الناشر مصطفى المياحي

إذا يبجـــــن يضربونج
امسحي دمعت عيونج

اعــــرف توجع الفرگة
وديج من الضرب زرگة
::::::::::::::::

من ماأشبگج بلدرب عذريني لن ماأگدر
وأصعب عليه من الذبح رگّضتج ويه الخدر
وبگلبي يلجم ياجرح من وحده بيجن تنجر
ياحيرة طولج بلسبي وعندي أعز من الأكبر

ويزينب راسي وجروحي
يونن والبــــجي بروحي

مــثل الخيمة محترگة
وديج من الضرب زرگة
::::::::::::::::

من كافل عيونج مشه وگطعوا إدي بلحومة
ومتغيرة من سوط الشمر يابت علي ومهمومة
الجانت تعيش مدلله ليش صبحت مهظومة
يل جنج امي فاطمة من الراحة شو محرومة

وراسي من يضربونج
يطــح بدمعة عيونج

وگلبــــج تآكل الحرگة
وديج من الضرب زرگة
::::::::::::::::

باجـر عزيزات العـرش وي زلم لو مشوجن
وكلما يسبـــجن بلدرب أنهظم الو سبوجن
وطلعن بحر الشمس وعلى الهزل ودوجن
وبحبل واحـــد للأسف باجـر تره يشدوجن

بيــجن رادوا الذلة
أميرات بظهر هزلة

وراسـي ياهوه يشهگة
وديج من الضرب زرگة
::::::::::::::::

يامن عمت عيني گلت زينبنه شو تعبانه
مهظومة من سوط الشمر لو من ابن مرجانه
وحيرة اعله وجهج بت علي ومتغيرات ألوانه
وعطشانه مو للماي احس لا للگمر عطشانه

شلعوا عينه وزنوده
واخوج العود شيعوده

ويرد بلطاسة والدرگة
وديج من الضرب زرگة
::::::::::::::::

كل لحظه خويه انه انذبح من اسمج يلفضونه
يل عشتي ماشافج بشر بس الگمر وعيونه
وياخويه ابجي اعله الرمح من متنج يضربونه
بطولج اليمشي وي الزلم بيهه شكثر جرحونه

وراسي وياج يتمشه
وجفني ماطبگ رمشه

وگلبي يحن على الملگة
وديج من الضرب زرگة
::::::::::::::::

الشاعر محمد البنداوي

الــــــــماعدها ام لو صبح العيد
غير  الدمع بس تصــــــــفج اليد

الــــــــماعدها ام تكضيها بهموم
وكل لحــضه تمشي تشم الهدوم
وتكول حيــــــــــلي اليوم مهدوم

هل دنيه مــــــــــني وشنهو تريد

هل دنيــــــــــه خانتني بهل اليام
وي امي ماتت كل الحــــــــــلام
صــــــــار الفرح ليــــه من الوهام

ونار الگــــــلب كل لحضه وتزيد

نار الگــــــــــــــلب تجوي بحزنها
لو شــــــــــوف خالي البيت منها
حن الگــــــــــــلب المي وحظنها

ومن الونين شــــــــــــلون ويهيد

مرســــــــومه صورتها بهل عيون
انســــــــــاها ساعه شلون وتهون
الــــــــــشافوني اون وياي يبجون

وعنــــــــها الدرب يايوسفه وبعيد

بعيد الدرب عــــــني وصفه هواي
ام چلمه هلــــــــــــه ماهيه وياي
بلعيد حــــــــــگي يزود انه بجاي

غير الدمــــــــــــع لا كلشي ماريد

ابو سلام الجابري

بنات حسين

بنات حسين يم الخيمه طاحن
ركضن محد الكال استراحن
افا ونسوان هاشم هاجه بجول
واني من البجي عويناتي راحن

الم روحي لم بيجن الم بحسين المطشر
حرت والله شسوي اني بذيال العبايه اعثر
عجوز وشيباني التل وحك عباس ماكدر

اريدن حل ماندل
اروحن وين محتاره
اريدن حل كتلني التل
عن عباس وخباره
-----------
اجاجن ليل عمه وماكو خيمه
زغار ولاذن بحدري هضيمه
زغار وخايفات وجلجل اليل
مو نسون زلمه تخوف الهيمه

يخوفجن ضلام الطف الحكو زغاركم خافن
حكهن من يخافن حيل مذبوح الزلم شافن
بعباتي الايحتهه النار التمن كلهن ولا ذن

حرت بيهن وحامين
عن ذباح والدهن
حرت بيهن يبجيهن
ومايقبل يساعدهن
-----------
وين حسين باكوهه التراجي
ثوب رقيه ناكع بل بواجي
رقيه عليك تنشد كلش هواي
يعمه امشي لبوي حسين حاجي

ايسن مايرد حسين ابوجن سابح بدمه
ينشدني عليك هواي وكلهن مايرد عمه
كعد لارقيه تموت راح من البجي تعمه

ذباحك يهد بلسيف
وشايل صوط بجفوفه
ذباحك يهد ياحيف
وطفله بطفه مجتوفه
--------------
ضلمه وهيمه بل طف ركضوهن
اجه الذباح شايل راس ابوهن
شافن راس ابوهن يبجين عليه
ازغار بيا ذنب وليه ولوهن

لابوجن ولا عباس ولا لاكبر عدل يمجن
وايام الادلال تروح وبعد محد يدللجن
وحده بوحده مشدوده ركضن محد يلمجن

والتوكع تره تنداس
خيل هواي بل عاشر
والتوكع تره ياناس
تصبح حصت الحافر
---------------
بنات الساده يبجن والبجي هواي
العطش بين عليهن رادن الماي
الاعمجن يرد لا جود عباس
يم الكافل امشن كومن وياي

كومن يابنات حسين يم عباس خل نمشي
جا بلكت يفز عباس بكلت يوعهه من نحجي
بعيده المشرعه عليجن يبجن واني كمت ابجي

مناشغ صار مايسمع
تكسر خاطر اطفالك
مناشغ صار مايرجع
يهد كل ساع جتالك

صباح جهاد

الابوذيه:
سكينه تگول عمي مالگه النه
ماي وساگي عگبه مالگ الـنه
سألنه حـسين عَنَّه مال گلنه
وطاح ورايـتـه ابـكتره رمـيـه
~


راح الچنت احشمه وانتچي اعليه
ويروحـي لا تگطعي ونـتـچ اعليه
ومـــن ونّة النـاگــة ونـتـچ اعــلـه
ريت اعله المشو واگطعو بيه
~


العلل طابت ومــــاطابت عللنه
وهِمنه وصوت المراكض عللنه
بالطف صحنه مــا تلحگ علي النه
تخلّص عيلتك من آل اميه

حيدر بشار الدراجي

گرب فجر المصيبه ودمعت العين
أتحضر يـا گـلـب زيـنـب للـونـيـن
مـو هين عليها أفراگ أبـو حسين
وراح تـزيــــــد غـربـتـها الغريبه

ويلاه يحيدر ويلاه... ويلاه يحيدر ويلاه

يافجر الجرح والــ آه والـــنـوح
هالمره الجرح مو مثل الجروح
راح أيرد علي والراس مفتحوح
الله يـــاعـظـم هــــــاي المصيبه

ويلاه يحيدر ويلاه... ويلاه يحيدر ويلاه


راح أيــرد علي للـدار مــــلچوم
يرد مهظوم يتچه أعله مهظوم
بالسيف أنطبر والسيف مسموم
الحسن ينحب ومـابطل نحيبه

ويلاه يحيدر ويلاه... ويلاه يحيدر ويلاه


كلفه طبرته وصـوابه مـيـهون
حاد السيف واصل بين العيون
من شافه طبيبه شاحب اللون
انهظم من عاين الجرحه طبيبه

ويلاه يحيدر ويلاه... ويلاه يحيدر ويلاه


أتحضرو يا ولــد حـيـدر للوداع
من حضنه وحنانه أتزودو أبساع
أركــان الهدايا أتطيح عـالـگـاع
كـلفه مـوتـتـه وهظمه ونهيبه

ويلاه يحيدر ويلاه... ويلاه يحيدر ويلاه

✍🏻حسين حمدان الدلفي

بويه يحيدر بويه
،،،،،،،،،،،،،،،،،،،،،،،،،
فراگ ماعايـــــز دليلي وفرگتــــــــك كلش ثگيله
حاسبين حساب كلشي وموتـــــــــك ولاحاسبيله
اخ ياليلة وداعـــــك رمشــــــه صارت موش ليله
فارگتنه وماكـو واحــــــــــــد بينه ماهديت حيله
،،
وين رايــــــح عنه وين
ماكو حـل يابو الحسين
لـــــــو تموتنــــــه وراك
لو نصبـــــــــــح تايهين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يلتوصيني اعله روحي رحـــــت وفراگك كسرها
روحتك مــــــو هينه عدي زغيره وعليه شكبرها
يابعد گلبي وعيوني لابعـــــــــــد روحي وعمرها
لالطـــــــم زينـــب يرجعك لابواچــــيها وسهرها
،،
ذاب بويـــه الگلب ذاب
ومن وراك الراس شاب
ياعلي الزهره عليـــــك
فكني مــن هذا العذاب
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بعد گعده وياك ماكـــــــو هيـــــه هاي الماتريح
وماتهدينـــه البواچــي شمانسوي شمانصيــــح
تفرفح المذبـوح گلبي اليله مــــن فرگاك فرفح
موش ماي عليـك عيني اليله دم اعليك تنضح
،،
طاح مــــــن گاولي طاح
صحت بس ماكو اصياح
مثــــــــــل اليذبحون بي
علي صوتـي اعليـك راح
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يالچنت ليليه يمي وماافز اله اعله صوتـــــك
اليله من دون اليالي فززوني بخبر موتـــــــك
اليله الثغيب التثغبه ياعلي بنيتـــــــك يفوتك
مانگلك بعـــــــد اگعد ياعلي انتـــــه ومروتك
،،
حيل ماضــل عدنه حيل
ولادمــــع عدنـه اليسيل
بكثــــر مانبچي عليــــك
رادت الوادم تشيـــــــــل
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي
شهادة امير المؤمنين،،،

((شهرين المحرم))


شما يخلص ونيني
انـــتي تــــحزميني .. شهرين المحرم
غيـــر انتي الـوفيه
أم الـــغـــاضـــــريه .. شهرين المحرم

دخلت أعليچ مـن بيبان الاحبال
يطباع البــدو المــــاردو دخـــيل
عثره بعـــثره عمري والزمن يـال
أسندي أمتوني من اطيح وتّميل

چَـــويني بمــخيم
ودلالـي الــمتـــيم
هب عـطره محرم .. ذيچ السهام

مولاتي آنــه بيدچ
وخادم من عبيدچ
متضيعيني أريدچ .. بروح الخيام

ام البنين ... ام البنين


"""""""""""""""""""""""""""''''''''''''"""""

رآيد كـــون أوآسي
وألطم فـوگ راسي .. المولاتي العقيله
گلبي كون اجــرحه
وبحــــزني اذبــحه .. المولاتي العقيله

سود اثياب عمري وحزني ملموس
علـــى حسين البقه عالغبره عريان
عريـــــان وحوافـــر ويلي وأدوس
ويابس حتى دمعه هـواي عطشان

وگلبي تسري ناره
والغاره أعله غاره
وعيــاله حيــــاره .. تگوم وأطيح

أحسب ليــله ليله
محرم ويلي ويله
يـــــاضيم العقيله .. خويه وتصيح

ام البنين ... ام البنين

"""""""""""""""""""""""""""''''''''''''"""""

كل همي البواچي
وجروح التــراچي .. واويلاه رقيه
ارسمها بحســرتي
واجــريها دمـعتي .. واويلاه رقيه

واويــــلاه رقيه احچــــــيها بدموع
وأطش حزني ودمعتي تصيح وياي
يــابويه تصــــيح وتبـــچي وتلـــوع
زغيره أيــــامها بس فــــــگدك هواي

مــــاتــرهم خرابه
ويلي اعله الترابه
وتـــنادي يــــ بابا .. بويه يحسين

وزغيره وغــريبه
مضروبه الحبيبه
والــــدمعه لهيبه .. وجمره بالعين

ام البنين ... ام البنين

"""""""""""""""""""""""""""''''''''''''"""""

ياگلبي انته وينك
لا يـــبـــرد ونـينك .. گدام الزجيه
فض عالناس عبره
وكون تصير جمره .. گدام الزجيه

احــــــرگني يگلبي واركض بليــل
وطر هيمةّ ذنــوبك وانته محروگـ
وگلي شلون هَدَتّ عــالحــرم خيل
اليركض ينسحگـ والطاح مسحوگـ

الحافر يسحـگ ازغار
منـــــه تمــوت الكـبار
وتمطر نــــــار وحجار .. عالسبيات

يگلبي وألطم الراس
خـــيـمةّ الله تنداس
ومامـوجود عبـــاس .. والحرامات

ام البنين ... ام البنين


عبد زينب
محمد الابراهيمي

العيد يهل العيد هل جاي
بس انه همي اليمرد جلاي
مظيعه العزيز وفارغ البيت
للهم بعد شخصه انه ظليت
*+-*++++++
مضيعه العزيز وگلبي مكسور
والعيد اخلصه بنص الگبور
مجبور گلبي ينوح مجبور
الفاكد عزيز شلون معذور

ماينعذر لو ما يون حيل
ويذكر عزيزه بوحشه اليل
وبلون يخلص ليله بهداي
*&&*&&&&***
العيد الهل العيد خلي
لا مايمرني ولا امر بي
بثوب الحزن هيج انه الاكي
وذكر عزيزي ونوح اسوي

بمصباحه لجمات الگلب نار
ودموع عيني تسولف الصار
خلاف المشو هل فاكده الراي
****&&*&&&&&*
العام هوه منور البيت
بس لسنه بيا حال ظليت
نوح وبواجي وهسه حنيت
من كون ميته وياه وياريت

من كون ميته وياه سويه
ولاعيد بعده يمر عليه
وشلون يخلص عمري وبهاي
&*&&*%&&*
بصوره اباوع وفرك اليد
والروح حنت يمه وتريد
يهد گلبي شلون ويهيد
راح وسكن بلمگبره بعيد

بنص المگابر حدر التراب
نام بگبر مابي اثر باب
و شكد صعب يادنيه بلواي
&&*&*&&&&&&***
بهدومه اشمن وكت الغروب
ويذوب گلبي بحزنه ويذوب
ويعيش بعد عيونه متعوب
هذا العلي يادنيه مكتوب

مكتوب الي النوح وعذابي
وعظم مصاب اصبح مصابي
اشكي وبعد المن يشكواي


ابو سلام الجابري

عيد الله هل مجبل علينه
يمه الگبر خرب حچينه
يا يمه بس ردي الهلچ
يمه المگابر موش الچ

-------------------------------------

جينه اعله گبرچ ما تگعدين
سلم دمعنه وما تسلمين
عيد المبارك يمه جيناچ
شنهي السنه هم ما تعيدين ؟

حاچينه يم طول الحلو مدفونه بتراب
خطار گومي استقبلي الما عدهم احباب

سلمنه لتردين ادينه
يمه الگبر خرب حچينه
يا يمه بس ردي الهلچ
يمه المگابر موش الچ

------------------------------------

مو كافي نوم حبيبه كافي
حاچينه يلوجهچ عوافي
تعبنه موتچ صرنه شياب
كلش بردنه ام حظن دافي

ردي اعله بيتج عافيه وخلينه نرتاح
خل ننجمع ضحكه وهلا مو دمعه وصياح

ياهو اليحس بالصار بينه
يمه الگبر خرب حچينه
يا يمه بس ردي الهلچ
يمه المگابر موش الچ


---------------------------------

عيد وبدونج ما نريده
چا غير مدفونه وبعيده
الما عند أم خل ينسى الافراح
خلي النبض يترك وريده


مصباحنه بلا ضحكتچ چن وحشة غروب
نشتاگ والله لشوفتچ والصبر چندوب ؟

حتى الحلم لا ما يجينه
يمه الگبر خرب حچينه
يا يمه بس ردي الهلچ
يمه المگابر موش الچ



---------------------------------


خليتي وادم بس الارسوم
ملچوم ويواسيله ملچوم
بس النفس لا روح لا حيل
حال الگصب سترتنه الهدوم


يدفعنه لو مر الهوى چن ريشه بالريح
خاوين ما نحمل بعد بس نوگف انطيح

من شلتي يا يمه انتهينه
يمه الگبر خرب حچينه
يا يمه بس ردي الهلچ
يمه المگابر موش الچ

------------------------------------

ها يم وجه ينگط محنه
بعدچ تغير لون اهلنه
فارگنه وجهچ لكن شصار
چم يوم شيبنه وكبرنه

ما ننسى يم طبع الحلو ما ننسى للموت
منا لحد ما ننجمع ويزتنه تابوت


يلتم شملنه وي الحنينه
يمه الگبر خرب حچينه
يا يمه بس ردي الهلچ
يمه المگابر موش الچ


كلمات الخادم / رعد الفريجي
شهر رمضان - 1446
الى روح والدتي رحمها الله الفاتحة

بعيد الله اجيتك گوم اليه
شوف اليتم بين عليه


-----------------------------------

چا هيچ تالي يصير الوداع
ها يلحنين تروح شبساع
اخذيني انه شبيچ يا گاع
ما ريد اعيش بلا حنانك


ثاري المشى يكتل مماته
ضيم وتعب خلص حياته
كاسر گلب ولده وبناته
خلصت بعد فارغ مكانك


ما ظن بعد نلتم سويه
شوف اليتم بين عليه

-------------------------


يلكبرتني وحيل داريت
حگي اعله طولك لو تبديت
المن يظل خل يوگع البيت
من شال راعي البيت منه


مو چني زلمه وحگي انه بهاي
مثل اليتيم و محد وياي
راح البخت والشور والراي
دفنوهه وياه المحنه

مديت الك دمعي واديه
شوف اليتم بين عليه



-------------------------

يا شيخ يمعدل يعنوان
يا دله ترهم دون فنجان
صاير غطاك شلون تربان
شنهي الگبر خرب حچينه


يا دنيا يا أم الخساره
خليتي دمعاتي اتجاره
بنص الگلب مشتعله ناره
بس الدمع تارس ادينه

وين الهلا يهل الحميه
شوف اليتم بين عليه


--------------------------------------


هذا اليخلص العتبه بهداي
هذا اليسير خير وفياي
هذا الحنين اليشبه الماي
راح وترك ونه وبواچي


كون العمه بعيوني ذني
لا ضحك بعده وبان سني
يا دنيا اخذتي عيوني مني
خربت بعد كل المحاچي

سموني من بعدك خطيه
شوف اليتم بين عليه


------------------------------------


ظهرك حنيته وعدلت ناس
بجدمك يبو الطيبات تنباس
يحضرك علي ووليده عباس
وحسين يمك وانته خادم

حتى النفس ما بيه حيله
جوه التراب الاشتكيله
يا روحي مكسوره وعليله
ميت واصيحن بويه سالم

بكل وكت مو كل مغربيه
شوف اليتم بين عليه


-----------------------------------

كلمات / رعد الفريجي

وي كل نبي  ..  يضهر علي  .. بس بخفاء العنوان 
حيدر يقوم بدوره
وشاء  العلي  .. يضهر علي  .. وي الرسول المختار
ويبرزه صوت وصورة


**


شاء الإله ابحكمته  و تقديره
الخَلق ديره وعلي سيد الديره
الله المدبر  بس علي تدبيره 



الحاكم علي  .. وبيده الحكم  .. ويحكهم الانس وجان
وحبل النفاق يكطعه

وبعصمته   .. وبحكمته  .. يحكمهن اتراب وماي
ونؤمن ابهاي الرجعه


*

بليله إسراء المصطفى الما تُنكر
من قاب قوسيناً وصل   او أكثر
يسمع الباري يكلمه بحس حيدر



يارب علي  .. ويانه علي ؟ .. انه اسمع لحيدر صوت
ياربي من ناجيتك
ورد الخبر  ..  ماكو علي  .. انه اعرف تحب يا صوت

وبصوته هالحاجيتك

***

نادي عليا مضهر المعاجز
نادي عليا فارسُ الهزائز 
نادي علي وبفطرت العجائز


شما تنضنك  .. تلكَي علي  .. هوه اليحل المعكَود
ومن تخبط ايصفيها
وكت السلم  .. وكت الحرب  .. بس حيدر استنجد بي
حيدر علي راعيها

*****

بالحوت وبجوفه لبث  وهالحاله
يونس دعا رب السمه وناجاله
والله استجاب وحيدره وداله 


بقاع  البحر  .. حوت انوجد  .. وبطنه يونس ناجاه
يارب رحمتك بيه

دعوه اصعدت  .. لرحمه انزلت  .. ولن حيدر ليونس صاح
فل تطمئن مكَضيه

***

قبل الخليقه والخلق والتكوين
موجود  نورك بالعرش يابو حسين
منك شكو خير انوجد بالدارين


قبل القبل    .. تسبح  جنت   ..  معلم الملائك تسبيح
من خالقك قدسيتك
ثمنميت الف  .. عام  المضن  .. الا الخلق بعدك صار
سر اول  وتاليتك 






المصادر

في مايخص المقطع الثاني

كتاب / تفسير الصراط المستقيم/  المجلد الخامس صفحة ١٦٦



في مايخص المقطع الخامس


ورد عمهم خلقنا وخلق من نورنا الملائكة فسبحنا فسبحت الملائكة
فهللنا وهللت الملائكة وقدسنا فقدست الملائكة

فمنا اخذت الملائكة

تسبيحها وتهليلها وتقديسها

خالد عبد الساده البديري

اجانه العيد بس شلون اجانه
وجبير البيت ماهوه بجانه

اجانه العيد ونباوع علئ الباب
ونذكر كعدتته مابين الحباب
خلافه اليوم مو حتئ الكلب ذاب

ويادمع الحزن بعده الولانه

چان العام يتلكه اليعيدون
بس اليوم حدر الكاع مدفون
اجت خوانه يمي هنا يفكدون

وكالو راح شمعتنه وظوانه

كالو ليش مظلم مجدر البيت
وحس سهام صابني وتعنيت
اكصد للكبر بس وحدي رديت

وظل هناك وفراكه الجوانه

هذ الصار بينه وهذا ليصير
بيوم العيد ونصد للتصاوير
نصفك بس بدينه خلافه ونحير

ودولاب الدهر هل دولابانه

بيوم العيد ونصبح بلگبور
وياكسر الگلب لخلافه مكسورد
ظمه تراب ماحاجنه معذور

ويتراب الگبر نار وجوانه


ابو سلام الجابري



@HxzEU1

#قناه_نشر_القصائد_المنبريه

زينب ياحزن گدها
شالو نعشه والدها
غير الدمعه ماعدها
زينب ..... زينب

ــــــــــــــــــــــــــــــــ

شهر رمضان أجه بأحزان محن علعتره بي تنصب
وَلِيُ الله وداع وياه علي اتنظره ابنعش زينب

يالوعتها امن تشاهد داحي البيبان
متمدد وايلفونه ابين الاكفان
شالو نعشه ابليل اظلم هذا اصعب چان

زينب تكسر الخاطر
نعش الوالد اتناظر
وتودعه ابدمع ماطر
زينب ..... زينب

ــــــــــــــــــــــــــــــــ

اجاها العيد وابوها ابعيد علي ابگاع النجف شايل
تجر حسرات لبوها المات تون حرگه ابدمع سايل

يلچمها العيد اشما مر وايدگ الباب
ياعيد ابجيتك تلچم جرح الما طاب
زينب كل عيد تجدد حزن الغـيَّــاب

عيد ابلا علي شلونه
عيد اسود يسمونه
هلالچ غمضت اعيونه
زينب ..... زينب

ــــــــــــــــــــــــــــــــ

تگضّي الليل ألم وعويل نحيب لمطلع الفجري
على المنصاب وسط محراب وتخضب ليلة القدري

چانت من تسمع صوته ابآذانه اتذوب
علي تكبيرت اذآنه نبضات اگلوب
ياوسفه الغالي وصوته اصبح محجوب

چان ابعطفه غامرها
هسه افراگه كاسرها
وينك ياعلي احضرها
زينب ..... زينب

ــــــــــــــــــــــــــــــــ

علي المجروح گبل ميروح يوصي الكافل اوصيه
يراعي لواي اخيتك هاي أمانه ابرگبتك هيه

زينب ياراعي الغيره اغلى امن الروح
ما ريدن لوعه اتمرها ماريد اتنوح
خيال الها اتشوفه الوادم لا ما مسموح

گله ابشر يواليها
والله بروحي لفديها
بين اجفوني اخليها
زينب ..... زينب

ــــــــــــــــــــــــــــــــ

زمن غدار يطلبك ثار على اولادك علن طفه
على ابنك حيل تدوس الخيل وابو الغيره انگطع چفه

والاصعب ذيچ المحد شافلها اخيال
تطلع مسبيه وچفها مشدود احبال
وذباح اخوتها الحادي موش الكفال

علـهزَّل يرچبوها
يا حيدر يشتموها
للظالم يودوها
زينب ..... زينب

ــــــــــــــــــــــــــــــــ
سيد علي عبدالزهره الناجي

گعديه لأمير المؤمنين عليه السلام




وَيّاك يا حيدر يضل ثابت عهدنا
من الذر عشگناك ... دنيا وآخره وياك
يا حيدر يضل ثابت عهدنا




ياعلي عنك شسولف وانت فضلك جاوز الحد
شحچي وانته الما يعرفك غير بارينه ومحمد
ربنه جاعلّك مناقب امن النجوم اهوايه ازيد
شانك مثل نار ابعلم
ما ساجد ابيوم لصنم
يلــ نشّفت ريج القلم لو كرامات الك عدد

لولاك چا لاتِ وهُبَل نعبِد بَعدنه
بيك اتّمَّم الدين ... يا خبز المساكين
يا حيدر يضل ثابت عهدنا






للــقُدُس مريم تعنّت يـــا علي حين الولاده
والملائك نادت الها : هلـــمحل بس للعباده
يا علي وبس انته ربك مولدك بالـكعبه راده
ربّك ، جَنين استقبلك
وشگ لُـمَّك الحايط والك
علكعبه قطعاً فضلك وبيك غمرتها السعاده

واهناك مهدك كل سنه ايجدد وعدنه
بالحج سبعة ادوار ... نهتفلك يَــــــــــكرار
يا حيدر يضل ثابت عهدنا






ياعلي وبالـــدّنيا كلها اعترف قط مـاكو مثلك
زهدك اعجــــــاز وجهادك ، حاكم وحيرنه عدلك
تنطي للسائل كرامه ، وحاجته ابلا ما يسئلك
صايتك من رگّــعتها
يعني هلدنيا اتركتها
انته مو بس طلگتها ما قستها ابشسع نعلك

حياك ربك من صرت زاهد شهدنه
زاهد خبزك شعير ... واحنه بدربك انسير
يا حيدر يضل ثابت عهدنا





يا علي القرآن عنّك ناطق ولا مو روايه
ابسورة المائده ، الراكع ، انت مقصود الولايه
امن الرجس طاهر مُطهّر الك بالأحزاب آيه
وبـ ﴿ عَمَّ ﴾ انته و ﴿ هل اته ﴾
و ﴿ من يشري نفسه ﴾ انت الفته
وانت الصراط البي مته ما مشينا النه هدايه

ذكراك يا حيدر شهادتنا اعله ودنه
يلـــ ذكرك للجروح ... بلسم ينعش الروح
يا حيدر يضل ثابت عهدنا





يا علي حبك رضعته بـ اول ايـــــــامي وشهوري
وبالمهد اسمك يـــحيدر من يمر أعلن ســروري
وكبرت وُويايه يكبر حبك ابگلبي وشعوري
حُبك يحمّاي الحمه
يجري اويه كل گطرة دمه
حد ما كبر گد السمه وحصني چان وچان سوري

شفناك من اتمُر شِدَد عون وسندنا
مُظهر للـــــعجايب .... وبــــــــكل النوايب
يا حيدر يضل ثابت عهدنا





يا علي واعظم مصيبه المُحب لو مثلك يــوادع
ابيا ﮔـلـُــب نعشك يصدله بــاﭼـر ابيا حـاله طالـع
باﭼـر آذانــك يـَـــحيدر ما يمُر بين الــمَســـامـع

يا بويه زينب نادتك
گلبي انطبر وي هامتك
ما تطفه للطف جمرتك وراح اعاشرها المدامع
ــــــــــــــــ
سيد علي عبدالزهره الناجي

((البيت اذا))


البيت اذا يفگــــدله والد
يمشي فكرك وانته گاعد
رغم مـــا بالبيت هوسه
وحشه والضلمه تدوسه .. البيت اذا

""""""""""""""""""""""""""""""""""""""""""""""""'''""""

اذا تفـگد عمـــد بيتك بجروحه السگف طايح
تتلفت مثــــل روحـــك وتسـمع بالگلب صايح
يقل بيك الهوى وتشهگ ومضمون الهوى رايح

تنضر لمچـانه
وتگول أهنانه
خالي مچانك يابو الملگه چا رايح وين
وبدموعه حسين
وزينب عايفها ابلا زينب مـثلك ومنين
وتهـــــــل العــين

انته ظــل واحنه نمشي
انته كلشـي وراح كلشي
فراشك انشمه ونبـوسه
وحشه والضلمه تدوسه .. البيت اذا

""""""""""""""""""""""""""""""""""""""""""""""""'''""""

اذا تلتم اهـــــل بيتك تبـــدي الذكرى بسانك
تبدي اتســـولف وتبچي بدمعك ينگع اردانك
ابوي ومحله هل الچلمه يتيم يصير عنوانك

تذكر چلماته
وليله وآهاته
مــــن يوزع بس متلثم يفتر عالناس
وبعطره احساس
واليطلب من عنده أميه ينطي عباس
حيدر لاباس

هوه راح واهـــــله راحت
روحه ترفه بسرعه ماتت
خله وكتي بريجي موسه
وحشه والضلمه تـــدوسه .. البيت اذا

""""""""""""""""""""""""""""""""""""""""""""""""'''""""

بهجير الحب اذا تدخل تنسه بجرحك شسوه
مـــــــن تنضر خليه الدار وابوك امفرهد بگوه
تشد رمش برمش عينك بس دمعك يهل گوه

وتعصر بچـفوفك
وتحاچي طيوفك
يــــــــــاطيف بدربك وديني الحيدر وياك
وخليني اهناك
وخليني احضن حيل الوالد ياطيف ارجاك
وديني ويــــاك

هوه روحي وهوه بيتي
هوه ديني وهوه صيتي
ابيتي يامحله جـــلوسه
وحشه والضلمه تدوسه .. البيت اذا

""""""""""""""""""""""""""""""""""""""""""""""""'''""""

ماتتهنه يوم العـــيد وانتــــه بداخلك نارك
عيد ابلا أبوّ عيديش موش ابجيته امبارك
تتلثم صباح العــــيد وبس يبچون خطارك

شايل صيواني
راح الـــــرباني
ياعيد ارجــــــوك وعگبنه ولتـــدگ الباب
بالبيت امصاب
ضلمه وحيدر نور الديره بس حيدر غاب
متوسد اتـراب

خـــده عفتــه بالـــترايب
واحنه صرنه بيا مصايب
غابت انواره وشمـــوسه
وحشه والضلمه تـدوسه .. البيت اذا

عبد زينب
محمد الابراهيمي

لسان حال ام البنين عليها السلام

دارت وجهه وهلت العين
العباس صدت مره لحسين

يمه علي خلوني اودعه
وخلوني انزل اعليه دمعه
دارت وجهه درات وجهه
//////////////////
گضت يحسين يبني وفلت العشره
وعلي ناوي السفر وكليبي شيصبره
گضينه ايام حلوه وبيهن المره
لچن مامر عليه اليشبه الطبره
يحسين طرت گلبي نصين
دارت وجهه وهلت العين ابموتت علي گلبي شيقنعه
وخلوني انزل اعليه دمعه
دارت وجهه درات وجهه
//////////////////
يبني النايبات ابگلبي ويجولن
امن اشوفنه احسن كلهن يهونن
الليالي ابلا وعد من رادن ايخونن
ركبن خيل حزني وگامن ايصولن
وضيعنه يحسين العناوين
دارت وجهه وهلت العين
راح الي ماموجود طبعه
وخلوني انزل اعليه دمعه
دارت وجهه درات وجهه
//////////////////
اليمين اعله الگلب واليمنه بيساره
وخلونه الذمم يايمه نتباره
اذا غمض علي ما ادري ياچاره
الگضيت اسنين عمري ابهيبة اكتاره
ابطيبه ومحنه عشنه الاسنين
دارت وجهه وهلت العين
مر الافراگ وما اجرعه
وخلوني انزل اعليه دمعه
دارت وجهه درات وجه
//////////////////
انطفت شمس المحنه وايست منه
المثل روحي بعد ماظنه اشوفنه
اريد اوياه اسولف بلكي اسمعنه
واگله اعذرنه حيدر خاف قصرنه
المثلك علي ماينوجد وين
دارت وجهه وهلت العين
اي والرفع بالسته سبعه
دارت وجهه درات وجهه
//////////////////
ريضولي النعش بس لاتشيلونه
هلبت من اسولف يفتح اعيونه
مشت روحي علي وياك مرهونه
آنه ام البنين البنين البيك مصيونه
بس فرگانه ياعلي البين
دارت وجهه وهلت العين
بالدار صوتك ما اسمعه
دارت وجهه  دارت وجهه

خادم اهل البيت علي الزرگاني

(نعي)

مولاتي زينب
تخاطب أمير المؤمنين



يـاهـو ألـيـه بـويـه لـو عـيـنـك تـنـام
يـاهـو ألـيـه يـاعــلـي الـدنـيـا ظـلام

يـاهـو ألـيـه اقــره بـعـيـونــك وداع
يـاهـو ألـيـه والعـمـر حسيـتـه ضـاع

يـاهـو ألـيـه چـنـك مـسـافـر بـعـيـد
يـاهـو ألـيـه كـلـمـتـك اسـمـع اريــد

يـاهـو ألـيـه اعـرف افراگك يـطـول
يـاهـو اليـه إحچي يافحل الفحـول

يـاهـو ألـيـه حالـي شيصير بچفـاك
يـاهـو ألـيـه يالـعــفـت زيـنــب وراك

يـاهـو ألـيـه اشـعـر ابـضـلـه الأمـان
يـاهـو ألـيـه بويـه يجرحني الزمان

يـاهـو ألـيـه واني بعيوني الدمـوع
ياهـو ألـيـه اتجدد امصاب الضلوع

يـاهـو ألـيـه ابـتـده ويـاي الـعـذاب
يـاهـو الـيـه كلبي ما يحمل مصاب


*--------------------------*-----------------------*

خادم أمير المؤمنين (ع)
✍الشاعر رعد الجريخي