وقت الخناق والمشاكل ، وفي عز إنكم زعلانين من بعض

اعملي لجوزك اكل وشرب زي ما انت متعودة.
أستأذنيه قبل ما تروحي أي مشوار .
لو مريض ، راعيه وراعي طلباته اللي تخص مرضه.
لو جالكم ضيوف استقبليهم وضايفيهم وخليكي طبيعية قدامهم .
لما يتصل بيكي في التليفون ردي عليه وبلاش موضوع انه يفضل يتصل بيكي وماترديش .

أوعى تمشي و تسيب مراتك لوحدها في الشارع
أوعى تخليها تروح مشوار لوحدها في منطقة فيها شوية قلق .
لو مريضة وتعبانة راعيها ووديها للدكتور وهات لها الدوا .
بلاش تختفي فجأة وتقفل تليفونك وهي بقى تفضل محتاسة لوحدها في المشاكل ومسئولية الولاد

وقت الخناق والمشاكل
أوعى تعمل شرخ في مشاعر الأمان عند زوجتك .
واوعي تزعزي شعور الاحترام والرعاية عند زوجك.

الحفاظ على الحد الأدنى من نبل الأخلاق وقت المشاكل بيسهل علينا الصلح وبيخلينا نقدر نتجاوز الخلاق

اما التصرفات اللي بتضرب الشعور بالأمان والاحترام وحسن الرعاية بتكبر المشكلة ، وكمان بتبقى جزء من المشكلة بعد كده

#دفا_البيوت
#محمد_فتحي

#همسات_زوجيه