قصيدة أربعين مولاتي زينب صلوات الله وسلامه عليها


شباقي بزينب   _   اليسئل يتعب
طف  وسبي  وغريبة
عيشتهه بس مصيبة   _   شباقي بزينب


_

زينب عالم مصايب
شافتهه وهظمتهه _ وسط الخيمة وسمعت صايح
كالت   هذا  حسيني
ابلا ناصر والحافر _ فوك   ضلوعة   جاي   ورايح
هدو جيش اعله حرمة
عرضولي ونضرولي  _ اركض  المن  والكل  طايح

شبعت قهر  _  بعد الكمر  _ تنادي

الخمية  نار  _  الهمية  نار  _  السوط  نار
بمتني اشاكف عن بناتي
اخواني موتة  _ اولادة موتة  _  اطفالي موتة
الباقي عندي بس عباتي

سترتني هواي   _   من طاح لواي
كلشي  صبح   نهيبة
عيشتهه بس مصيبة   _   شباقي بزينب

___


زينب  لوحة  حزينة
بالعاشر _ رسموهه _ وكل الشمات بطف شافتهه
احتركت خيمة عليهه
واحتارت _ من تطلع _ للتل  تركض  لو  لخوتهه
للتل  ركضت  بألمهه
وزلمتها  _  ضل يزحف  _  اشرتله  هنا بعبايتهه

تالي هلي _ الحكلي علي _ تنادي

الطف  نهبنة  _  كل  زلمنة  _  ومالحكنة
انشوفة عباس جايب الماي
حسين طحنو  _  بكلشي داسو  _  وراسة شالو
وعاري  نايم  ما لكة  فياي

باكه السلاب  _  خنصر وثياب
طلعلي  شيبة  شيبة
عيشتهه بس مصيبة   _   شباقي بزينب


___


جبيرة على ممشة زينب
متعوبة . من العاشر . تدري المتعوب يشكي بطبعة
الماتو  منهه  عشيرة
تشكي المن . والوادم . حجايتهم نارة بوجه الشمعة
وليد حسين الهضمني
مئذينة . متعبينة . ايطيح  من النوك  ويطك ضلعة

بشام العصر _ ام الخدر _ تنادي

هواي العيون  _  الشافت ام عون  _  بس يضحكون
وين جنة اوين صرنة
بماي حار   _   وبعصي نار   _  ورمي بحجار 
وماكو واحد يفزع النه

ردنة العباس   _   يرد هاي الناس
منين  الكمر  اجيبة
عيشتها بس مصيية   _   شباقي بزينب

_____


البت سادة مهيوبة
بخوتهه  وديرتهه  _  مو تركب  نوك وتفر بلدان
طبت  شام   الرزية
تلكوهه  بالفرحة  جن عدهم عيد سبي النسوان
صارت مرة وجبيرة
مو عادة البت سادة _ مشوها بسوك وطر ديوان

تحشم بقت _  يهل البخت  _   وتنادي

النوك تعبت . اطفالي تعبت . روحي تعبت
وعازة الخوان عازة
عمري خمسين . وبالدواوين . وضيم الحسين
خله زينب جن جنازة

طحنة من النوك   _   كدام السوك
نار    الكلب   لهيبة
عيشتهه بس غريبة   _   شباقي بزينب

__


اخر لحضة بحياتي
اتنطر . واتفكر . بلكي  ايسر  طيف  اخواني
طبع  الخير  يوافي
التعبتلة . ولولتلة . ويغفة ويكعد بين احضاني
روحي اتاني بنعشهه
تشيلوهه . تفرحوهه . اليهظم كلبي ضل امتاني

محد حضر  _  عشر وشهر  _  تنادي

بحرب اركض _ بنوك اركض _ بنعشي اركض
وبربعيني ماكو زاير
الاسمة  خادم  _  بالمأتم  _  يبقة  دايم
ينعي ضيمي اعله المنابر

كل يوم مصاب   _   واكف عالباب
كلمن  اخذ   نصيبة
عيشتهه بس غريبة   _   شباقي بزينب


خادم خدام زينب صلوات الله وسلامه عليها
والخادم حميد كاظم الشمري