على كلامي

ورى ساعة تقريباً جاوب

قاسم : ها شتريدين شكو هلگد داگة

سمر : ضجت منة ردت الوص الوضع بس تداركت

الموقف كلتلة غير مشتاقتلك

قاسم : افتحي كام خل امتع عيوني

سمر : فليت شعري وعدلت حواجبي وفتحت

كامرا وهو باوعلي وضرب على راسة

قاسم : ولچ اني شعايف خ٫٫٫٫٫٫ا بحظي

سمر : اي عايف سمرمر ورايح ترى ميصير هيچ

قاسم : دخيل ابو فاضل شلون سمرمر هو

سمر : هسة بديت اشك اني ولد من وراك

قاسم : لا يامجرمة كل هذا وولد الطم هسة

سمر : اوي قاسم كافي حبيبي عيب

قاسم : انتَ كلك الي بكيفي اتغزل اني والله

بعد مشفتك شلون صاير دنفوش فلا الي ضلة

هناك جايچ سمرمر تجهزي لحبيبچ

سمر : فرحت هواية ودزيتلة بوسة بالهوا

وهو لزم الهوا بيدة وباس ايدة

قاسم : نام دنفش ودير بالك على روحك

مو زين السهر على عيونك

قاسم : اي ادب سز سمر والله اجيچ بطيارة هسة

واشگة لحلگچ متبطلين تجاوز

سمر : علواه تجي حتى لو تشگة

قاسم : صاير جرئ دنفش

سمر : هلمرة انتَ صدگ ادب سز

قاسم : والله اذا افتهمتي شقصد فأنتي متطورة

وصاير دنفوشي چبير

سمر : اي سامر صاير چبير

قاسم : هههههههههههه انهجم بيتچ شگد تنحبين

سمر : يمعود شتضحك اليوم انهبطنة على جوان

قاسم : ليش ياستار شصار

سمر : مرجعت للبيت وابوية طلع يدورهة وامي

گلبتهة مناحة لليل رجع ابوية وهو فاقد الامل

يلگيهة لهناك واجة ضابط گالة لبابا هو متزوجهة

وبابا هد عليه وامي طبت تعيط للاستقبال

وتحاول تهدي ابوية بس بعدين تفاهموا وطلع

متزوجهة حتى يحميهة من العصابة الي ملاحگتهة

قاسم : هذا فلم هندي

سمر : اي لساعني ممستوعبة بس امي كيفت لان

تزوجهة تگول لاگيتنة بلشارع

قاسم : اختچ مو انخطبت لولد بلجامعة وياهة

سمر : اي وطلع صاحب شبكة دعا٫٫٫٫٫ة ولزموه

چان راحت بيهة اختي جوان الله ستر لوما هذا

الضابط الله ينطيه قبض عليهم وحماهة

قاسم : يمعودة دشم ريحة چذب بالموضوع هسة

يطلع سوى هيچ حتى ياخذهة لا اكثر ولا اقل

وحاليا دتصير شغلات +18 بينهم

سمر : شگد متستحي انتَ

قاسم : يوم النة حبيبي ونسهر للصبح

سمر : تدري چنت مرتاحة من سوالفك

السخيفة هاي

قاسم : هاهيچ الحچي ماشي سمرمر باي

سمر : سدة وهو مبين زعل واني ضليت الوم

بنفسي هسة اني مصدگت خابرني ليش زعلتة

اورين : گعدت الصبح اباوع لمقداد ديبدل

ويجيب ويتعطر ويمشط بحواجبة وشواربة

ولحيتة حيل مهتم بنفسة باوعتلة بضوجة وهو

اندار علية وضحك بصوت عالي

مقداد : فكيهة يعمري شبيچ

اورين : شبيك مقداد شو متغير بعدين انتَ من

شوكت تشرب تخبلت

مقداد : من البارحة بديت اشرب عندچ مانع

اورين : طبعاً عندي مانع انتَ اب لازم تكون قدوة

لبنتك مو تجي تتطوطح تالي الليل شنو نهاية

هاي السالفة مقداد تخسر كل فلوسك وتصير

مدمن وتضحك امة لااله الا الله علينة مووو

مقداد : صوتچ ولچ احترمي

اورين : انتَ شو هيچ صاير تحچي وياية

مقداد : عدلي اسلوبچ بلاول ولتنسين نفسچ

اني طالع هسة عندي شغل باليل نحچي

اورين : طلع وعافني بحرگة گلبي عليه ادري

هاي سوالف ذاك الس٫٫٫٫٫٫٫ط سراج هو العلمة

على هذا الدرب والله اعلم شيريد يسوي بعد

وبيا تهلكة راح يذبة

جوان : گعدت الصبح على ريحة حلوة فتحت

عيوني وگمت من الفراش اتبع الريحة لگيتة

جاي يسوي گهوة وريوك گلتلة صباح الخير وهو

التفت علية وباوعلي بأهتمام ورجع يباوع للطاوة

بهاء : صباح الورد گمغيتي

جوان : اگدر اعرف اسمك

بهاء : بهاء

جوان : حلو اسمك

جوان : التفتلي وهو عاگد حواجبة ويباوعلي

بنضرة غريبة كأنو ديگلي ترى جاي افتهم شدسووين

واني نزلت راسي فعلاً النظرات ممكن تحچي هواية

شغلات يعجر اللسان يعبر عنهة وتختصر هواية كلام

بنظرة وحدة خلى الاكل علميز واشرلي اگعد وياه

بهاء : اليوم سماح بس منا وغاد انتِ تسويلي

الريوگ مااريد دلال الدلال خلي بغير امور بس

جوان : ترى اني ممتعاجزة بس انت مكعدتني

بهاء : مصار شي اكلي هسة

جوان : تلفوني وين صدگ

بهاء : خليتة بلغرفة جوة راسچ

جوان : عادي اخابر اهلي

بهاء : اي عادي بس متروحيلهم

جوان : ليش مااروح

بهاء : بس هلفترة ممنوع

جوان : هزيت راسي بتفهم وهو دنگ ياكل

ويشرب گهوة واني ضليت اكل على كيف

احس محرجة بوجودة هواية

كمل وگام غسل وگال اني طالع لتفتحين الباب

لأي احد ولا تطلعين

جوان : وكليتي شلون

بهاء : اني اخذلچ اجازة هلفترة

جوان : ماشي تمشى يطلع بعدين وگف ورجع

وگف گدامي مدلي ايديه واني لزمتهن وگمت

خلاهن على چتفة وخلى ايديه على خصري

واني تبهذلت مشاعري من ريحة عطرة والطريقة

اليباوع بيهة علية كأنوا ديشبع شوف مني

بهاء : اشقعدة تسوين بدنيتي ول گمغيتي

جوان : نعم مفتهمت شگلت

بهاء : احسن لتفتهمين

جوان : باسني بهدوء بشفتي وابتعد عني وهو مثل

الواحد الماخذ جرعة مال مخدرات عبك انتشى

رفع شعرة بأيدة وعافني وطلع واني كملت ريوگي

وغسلت المواعين ونظفت الشقة وراهة ضليت

گاعدة واتصفن تذكرت اهلي وركضت علغرفة

طلعت التلفون واني مترددة اخابر بس

لازم اطمنهم علية هسة اكيد بابا بالة مشغول

نهاد : شبيك انتَ مو گلك تزوجهة شتريد بعد

طه : ولچ انتِ شلون ام وهذا البرود العندچ شنو

بس فهميني بنتي هسة وية رجال غريب واني

مربط مااگدر اسوي شي ولا اتقارش وياه

اريد بس شي يطمني عنهة اذا طلع ممتزوجهة

شنسوي بهاي الحالة بنتچ راح تنفضح وتفضحنة

نهاد : يمعود ليش يچذب عليك قابل هو مجرم

هو ضابط والة مركزة ممعقولة يسوي شي

غلط وياهة بس انت دوم تفاول بالشر
هو گلك تضل ابيتي وية اهلي حدما نأمن علية
بعد ليش تفكر هواية

طه : توني درد عليهة وخابرت جوان واني بساع

فتحت خط وهي صارت تحچي بصوت يرجف

جوان : ببببابا شلونك

١٣___١٤



#الحلقة ١٣

~•~•~•~•~•~•~•~•~•~•~•~•~•~•~•~•~•~•~

جوان : انفاسي تعالت وگلبي دگاتة زادت توتر

وتعب يصيبني بقربة مااعرف ليش تصير عندي

هاي الحالة كل ميتقربلي لو شگد ماادعي القوة

يضل بداخلي خوف چبير منة ومن الطريقة الي

يتعامل بيهة وياية

بهاء : گمغيتي مجاي اشبع منچ والله

جوان : جوان اسمي جوان گلتهة وصوتي يرجف

بهاء : لا انتِ گمغيتي بدر ومنور دنيتي

جوان : شسويت بية

بهاء : سويت الي كل رجال يسويه هو ومرتة

جوان : انتَ عقلك ليش وصخ مقصدت على هذا

الموضوع ابد

بهاء : انا عقلي وصخ يولو والله اطرچ نصين

جوان : گالهة وهو مشدد قبضتة على خصري

ويشم برگبتي ايدة صارت تتجرأ على جسمي

واني انتفضت وخفت من قربة حاولت اتملص

منة بس هو اقوى مني بهواية واضخم

مگدرت اتملص منة دارني عليه وصار يبوس

بية بس بطريقة عنيفة اذاني حيل واني صرت

اصرخ وهو ينهش برگبتي عبك شخص محروم

واول مرة يتقرب لمرية

بهاء : يولي شسويتي بية انتِ تخبلت من وراچ

جوان : عفية كافي عاد جاي توجعني

بهاء : هو الحب يعذب گمريتي تحملي

جوان : يعني انتَ تحبني گلتهة وهو مثل الي

چان يحچي بلا وعي وصحى

بهاء : لا مااحبچ طبعاً انتِ لعبتي هسة يمتى

ماامل منچ اعوفچ

جوان : دموعي نزلت مسحتهن وصديت عنة

وگلبي وجعني بشكل مو طبيعي معقولة يارب

صرت تسلية بحياتة وراح يعوفني بس يمل

بهاء : گمغيتي لتبچين مااتحملهن هلدموع

جوان : باوعتلة بتحدي وگلتلة يعني متتحمل

ابچي وتنسى نفسك وياية بس بنفس الوكت

متحبني متشوف نفسك متناقض

بهاء : والله تعرفين تلاسنين شنو رأيچ اگصو

بلكت تسكتين وتبطلين ملاسن

جوان : اني حچيت الحقيقة وهسة انام لو تريد

شي مني انصدم من جرأتي باوعلي وهو رافع

تك حاجب وعلامات الاستغراب احتلت وجهة

بهاء : لا لتنامين اريدچ

جوان : تقرب مني بس هلمرة تجاوبت وياه

وحاولت ائثر بي لأن مهما يكون كرهي الة لازم

اكسبة مااريد ارجع لامي مطلگة وترجع تعيد

مأساتهة وياية وانوب هلمرة مطلگة غير تطيح

حظي هو حس بتغير تصرفاتي وكلساع يرفع

راسة ويباوعلي بتعجب بس اني انزل راسي

علاساس مستحية منة يمكن شخص من يسمع

يعتبرني ماعندي كرامة او غبية او اي شي بس

اني مااگدر ارجع لاهلي مطلگة بلاخص بعد كم

يوم اكيد امي مترحمني وراح تدمرني

بهاء : شجاي تسوين گمغية موتيني بحركاتچ

جوان : انت رجلي هسة والك كل حق بية ولازم

اسعدك بلفراش والة تلعني الملائكة

بهاء : خايف منچ يولي

جوان : ضحكت بدلع وگلتلة ليش هيچ اني اخوف

وماادري بروحي

بهاء : اخاف لا گلبي يحبچ ساعتهة راح تتمنين

لو ممگربة صوبي ولا مشعلة هلنار بينة

جوان : ترى ممسوية شي كلتهة بفهاوة وتصنع

وهو لزم شعري حيل وضغط عليه حسيتة راح

يتگطع رفع راسي وجهي صار بوجهة

انفاسة البيهة ريحة جگاير تضرب بوجهي

تلمس شفتي وگال گدهة انتِ ولچ

جوان : گد شنو عوفني الله عليك

بهاء : گد حبي گمغيتي

جوان : اني مااريد حبك واصلاً لحد الان مااعرف

اسمك ولا اعرفك منو انتَ مو تريدني جم وكت

خلاص اخذ الي تريدة وعوفني ليش جاي تعنفني

بهاء : صعبة تنعافين انتِ غيرهن كلهن

جوان : سوي التريدة بس عوف شعري

حسيتة رخى ايدة على شعري بعدهة حضني

لصدرة قوي واخذ باكيتة وطلع جگارة وصار ياخذ

نفس ويباوعلي وبعيونة حچي هواية مضموم

بس ماادري ليش حبيت هاي الحالة الي بينة

هو بكل جرئتة واني بكل برائتي وعدم خبرتي

امتلكني وخلاني اسيرة لهاي الحالة رجولتة

متنوصف رغم كلشي سواه وياية بس شايل

هيبة وشخصية نستني الاول والتالي ضليت

بس صافنة عليه شلون يدخن شواربة وحواجبة

وبشرتة الحنطية اخذ گلبي بملامحة وهدوئة

خلاني مااريد غيرة ومااريدة يعوفني يمكن

اني لأن معشت تجارب حب ولا دخلت علاقات

تأثرت بي وصرت اميل الة ومااريدة يعوفني

سموه غباء ذكاء كل واحد راح يشوف تصرفي

شكل بس اني بلحضتهة انأسرت بي بلاخص اني

احب الرجال الشرس والقوي مو المايع وهو كلشي

عندة بعنف وبقوة متت على شخصيتة ومن لحضتهة

قررت اخلي يحبني وميعوفني ابد

سمر : شجاي تسوي بحالي

قاسم : حبيبي مو بيدي والة انتِ تعرفين شكد

احبچ ومااريد اعوفچ ولا ابتعد عنچ

سمر : شنو سبب سفرك

قاسم : شغل

سمر : انت شتشتغل قاسم

قاسم : موظف بالدولة

سمر : موظف شنو

قاسم : حبيبي مو اسئلتچ كثرت

سمر : غير اعرف

قاسم : راح اتصل مشتاگ لصوتچ

سمر : اي حبيبي اتصل گلت هيچ وهو فوراً

دگ جاوبتة واني دموعي تنزل وية كل كلمة

قاسم : ها دنفوشتي شلونچ

سمر : مضل دنفوش ضعف بغيابك

قاسم : لا على بختچ اقتلچ اذا ضعفتي

سمر : ادب سز متصيرلك چارة