إستشارة طبية

_مامااااا 😭😭😭

_ها بنتي شبيج

_ماما صديقتي بالمدرسه كفشتني من شعري وكالت لي شعرج محلوو وكل البنات ضحكوا عليه 😭😭😭

_تعاي تغذي ماما وهسه تنسين

_مااا ماريد غده 😭😭

_تعاي هاج نستله

🙁🙁 ا

وتكعد تاكل نستلة وتهز برجلها ومبرطمه..

شنو الاكل العاطفي؟🤔

هو اللجوء إلى الاكل لإسكات حاجات غير الجوع.

يعني ضايج ⁦☹️⁩وياكل حته تروح الضوجه

متعصب 😤وياكل حته يفرغ عصبيته

حزين😢 وياكل حته يشعر بالسعادة

وغيرها من المشاعر والإحاسيس الي مالها صله مباشره بالجوع الحقيقي

هالحاله طبعا موجودة وبكثره بالمجتمع..

و جذور هذه العادة الخطره هي في سنوات الطفوله...

رسالة للاب 👨 والام👩 والجدة🧓 :

الطفل من يجي مقهور وزعلان ⁦☹️⁩ خلي يعبر عن حزنه وحاوره وكله شنو الي زعلك.. وشسوالك فلان.. وانت من وراه ضجت .. وابقى كلمه بالموضوع خلي يعبر عن مشاعره السلبيه ويفرغها ... ثم حاول أن تخفف عنه بالاحضان أو بالكلمات المشجعه أو بالتفكير بحل المشكله أو الإتجاه الروحاني بالدعاء وطلب المساعدة من الخالق سبحانه ..

اما سيناريو من يجي الطفل مقهور وتعال هاك اكل نستله 🍫

اكل جبس🍟

هاك علج

تريد بعد ببسي؟؟

هاي عادة دنزرعها بالطفل بان يفرغ مشاعره بالطعام.. وطبعا غالبا طعام غير صحي

المثال الي مفروض يصير :

_ماما صديقتي كفشتني ووو

_منو هاي صديقتج؟ شسمها؟؟ 🤔

_نور

_شلون كشفتك وليش؟؟

_تقلد على شعري وتكول عليه اندومي وجرته...

_هذا التصرف اسمه التنمر... ومو بس نور اكو هواي مثلها ...

المتنمر يحس ان هو اقل من الناس او الناس احسن منه او يريد يرز نفسه ويسوي لروحة قيمه وهو ماواثق من نفسه ...

وتحضن الطفله وتكلها التقليد على الاشياء الي الله خلقها تصرف غير مؤدب وغير لائق والي يسوي شخص سئ الى ان يتوقف عن هذا الفعل ويستسمح الناس الي اذاهم بكلامة

_بس ماما اني شعري محلو كله مكعكل😭

_ومنو كلج بس الشعر الشرح حلو؟ رب العالمين خلقتنا كل واحد اله جماله .. الابيض حلو⁦🧕🏻⁩ والاسمر حلو⁦🧔🏾⁩ والاسود حلو ⁦🤵🏿⁩.. السرح حلو والكيرلي حلو والماعدها شعر هم تبقى حلوة..

بس الاهم من هذا كله هو الاخلاق.. اذا واحد حلو وأخلاقه محلوه الناس حتكوم تشوفه بأخلاقه وشوي شوي يصير بشع بعيونهم

وانتي حلوه وتخبلين وشعرج هم يخبل .. مره ثانيه اذا ضوجتج رزليها ولاتنطيها مجال .. ولزمي ايدها قوي لاتخليها توصل لشعرك ... وكولي لها بصوت قوي ما اسمحلك وباوعي بعيونها مو تخجلين وتخافين

يلا خلي نتدرب... هسه اني صرت نور وحسوي نفس الي سوته

وتبدي الام تساعد بنتها تتدرب حتى تتقن السيطره على مشاعرها وتتقوى ويصير الموضوع سهل عليها من تطبقه مع نور...

وراها من تهدا وكلشي ينحل

يلا ينفتح موضوع الاكل والغدة

وطبعا وراها نحاول نفتح الموضوع بطريقه غير مباشره من باب زيادة الثقه بالنفس عن طريق مدح الطفله ومدح شكلها وعرض صور لنساء يعتبرهن المجتمع جميلات ويحملن بعض صفاتها..

طبعا هذا ع سبيل المثل وليس الحصر.. المهم خلي يعبر عن مشاعره ولاتكبتها بالاكل

وهذا الشي حتى قبل أن يبدي يتحاور الطفل يعني من عمر مبكر كلما يجيك زعلان لاتسد حلكه بالاكل 👍 ... حاول تخلي يعبر عن مشكلته وراها وجهه للاكل...

مع الملاحظ مرات الطفل بعمر 2-4 سنوات يكون جوعان ومايعرف يعبر ان هو جوعان فتصير عنده نوبات غضب هنا الام تكون ذكية وتحاول تفرق بين الغضب والعصبيه بسبب الجوع لو اكو شي فعلت حقيقي مضايق الطفل.. ممكن تقدم له سناك بسيط وبعدها تحجي وياه اذا شافته رجع طبيعي يعني مجرد جان جوعان واذا لا بعده متعصب ومتوتر لاتبقى بس توكله وانما تحاول تحجي عنه مشاعره الى ان يستقر 🌼

مودتي 🌹

د.اسماء

أنا مهندسة وقد تم تعييني في مكان مرموق

تقدم للزواج مني زميل من زملائي.اسمه يوسف.

أنا شخصية عقلانية .. ولست عاطفية

بحثت مع أمي ظروفه

ميسور الحال .. والداه محترمان.

تم الزواج .

أغرقني بمشاعره .. التي لم أعرف كيف أستقبلها

أنا شخصيه عقلانيه .. ومنهجيه .. أما هو فشخص عاطفي جدا" لدرجة البكاء أحيانا".

أنجبت رقية .

هي ووالدها .. يحبان الأحضان .. والحركة .. ومتكلمان .. ويتحركان دوما. وليسا عقلانيين .!

وكنت أكره ذلك.

ثم أنجبت ريهام .

مثلي تماما عقلانية تتحدث بحساب .. أشعر معها بالارتياح. بصراحة أعترف أني كرهت من داخلي شخصية رقية .. لكن .. كان عندي أمل تتغير .. لكثرة الانتقاد وتتحول لشخص هادئ.! لكن ما حدث هو أنها بقيت حركية....لم نتفق على شئ. كنت اكره ذلك!

كنت دوماً أقارن بين ريهام العاقلة وبين عشوائية الأخرى .. أو بالأحرى .. بين رزانة ريهام وتهور رقية

زوجي كان أميل لرقية .. وكان يصفني بالجفاء العاطفي.

كنت أرتقي في عملي. سعيدة.

لكني للاحظت مع تقدم البنات بالسن ميل رقية إلى أبيها وحضنه وتباعدها عني وكرهها لانتقاداتي

أما ريهام فهي مريحة وعاقلة.

- لكن فجأة ! مات زوجي في حادث مروري ..

وكانت رقية بالإعدادية .. وريهام سادس ابتدائي

شعرت أن سهماً اخترقني

رحيل الزوج بالفعل عصيب تذكرت جفائي معه ..

وشعرت بحرقة قلب .. لكن ....رقية منهارة تماما " وبعد الانهيار مندفعة ومتهورة وتشعر أنها بلا ضابط ولا رابط. وريهام حزينة.

فوجئت ان رقية .. دوما في انعزال ..وتتباعد عني وعن أختها. أصرخ في وجهها .. تصرخ في وجهي!!!!

ثم مرة هددتني أن تترك البيت .. واتهمتني بعدم حبي لها. و بالفعل ..... تركت البيت...!

كنت كالمجنونة .. أبحث عنها .. إلى أن كلمني والد صديقتها وأخبرني بوجودها مع ابنته وزوجته.

بكيت بحرقة .. ربما أكثر من يوم وفاة زوجي !

ما الذي ينفر هذه البنت مني؟ ؟ ؟

أنا محددة حازمة صارمة لكن لست طويلة اللسان ولا أضربها .. إلا نادرا"......!!

مثلها مثل أبيها نفس العاطفة المفرطة التي لا أحبها

طلب والد صديقتها أن يراني ويتحدث معي. هو طبيب نفسي قال لي أن رقية محبة أحضان

وأنها تفتقدني وتشعر بكراهيتي لها وتفضيلي لريهام عليها. قلت له طبيعي لأن ريهام أعقل

قال لي جملة عجيبة (رقية مختلفة عنك .. أحبي اختلافها) أولادنا ليس من الضروري أن يشبهوننا....!

الحياة تحتاج الجميع

(رقية مشوهة النظرة لنفسها وتقول أنك لا تحبينها)

شعرت بالضيق الشديد

قلت للطبيب (أحبها والله لكن ...) قاطعني (ابنتك مختلفة الطباع عنك هذا ليس سوءاً فيها )..

لم اقتنع ! وعادت فأعطيتها محاضرة طويلة في الأدب .. وبكت كثيرا"

لاحظت بعدها انها أصبحت أكثر انعزالية .. ساكتة دوما" تحتضن ذكريات أبيها

ريهام مريحة وتفهمني

وأفكر دائماً؛؛؛؛؛؛

ما فائدة هؤلاء العاطفيين أنهم عبء على العقلانيين

هي وأبوها الله يرحمه شخصيات مريعه.!!

مضت حياتنا في صراع.

تزوجت رقية من شخص عاطفي مثلها دوما" يقول لي يا ماما وانت مثل أمي. المهم أنها ذهبت من البيت

ريهام حبيبتي تزوجت من دكتور بالجامعة. ..

أصبحت وحدي.

بعد فترة .. فاجأني السرطان.

ردود ريهام العقلانية اهدأي تجلدي.

رقية تبكي من أجلي. و تدعو الله لي كثيرا.

عندي موعد الطبيب.

رقية تحمل ابنها الرضيع وتكون عندي بسيارة زوجها قبل الموعد. أما ريهام فتعتذر لأنها لديها تعب الحمل وأيضا" لا تستطيع ترك ابنها وحده!

أول مرة بحياتي

وانا مريضة بالسرطان .. أعرف أن العواطف لها قيمة

حضن رقية يهون عليّ آلامي. رغم أني لم أحبه.....أبدا"

أشعر أني وأنا في الخمسين .. طفلة..............

زوج رقية يقول لي من قلبه سلامتك يا ماما.

كيف كرهت العواطف والعاطفية؟ ؟؟ ؟.

ريهام حزينة .. لكن دعمها بحساب ..تماما" مثل شخصيتها

أما رقية وزوجها دعمها وعطفهما بلا حساب ... !

- بكيت من قلبي وتذكرت سابق حياتي ........احتضنت رقية ...كم هو جميل حضنها...... بكت وبكيت....

هل في العمر متسع لأستمتع بما لم أفهمه؟ ؟ ؟

أم أن الأجل قد دنا.. ؟

دعوت الله من قلبي يارب اشفني وامنحني العمر كي أسعد بابنتي المختلفة عني. ..

وبالفعل تم شفائي والحمد لله رب العالمين. ..

أنا ورقية لا نفترق.......أشعر اني اكتشفت كنزا"..!!!

كلامها يؤنسني وحضنها يهدئني.

لا تكرهوا اختلاف أولادكم .. بل أحبوا اختلافهم.... وتقربوا منهم

لا تشوهوا نظرتهم لأنفسهم بسبب أنهم لا يشبهونكم

أنا ورقية نحيا أسعد أيامنا.

-لكاتب لا نعرف اسمه.

تعديل.. النص لـ د. إيناس فوزي.

لكن ينصح البدأ قبل عمر سنتين ونصف لان الدماغ يكون باعلى مستويات المرونة حتى يكدر يميز كميات بشكل لحضي

وإني كشخص بالغ تمنيت لو متعلمها.. يعني كمثال شخصي اني بالمدرسه متفوقه جدا بالرياضيات🧮 وحل المسائل وغيرها .. لكن مافد يوم كان عندي تصور حقيقي عن الارقام ب"كميتها" مثل ماهو معلم الطفل.. 👶

احنا تلعمنا الرمز .. وهملنا كميته الحقيقه..

"نتطرق بالبوستات القادمه عن الحساب الكمي بشكل تفصيلي اكثر أن شاء الله"

🤔زين هل الدين الاسلامي يعارض هذا المنهج ؟ مثل ما قريت بعض الاراء؟

💡حسب علمي البسيط لا اتوقع ذلك ..والدلين يحث على طلب العلم بكل زمان ومكان .... 'اطلب العلم من المهد الى اللحد" ولم اجد نص يدل على كراهيه تعليم الاطفال مبكرا.

🤔زين مو الطفل صغير شي اكيد حينسى كلشي !

الهدف الرئيسي من منهج جلين دومان مو أنه يتعلم أو لا

مو أنه يتذكر أو لا

مو أنه تتفاخر بي يعرف كذا وكذا

الهدف الرئيسي هو تمرين دماغ الطفل في الفتره الذهبيه (من عمر سنه الى ٣ سنوات)

هذا العمر اذا الدماغ ماتدرب الكثير من الوصلات عصبيه ستختفي من غير رجعه .. يعني فعليا تمرين الدماغ يخلي يصير اذكى بكثير من كل النواحي.. سريع البديهة.. سريع الفهم سريع الحفظ سريع التعلم وغيرها من معالم الذكاء

🤔زين يعني هسه لازم نسوي لاطفالنا؟⁦⁉️⁩

ماكو شي اسمه لازم .. اكو شي اسمه رغبه ..

اذا هيج شي يسلط ضغط على الام او الأهل ويخليها متوتره طبعا لتسوي وماله داعي ..

الاساس هو الحفاظ على العلاقه الجميله بين الاهل والطفل.

اني شخصيا بديت أقره واطبق قريبا من باب اللعب فقط.. يعني اعاملها معامله باقي الالعاب الي يلعبها.. مرح وحب وتسليه وليس كما يتصور البعض جلسه تعليم على رحله وصبوره وعوده 😆

🤔زين طريقه تعليم القراءه فاشله لان تخلي يحفظ شكل الكلمه وليس الحروف؟⁦⁉️⁩

غير صحيح .. تعليم القراءه الها اكثر من طريقه منها طريقه الكلمات ومنها طريقه الحروف..

اتذكر حتى بالمدرسه جانت اكو قراءه نوع حروف وقراءه نوع كلمات..

الطريقتين صحيحه. . لان تعليم الكلمات حتخلي يستوعب اكو مقاطع تتشارك .. وبالتالي يبدي يستوعب اكو حروف ومن ثم يفكك الحروف ويتعرف عليها حرف حرف.. الطريقه الثانيه بالعكس .. النتيجه الطريقتين صح

🤔زين انتي جربتي ؟

نعم جربته اول مرة على ابني الاكبر بعمر سنتين واخته بعمر 7 شهور واخته الاخيرة من الولادة والنتائج ما شاء الله مبهره حرفيا والحمد لله والصغيرة طبعا الي بديت من الولادة اذكاهم كلهم رغم بعدها 3 سنوات لكن عقلها يوزن بلد هههههه

وكلما اتماهل بي واشوف نتائج يوميه جديدة على ابني الكبير ارجع اتشجع واكمل مع الصغيره.. وهاي من مزاياه انه من تقدمي وتخلصين يبقى تاثيره مستمر وسنه وره سنة يبين على الطفل اشياء تعلمها وهو صغير ويضيف علها خبرات ومعلومات اخرى يعني ابد ابد مايضيع الجهد الي تسوي ...مصيره يبين ولو بعد حين

ملاحظة : التعليم بشكله التقليدي (مدرسه ورحلات وحاجزين الطفل وامتحانات واحفظ وعيد ويلا ) هاي الي تسبب ضغط وهي اصلا تسبب أن ينخفض عدد الوصلات العصبيه لان تحصر طريقه التفكير ..

أما التعليم بطريقه مرحه دون تلك الضوابط يختلف تماما ولايسلط الضغط على عقل الطفل ولايحصره.. ولا اقصد فقط منهج دومان وانما اي طريقه اخرى مرحه ⁦♥️⁩

وهسه بكروبات الامهات حرفيا حرفيا بدون مبالغة (الامهات تلطم) علمود امتحان صف اول ابتدائي!!!!!

وهذا شي مو منطقي ولا عقلاني نهائيا

وللتوضيح ابني صار صف ثاني ولا فد يوم كعدنا نقره علمود (امتحان) يقرا ويتعلم يوميا وبشكل طبيعي بدون اي اهتمام ب(الامتحان) لان المهم يتعلم مو مهم يدرس للامتحان فقط 😊والحمد لله مستواه فوق الممتاز وهذا من فضل رب العالمين والجهد الي بذلناه اله من جان صغير

وحاليا ماعندي معركة الواجبات ولا الامتحانات لان واثقه من فهمه واستيعابه وما احتاج اي اثبات ثاني 🙏🏻

🤔شنو رئيكم لحد الان بالمقدمه؟ عدكم اسئله ؟ خلوها بالتعليقات ونجاوب عنها قريبا ان شاء الله

وانتي تحبين التعليم الحر لو المنهجي؟

مودتي 🌷

د.اسماء

بناءا على خبرته وملاحظته انه الطفل الي عنده خلل بعقله وره فترة من التدريب والتحفيز يصير طبيعي او قريب جدا من الطبيعي وفي حالات اخرى يتفوق على الطبيعي

هاي الملاحظة خلته ينصدم ويكول هو بي مشكلة وهيج صار لعد شبي الطفل الطبيعي ليش مايصير خارق؟؟ 🤔🤔

♥️نحجي اليوم عن العالم جلين دومان♥️

وعدتكم نحجي عنه بالمنشورات السابقة واليوم صار عندي مجال ارتب لكم هذا المنشور وكل فترة نشرح شي بسيط ان شاء الله

من هو جيلين دومان؟؟؟؟ 🤔

💡جلين دومان هو معالج فيزيائي ورائد في مجال نمو دماغ الطفل. في عام 1955 أسس معهد تحقيق القدرات البشرية (IAHP) ، وهي منظمة غير ربحية تقدم برامج تعليمية وكتب مصممة لتحسين وتسريع النمو العقلي والبدني للأطفال العاديين فضلا عن الأطفال المصابين بأضرار في الدماغ.

📌هواي عبالهم منهجه يخص فقط الاطفال ذو الاحتياجات الخاصة أو المعاقين ذهنيا.. لكن في الحقيقة هو بدأ العمل على ادمغة الاطفال المصابين ومن خلال دراسته وعمله المكثف كدر يطلع بخطة تشمل كل الاطفال، سواء سليم او مصاب

🤔شنو الي سواه بخصوص الاطفال المعاقين أو ذوي الاحتياجات الخاصة؟

من خلال معهده وبناءا على خبرته كدر يعالج الكثر من الأطفال بوقت قياسي في حين كان علاجهم شبه مستحيل.. هسه تكولون شلون؟🧐

💡الاطفال الي عدهم خلل في الدماغ 🧠يعني عدد الوصلات العصبيه غير مكتملة ومن خلال التدريب المتواصل على حسب منهج خاص كدر الدماغ يبني وصلات عصبيه جديده 🆕 وساعد نفسه في أن يكون أقرب إلى دماغ الطفل الطبيعي في زمن قياسي جدا ..👍 حتى هناك أطفال لديهم إعاقات جسديه كدروا يتغلبون عليها ..

وهذا بحد ذاته يعتبر فخر وانجاز لهذا العالم..

وتكدرون تشوفون فديوات اله على اليوتيوب كيف اطفال عدهم مشاكل جسديه أو عقليه وكيف تغلبوا عليها بوقت قياسي ..👍

نرجع لموضوعنا ..

🤔بخصوص الاطفال العاديين.. شنو منهجه؟

منهجه بناءا على خبرته وملاحظته انه الطفل الي عنده خلل بعقلة وره فترة من التدريب يصير طبيعي او قريب جدا من الطبيعي وفي حالات اخرى يتفوق على الطبيعي

هاي الملاحظة خلته ينصدم ويكول هو بي مشكلة وهيج صار لعد ليش الطفل الطبيعي مايصير خارق؟؟

هذا الاستفهام خلاه يرجع يدرس عقل الأطفال من جديد بس هالمرة الاطفال الطبيعين وجمع بيانات ضخمة وكدر يسوي مخطط يوضح المستويات الي يمر بيها الدماغ من الولادة

وتوصل الى: الاطفال يسرع نموهم العقلي ، ويبطأ

تبعا للمحفزات والمحيط الي يعيشون بي

وعليه سوه برنامج يتضمن تدريب وتحفيز للاطفال من الولادة وحسب المستويات العقلية الي يمرون بيها حتى يحصلون افضل نمو للدماغ وعليه الطفل حرفيا يصير (خارق) ويختلف بشكل ملحوظ جدا عن اقرانه الي مايحصلون على اي تدريب او تحفيز

🤔زين شنو فرقه عن منهج منتسوري؟

منهج منتسوري مصمم من قبل الدكتورة ماريا مونتسوري ، هدفه للحصول على طفل مميز ومستقل ويتعلم من اللعب لكن من خلال مؤسسة كاملة مثل الروضه وبيها اركان وموظفين يقدمون هاي الاركان

هواي اسمعهم يكولون مونتسوري اسهل وابسط ومن اسئلهم يا ركن قدمتي او يافترة عمرية مشيتي بيها؟ يكون الجواب مثلا نقره قصص او نلعب العاب ذكاء ... وللتوضيح العاب الذكاء المشهورة مالها اي علاقه بمنهج مونتسوري ويخلون اسم منتسوري عليها بس من جانب تسويقي ... اما المنهج الاصلي ف بي ادوات هواي كلش ومتسلسل ومنتظم

ف طريقة التعليم الحر باستخدام القصص والعاب الذكاء لاتسمى منهجية منتسوري وانما تسمى تعليم حر

📌اما منهج دومان فهدفة تطوير الدماغ نفسه وتغيير الهيكيلة العصبية وموجهه للامهات حتى تطبقة بالبيوت على الرغم من وجود مؤسسة جلين دومان الي ينطي تدريب وتعليم وخطه ويخلي الاهل يكملون التدريب والتحفيز

🤔هل يستحق التجربه؟ ⁉️

💡فعليا نعم يستحق لكن هناك كثير من المعوقات

1️⃣اولها: يحتاج وقت ⏱️كثير للإعداد والتحضير والتدريب .. لكن اذا تكدر الام تحصله جاهز وتطبق مباشر كلش كلش يفرق عليها

2️⃣ثانيا: هواي متصورين أنه هو يضغط على الطفل أو يتعبه أو فد شي ضد الفطره.. لكن هو في الحقيقه العكس تماما..

هو مع الفطره بشكل مبالغ به ..

هو بحث عن الفتره العمريه الي يصير بيها تطور معين في دماغ الطفل واستغله حتى ينشط الدماغ اكثر واكثر ويخلي يبني وصلات عصبيه اكثر واكثر وبالتالي يتطور بشكل مذهل .. وبالتالي هو يحصر النشاطات بفئات عمريه وليس بشكل مفتوح.. وهذا ايضا يعتبر عائق .

3️⃣ثالثا: هو كل منهجه فكرته الرئيسه النشاطات والمرح لكن بمنهاج معين وليس عشوائي .. وبالتالي يحتاج نوع من الالتزام والتسلسل ⛓️ للحصول على نتائج الي وعد بيها..

🤔زين رئيي الخاص بي؟⁦⁉️⁩

اني شخصيا احترمته جدا من قريت اغلب كتبه.. لكن من ناحيه تطبيقيه حلو اذا كدروا الأهل يطبقون جزء منها مو شرط كلها ..

واذا جانت عدهم امكانية وطبقوه كله ف بالعافية عليهم 😍

واول ماقريت قريت منهج الحساب الكمي فد شي جدا راقي ..

30 نصيحه لأول 30 يوم بعد الولاده
1. اول يوم نامي هوايه
لا تعتمدين ابدا اذا نام طفلك بأول يوم و تفرحين و تكولين ابني ينام هوايه فبعدك ما شايفه وره الاربعين
ليش شكو وره الاربعين؟
قمه المغص
و هنا اطلب من كل اللي يكولون نطهره وره الاربعين
انه افضل وقت للطهور هو من عمر يوم إلى ٤٠ مو بعد الاربعين
المهم نامي هوايه بأول يوم
2. رضعي طفلك حسب حاجته من اول يوم و اعرفي شون حاجته
مالك علاقه بالجدول و انه لازم كل ساعتين يرضع الطفل
ابدا
الرضاعه عند الحاجه
3. تعلمي من طفلك
فمو كل البكاء هو جوعان
تعلمي كيف تفرقين بكاء الطفل بسبب الجوع عن الأشياء الاخرى
4. حضري قطرات الغازات
ما تدرين شوكت تحتاجيها
و افضلها الكوليف و قطرات السيمثكون
و تعلمي شون تنطين الكوليف و شون تنطين قطرات السيمثكون و الجرع مالتها
5. حاولي تتجنبين الحليب و مشتقاته اذا كنت ترضعين طبيعي علمود تقل الغازات عند طفلك
6. الاوفرات كلها خل تكون سهله الفتح
ما عندك وقت للازرار
اشتري الاوفرات اللي بيها سحابات و طباكات
7. قسمي الشغل بينك و بين زوجك
و اطلبي اي معونه
فإذا انت ترضعين طبيعي خل تبديل الحفاظات عليه
8. اشتري ضوء خافت بلون اصفر بنهايه الغرفه ضروري
و بالعراق اشتريه لايت قابل للشحن
9. لا تنسين التربيت على الظهر بعد كل رضعه و دائما سويها
10. لا تبادلين الحفاظ راسا بعد الرضعه انتظري شويه
11. اي طفح حفاظات بأول يوم بدلي ماركه الحفاظه
12. مو تنسين تشترين مرهم مع كل تغيير حفاظ أساسه الزنك و هن هوايه
13. علمي طفلك على ضوء النهار و ظلام الليل مبكرا
14. اختاري البلوزات و التيشرتات اللي بيهن طباكات على الاكتاف لان راس طفلك كبير ما يكفي هذه البلوزات و لا يعبر منها
15. اشتري حماله طفل امينه
مهمه و مهمه جدا
و تسوى كل دينار بيها
16. اشتري الكماط السهل الجاهز
و عوفي كماط اهلنا
17. استخدمي الضوضاء البيضاء مثل صوت المروحه او المكنسه الكهربائيه او السشوار
18. انسي واجبات المنزل الاخرى
ما راح تلحكين
19. لا تهملين الملهيه
الملهيه اني و انت ما نحبها
بس فوائدها بأول ٣ أشهر تخلينا و تجبرنا نحبها
لذلك لا تكولين لا قطعيه الها
بس اذا رضاعه طبيعيه اجليها بعد الشهر
20. كثري صور بالأخص اول ايام من بعد الولاده
21. اطلعي اذا تكدرين خارج المنزل
فكابه بعد الحمل خانقه
22. دائما حضري ملابس اضافيه بالجنطه الك و لطفلك لان ما تدرين الحوادث شون تصير
23. استخدمي ملطف الجو ال humidifier
مفيد جدا اذا الطفل عنده خنفره ( انسداد الأنف )
24. من تفشلين باي شي و ما تدبر راجعي الطبيب
طبيب الاطفال
يراجعني اني مثلا طبيبات بمختلف الاختصاصات لان الطفل لا يعرف له أحد بقدر طبيب الاطفال بالأخص اذا كان طبيب الاطفال اب او ام
25. جربي الرضاعه الطبيعيه مع غطوه الرضاعه الطبيعيه حتى و انت بالبيت حتى تعرفين كيف تستخدميها و انت خارج المنزل
26. استخدمي الزيوت الامينه بعد كل حمام للترطيب بس اختاري الأمين مثلا زيت اللوز الحلو
27. تأكدي من حجم الحفاظ
لان اكثر الحفاظات ضيقه على الاطفال
خليه للطفل مرتاح
و اختاريها نوعيه زينه
28. تعلمي كيف تقصين اظافر طفلك بصوره امينه
29. ابدي بروبايوتك من اول يوم للحماية من الأمراض و استمري عليها اول ١٠٠٠ يوم من حياه طفلك لتعزيز المناعه او ببساطه رضعي طبيعي
30. سوي الصفحه شاهد اولا
د. سيف سمير البياتي اخصائي طب الاطفال

📣 قواعد حديثي الولادة - 40 قاعدة مهمه جدا

١- رضعي طبيعي

٢- بلا ثوم على أساس ينزل ابو صفار

٣- كثري شرب الماء

٤- بلا مي و شكر

٥- ڤيتامين "د" من أول يوم ٤٠٠ وحده يوميا اذا رضعتي طبيعي

٦- اللقاح بأول يوم و بأول ساعه و اذا تأخرت لا تتجاوزين عمر الاسبوع

٧- اتركي السره مكشفه

٨- ممنوع الحفاظة تغطي السره.

٩- تأكدي انه طفلك اخذ فيتامين K بأول ساعه بعد الولاده

١٠- رضعي طبيعي .. بس.

١١- بلا شكوى و تململ انه الطفل يبجي لان ما يعرف غير شي يسوي

١٢- تحليل الغربله ضروري ضروري ضروري .

١٣- حديث الولادة إنسان و بيحتاج النظافة ..و يغسل عادي بس لا تنسين اهم شي ما يطخ المي السره

١٤- ممنوع بوس الطفل من الفم.

١٥- الختان بأول شهر احسن شي و كلما أصغر احسن.

١٦- تطعيم التدرن "لقاح الكتف" ..نفضل بأول اسبوع

١٧- زياره طبيب اطفال قريب ضروريه ضروريه ضروريه

١٨- تكحيل الطفل بكل عقلك يكبر العين ؟
هي خلقه رب العالمين مالها علاقه التكحيل

١٩- التهاب العين راجعي عليه خصوصا بأول اسبوع و اذا الإفرازات كثيفه

٢٠- تابعي هذه الصفحه يوميا و اقري البوستات القديمه

٢١- ركزي مع وزن طفلك ساعة الولادة ..احفظيه، و تأكدي منه لان راح يقيس مدى النمو بكل مرحله

٢٢_٦٠٪ من المواليد يصير وياهم ابو صفار و علاجه باغلب الحالات هو الرضاعه بس هذا ما يمنع مراقبته كل فتره

٢٣- ابو صفار يحتاج رضاعة و متابعة أو دخول مستشفى و علاج ضوئي لا يحتاج ثوم و لا بصل .

٢٤- المولود إنسان ..إحساسه بالجو مثلك..بلا المبالغه بالتغطيه و التدفئه و اللف الزايد

٢٥- الشهكه و انسداد الانف و الحازوقه ظواهر طبيعية شويه شويه تقل

٢٦- اشياء تقلقك : الطفل رافض الرضاعة أو ما كادر يرضع ، لونه ازرق بالأخص فمه، نفسه ثكيل و سريع و صعب أكثر من ٦٠ نفس بالدقيقه .

٢٧_اهتمي بنفسك و صحتك حتى تقدرين تهتمين بمولودك..اكلي أكل صحي و متوازن ، بلا أدوية من غير داعي، اشربي ماء هوايه و بلا كهوه و كثره منبهات طفلك ما يعرف يتعامل ويه الكهوه

٢٨- حديث الولادة بينام كتير بس متقطع..نومك راح يتغير هو هذا العادي

٢٩- حديث. الولادة يسمع من و هو جنين فاخر شهور الحمل فاقريله و غنيله قدر الامكان

٣٠- لازم طفلك يصير عنده خروج في أول ٢٤ ساعة ..لو ما صار استشيري الطبيب.

٣١- أنماط الخروج مختلفة عند حديثي الولادة..اكو طفل بعد كل رضعة يصير عنده خروج و اكو طفل يعمل مرة في اليوم. و اكو كل ٣ ايام مره و اللي على الرضاعه الطبيعيه ممكن يمر اسبوع يلا يصير عنده خروج

٣٢- النوم على البطن ممنوع ..إلا بعد الرضاعة للتجشؤ و انت كاعده و طفلك كاعد .

٣٣- غيري الحفاض من ٥ إلى ٦ مرات يوميا و جففي جيدا. و ادهني منطقه الحفاظه باي مرهم يحتوي على الزنك.. بهيجي طريقه راح تحميه من التسلخات.

٣٤- لو بنت اتأكدي من وجود فتحة المهبل..لو ولد اتاكدي من وجود الخصيتين و شوفي فتحة البول للذكر في مكانها و لا لأ..

٣٥- الأب: وينك يا معود ؟! ..مشتاقين و الله

٣٦- صحيح الرضاعه الطبيعيه مانع حمل بس تأكدي من منع الحمل الا اذا كنت راغبه بطفل آخر
خلي فاصل بين طفل و آخر و تأكدي من منع الحمل بعد ولادتك للطفل

٣٧- طفلك يبجي هوايه ..عليك تخمنين شنو السبب و مع الوقت راح تفهميه.
جوعان _رضعيه ،، شبعان و منفوخ _حركي رجله بايسكل و طبطبيه،، عنده مغص دلكيه ،، يريد احد يشيله شيليه ..ماكو شي اسمه عوفيه يبجي حتى يتعود على الشيل..هو إنسان و عايز اهتمام مو اكثر

٣٨- ارتفاع درجه الحراره و السعال في حديثي الولادة مو طبيعية و مو حميدة ..لازم دكتور و تحاليل.

٣٩- حبي طفلك ..ولد أو بنت..أسمر أو ابيض ..سليم أو مريض.

٤٠- مع نهاية الشهر الأول الطفل يبدأ يبتسم لو لاعبتيه ..لو يبجي و تكلمتي معه راح يهدأ ..
اتعاملي معاه على إنه إنسان محتاج غذاء و ماء و مشاعر
د. سيف سمير البياتي
اخصائي طب الأطفال
كم وحده من الأربعين سويتي؟

#جهاز_قياس_السكر_بدون_وخز..
دراسة بريطانية تؤكد أن أستخدام جهاز ( فري ستايل لبري) قد ساهم في تقليل نوبات هبوط السكر لمرضى السكري من النوع الأول بنسبة ٨٠ بالمئة..
جهاز فري ستايل عبارة عن جهاز إلكتروني ومعه شريحة لاصقة بالجلد.. ويتمكن الجهاز من قراءة مستوى السكر بالجسم بمجرد تمريره على الشريحة اللاصقة حتى لو كانت تحت الملابس ومن دون الحاجة الى وخز الجلد وبعدد لا محدود .. ويعطي معدل قراءات السكر خلال يوم او اسبوع او شهر او ثلاثة أشهر ويمكن ربطه على الحاسوب لمعاينة جداول قراءات السكر
يجب تبديل الشريحة اللاصقة كل أسبوعين..
ومن أشهر الأشخاص الذين يستعملون الجهاز رئيسة الوزراء البريطانية السابقة تيريزا ماي..
طبعاً الجهاز موجود في دول جوار العراق.. وموجود في بغداد بسعر أغلى قليلاً..
وقد تم أعتماده في دول الأتحاد الأوربي..
.. طريقة تركيبه موجودة في اليوتيوب..
وياريت اللي مستعمله يتكلم عن تجربته مع الجهاز..
الجهاز مصنوع منه ثلاث أجيال
الاول القديم للقياس ولايربط مع الهاتف الا بأستخدام جهاز ملحق ..
الثاني يقيس السكر كل دقيقة ويربط مع الهاتف ويرسل تحذير الى الهاتف في حال الصعود والهبوط
الثالث الأحدث وله نفس مواصفات الثاني وحجمه اصغر ويمكن ربطه عن طريق الانترنيت بعدة هواتف
👈👈 ملاحظة مهمة .. انا لا أبيع ولا أعمل أعلان للجهاز.. فقط أنقل الحقائق العلمية لفائدة متابعي الصفحة .. لذلك لن أتكلم عن مكان بيع الجهاز ولا عن سعره..

مع الامنيات بالصحة والسلامة 🌹
د. داود سلمان
أستشاري طب الأطفال والهرمونات والسكري

🔴اول اكله للطفل
دائما اكول ما اكو جداول بالاكل للاطفال و انلغت
بس اكو قواعد اساسيه نبني عليها خيارتنا باختيار اول اكله للطفل
اول قاعده هي شوكت نوكل الطفل ؟
٤ اشهر لو ٦ اشهر
اللي يكولك ٦ اشهر مو خطا لان منظمه الصحه العالميه تكول الاكل من ٦ اشهر و فقط حليب الام بأول ٦ شهر
و اني من جماعه الاكل بال ٤ اشهر لان البحوث الجديده تكول انه التحسس يقل اذا اكلتي طفلك بال ٤ اشهر إلى ٦ اشهر
و طبعا وفقا لشروط
أولها انه الطفل ضاعف وزن الولاده
و ثانيا انه بدأ يسيطر على راسه و يرفعه
و وثالثها انه من ينام على بطنه يرفع صدره
و أخيرها انه من تخلين الملعقه بحلكه ما يدفعها بلسانه
.
.
لهنا اني كاتب عن هذا الموضوع
طيب شنو الاكلات اللي تنطي بالبدايه
حتى تختارين اول اكله تاكليها لطفلك اختاري اقل اكله تسوي تحسس و انتوا اكتبوا شنو هذه الاكلات؟
عن نفسي جدا افضل تبدين بالرز
و بالأخص المنزلي
لان غني بالحديد
و سهل الهضم
معتدل الطعم
و بعدها ضيفي للرز الخضراوات اللي تعرفين انه ما تسوي تحسس و ما سامعه انه تسوي تحسس مثل منو؟
البطاطا
القرع
الجزر
الشجر
الفاصوليا الخضراء
و غيرها
و من الفواكه اختاري نفس الشي مثل الخوخ
و بعدها سهله كل ٤ ايام ضيفي اكله جديده
و اللحم؟
الدجاج اولا يدخل بتكوين الشوربات من البدايه
و بعدها اللحم
انصدم من امهات يكولون ما نوكل لحم الا بعد السنه !!!
زين مو الحديد خلص بال ٤ اشهر إلى ٥ اشهر
اقلها وكلي بعد ٦ اشهر اذا خايفه
البيض؟
براحتك بعد ٦ اشهر و لا تنسين القاعده
منو يسوي تحسس الصفار لو البياض؟
إذن الصفار اولا لان يسوي تحسس اقل
بعد ٤ ايام عادي ضيفي البياض اذا الامور اوكي
منتجات الحليب؟
بعد ٦ اشهر
يعني بالمختصر بعمر ٤ إلى ٦ اشهر انطي الاكلات اللي هي اقل اكلات على مقياس التحسس و بعد ال ٦ اشهر شويه شويه زيدي
ارجع و اكول
اذا انت قررتي تبدين بالشوفان او الفواكه او اي شي تحبين فأنت مو غلط
هذه خيارتك و هي محترمه
بس اني خليتلك الخطوط العريضه للأكل
و انت حره
بس اهم شي لا تنسون
الحليب مهم و ضروري اول ٦ اشهر
بعد ٦ اشهر تتراجع اهميته
و بعد السنه يصير ثانوي جدا
و ما نريد نشوف مميه بفم اطفالنا بعد السنه و ٣ اشهر حتى نحافظ على تركيب أسنانهم الحلوه
آخر شي الاكل الجاهز لو اكل البيت؟
اكل البيت
اكل البيت
اكل البيت
اكل البيت
اكرر لو ما يحتاج بعد؟
اكل البيت لان جاهز طازج نظيف ما خايفه عليه من الخزن و سوء الخزن و المواد الحافظه
و اكيد اصرف و اقتصادي أكثر
د. سيف سمير البياتي اخصائي طب الاطفال

تشققات الصدر اللي تصير بعد الرضاعه الطبيعيه
تنشا هذه التشققات عاده بعد الرضاعه الطبيعه و هناك أحيانا أسباب أخرى الها و منها أصابه الطفل بفطريات الفم او كثره الرضاعه او الوضعيه الخطأ للفم و الرضاعه
طبعا ما يحتاج أوضح انه هذا البوست للامهات فقط
فشنو طرق العلاج
اولا تجنبي المسببات
مثل الطريقه الخطأ للرضاعه و شوفي شنو الصح
اذا فطريات بفم طفلك عالجيها
و هكذا

.
.
خلال الرضاعه شنو اسوي ؟
☺اولا ارضعي طفلك من الجهه الأقل اصابه او اقل الما صح راح تحوليه على الثانيه بس النهم مالته و التاثير راح يكون اقل اذا رضع من المتاذي ثانيا
😥تكدرين تخلين شويه ثلج قبل ما يرضع علمود يخدر المنطقه
🙂جربي طرق مختلفه للرضاعه لازم اكو طريقه اقل الما
😏اذا الالم لا يحتمل هاهيه اسحبي الحليب بالملاطه او بالجهاز الكهربائي و انطيه لطفلك بالمميه
.
.
خطوات ما بعد الرضاعه
الغسل بالماء و الملح او ما يسمى بال نورمال سلاين
اللي هو ماء المغذي المالح
حتى تسوين هذا ضيفي نص ملعقه ملح إلى ٨ ارقام ماء فاتر و دائما استخدمي ماء و ملح محضر توا
و هسه عليك تخلين الجهه المصابه بهذا الماء الملحي بحوالي الدقيقه او اكثر
بس لا تخليها أكثر من ٥ إلى ١٠ دقايق
اذا شفتي الطفل بدأ يضوج من الطعم المالح اغسلي بالماء بعد الحمام الملحي
.
.
ما بعد الحمام الملحي
١. خلي شويه من حليبك الطبيعي على الجهه المصابه
٢. حتى تخليها تطيب استخدمي مرهم يحتوي على الماده الفعاله اللي اسمها
Lanolin
مثل مرهم nursing palm من شركه بايولاين
٣. اذا عندك فطريات استخدمي مرهم موضعي مضاد للفطريات بعد الحمام الملحي
٤. أحيانا يكون عندك التهابات و تحتاج الى مرهم مضاد التهابات تخليه على المنطقه المصابه
و هذه أسماءها
Bacteroicin
او
Mupirocin
او
Polysporin
يعني اذا احتاجيتي هاي اخر علاج و افضل تستخدميها بعد نصحك من الطبيبه الأخصائيه
نكمل و نكول
.
.
بين الرضعات
🙂عرضي المنطقه المصابه للهواء قدر الإمكان
🙄 استخدمي صابون لطيف خالي من المواد الكيمائية المخدشه مره باليوم لغسل المنطقه مثل صابونه بايولاين
😎لا مانع من استخدام المسكنات مثل الباريستول لتسكين الألم
.

منقول من صفحة pediatric skin care

طريقه فيربر لتعليم النوم !
النوم و تعليمه وحده من أهداف كل ام و كل اب بهذه الدنيا
كتبتلكم تجربتي الشخصيه باتباع الروتين من اول يوم
هالمره راح اعلمكم طريقه اسمها طريقه فيربر ferber
دكتور فيربر هو طبيب اطفال و مسؤول قسم مشاكل النوم في مستشفى الأطفال ببوسطن
صاحب اكثر كتاب مبيعا بخصوص النوم
Solve your child's sleep problem
الطريقه راح اشرحها مفصلا هنا
و تتم بطريقه الإطفاء التدريجي
ممكن تشوفوها صعبه بس هي بسيطه اذا التزمت بالقواعد و الارقام بيها
يلا نبدي باسم الله
بعد ما علمت طفلك على روتين النوم اللي يشمل اطفاء الاضويه و الحمام و التغيير و الرضاعه و بعض اللعب
اترك طفلك في فراشه نعسان بس مو نايم
بعدين غادر الغرفه لمده ٣ دقايق
راح يبجي انتظر ٣ دقايق لا تدخل
اذا ما بجى انتظر بكل الحالات ٣ دقايق يلا تجيك
من يبجي و ترجع بعد ٣ دقايق طمن طفلك بتحريكه مثلا او الترييت على ظهره أو الغناء له
و غير مسموح ابدا ان ترفعه من فراشه او ترضعه او تفتح الضوء !
و لا تطول بالغرفه اكثر من دقيقه او اثنين
هسه اطلع من الغرفه
انتظر ٥ دقايق هالمره
اذا بجى ظل انتظر ٥ دقايق هالمره
و ارجع طمن هالمره بنفس الطريقه
وراها غادر الغرفه
هالمره ارجع بعد ١٠ دقايق و هالمره اكيد راح ينام
باليوم الثاني
نزيد الفتره
اترك الطفل ليبكي ٥ دقايق
ثم ١٠ دقايق
ثم ١٢ دقيقه
باليوم الثالث
اول شي ١٠ دقيقه
ثم ١٢ دقيقه
ثم ١٥ دقيقه
باليوم الرابع
اتركه ١٢ دقيقه
ثم ١٥ دقيقه
ثم ١٧ دقيقه
و هكذا
❤باي عمر أكدر اطبق طريقه فيربر؟
ممكن بعمر ٤ إلى ٦ اشهر
و ممكن لغايه سنتين
بس لا ننسى انه كلما كبر الطفل كلما الطريقه اصعب
❤ فيربر يكول اصعب ليله هي الثانيه او الثالثه وراها راح يبدي يقل و يقل و يقل بعد اليوم الرابع او الخامس
❤ بعض الآباء و الامهات و حتى اني اشوف انه بكاء الطفل للحظات غير مقبول بس طريقه فيربر ابدا ما اثبت انه تسوي اي مشاكل نفسيه على المدى الطويل او القصير !
❤ سر نجاح طريقه فيربر؟
هو ان تصمم على الاستمرار و زياده الاوقات كما في الجدول
بس تعزز الطريقه ب :
1. تحضير الطفل للنوم يبدأ من ٦ عصرا او ٨ ليلا بأن تقلل الاضاءه و يقرا له كتاب
2. تجنب طريقه فيربر من الطفل دا يسنن او مريض
3. اهم شي ان تترك طفلك نعسان مو نايم بفراشه
4. لا تربط الرضاعه بالنوم من البدايه
❤ مو شرط ابدا تترك الطفل بغير غرفه بس لازم يتعلم ينام وحده و بعدين ارجع بسريرك و هو او هي بسريرهم الخاص
❤ اخر كلمه مني اني دكتور سيف سمير البياتي اكول بيها
الاطلاع على تجارب الاخرين و بالأخص أراء اهل الاختصاص يخلينا نتنور بكم معلومه حلوه اتمنى احد يستفاد منها
د. سيف سمير البياتي اخصائي طب الاطفال

15 خطا تسويه بالتعامل ويه الطفل المولود حديثا

🔵مبدا اتركي طفلك يبجي حتى لا يتعود على الحضن !!!
من اكثر المباديء ظلما للطبيعه البشريه
الطفل كائن يحتاج للحب مثل ما يحتاج للرضاعه
و التجارب النفسيه و العلميه تكول كلما الطفل يكون مهدء اكثر بحضن امه كلما يكون اكثر استقرارا نفسيا
اي احملي طفلك كثيرا
بس لا راسا رضاعه
انتظري قليلا
و السبب بعد شويه :
🔵 عادة تقبيل المولود و بالاخص من الفم !!!
عادة سيئه تنقل البكتريا السيئه منك الى طفلك و ممكن جدا تصيب طفلك بتسمم الدم الناتج عن البكتريا المنتقلة

🔴 التأخير في تغيير حفاضات الطفل :
خطا شائع و يؤدي الى طفح الحفاظات المتكرر و الصحيح هو الاستعجال بتغيير الحفاظ كل فتره لنقل كل ٢ الى ٣ ساعات

🔴 هز الطفل بعنف :
و هذا قد يؤدي الى الاصابة بمتلازمه الطفل المهتز و هو سبب من اسباب الاصابة بنزف الدماغ

🌐 التكميط اللي يشمل الرجلين !!!
اني تعرفون رايي بالكماط اني لا مع و لا ضد بس ضد الكماط اللي يحبس الرجلين
الرجلين هي حره و تترك حره و نترك الطفل يسحبها على بطنه لان سحبها و جعلها مستقيمه يخليها عامل خطر للاصابة بخلع المفصل

🚫 تنظيف منطقه الحفاظه من الخلف الى الامام !!!
و بالتالي جلب المايكروبات الى فتحه الادرار و بالتالي الاصابة بالتهاب المسالك البولية

♾ النوم على البطن !!!
ممنوع و ممنوع جدا و خطر و لا احد ينصح به
النوم الامين يكون على الظهر و الراس جانبي مع الحرص على تقليب الراس يمين او يسار كل فترة حتى لا ياخذ قالب ثابت
بس النوم على البطن و انت كاعده يم الطفل ليش لا
يعني هذه النقطه مطاطه و تقوي الطفل اصلا بس شرط أن تكونين صاحيه لطفلك

🔵 تحديد مواعيد ثابته للرضاعه كل ساعتين او ٣ ساعات !!!
من الطرق السيئه لتنظيم نوم الطفل و رضاعته هو الرضاعه بمواعيد و الصحيح هو ترك الطفل يقرر متى يرضع و كمية الرضاعة و هذا الفعل اثبت فعاليته بالعديد من الدراسات
لا ننسى ان الرضاعه اكثر تعني مغص اكثر
شويه شويه نباعد بين الرضعات

.
🔴 استخدام المخدة باول ايام !!!
و هذا شيء لا يحتاجه الطفل ابدا و غير مريح اله و مقلق اله فما يحتاج
♾ التدخين سيء و يؤثر على الرئه الغير مكتمله النمو اصلا و بالتالي تعرض الطفل و رئته للخطورة
🌐 المبالغة بالتغطية و جعل الغرفة حمام ساخن للطفل و بالتالي يصاب المولود بحمى الجفاف
🔵 غسل الطفل بعد الولاده و وصول ماء للسرة !!!
لا ينصح ابدا بغسل السرة في اي ظرف لان يؤثر ذلك على سرعه سقوطها و تاخرها في حاله الغسل
🔴 عدم الاهتمام بتغذيه الام و بالتالي تقل كميه الحليب الناتج عن الرضاعة الطبيعيه
🔵 اعطاء الماء و السكر للطفل و هذا غير مثبت ابدا فائدته العلميه و لا ينصح به ابدا
كما يمنع ايضا اعطاء الماء للطفل و بالاخص اول ٤ اشهر و الالتزام بالحليب
⚫ اخر نقطة اذا كانت الام ترضع طبيعي لا تدخلين الملهيه باول شهر و بالتالي يقل إنتاج الحليب لا انتظر للشهر
و بس
د. سيف سمير البياتي
اخصائي طب الاطفال

شون اتعامل ويه الطفل العنيد ؟
جمعت مجموعه افكار
و خليتها على شكل نقاط صغيره تبدي بقلب صغير ❤
نبدي بمثال صغير
❤بديتي تجمعين العابه اللي بكل مكان و كلتيله اياك و اياك تمد ايدك على الالعاب و الا اكسر ايدك
او مره اللخ و الله اللي يطشر الالعاب بعد ما يشوفها
طفلك ما راح يصدك الموضوع و اصلا يعتبره مزحه
و راح يرجع يرمي الالعاب على الارض ببساطه
انت تجين تشوفين الموقف تبدين بالعياط و الصياح و احيانا الضرب
انت ببساطه لو معلمته انه الاغراض لازم يرجعهن ما كان وصل لهذا الحال ببساطه
و انه اذا ما جمع الالعاب راح يتعاقب او ينحرم من الالعاب لفتره ما صار اللي صار
❤مثال اخر
ابني اخذ جكليته وحده فقط لا تاخذ اكثر و انت مخليه ١٠ قطع حلوى كدامه
و لما يختار 5 قطع تبدين تكولين ابني ما يسمع كلام ابني عنادي و و و و
خلي ببالك شغله خصوصا للامهات اللي اطفالهم اعمارهم اقل من سنتين هذا العمر هو اللي يستكشف بيه كل شيء
هذا العمر اللي يلعب بيه باغراض المطبخ و غرفه نومك و كل مكان
ما معقوله احرم طفل من الاكتشاف و اكول هو عنيد
الطبيعي انه تفرجيه على محتويات الكنتور عادي و شنو يعني
هيجي راح يقل فضوله و يشبع
💖 الاطفال الاكبر من سنتين انطيهم الخيار
ابني تلبس التيشرت الاحمر لو الازرك ؟
تاكل تمن لو معكرونه ؟
هيجي اسئله ماكو جواب لا بيها
هيجي اسئله انت وياه ربحانين
💖 بوست كامل شامل عن العقوبات بالصفحه تلكوه و شون تعاقبون بعد عمر سنتين ما يصير يتعاقب قبله بس يتنبه
💖 احجي امثال و احجي قصص و وصلي الفكره لطفلك لا تعيشين طفلك كرئيس و مرؤوس او سيد و عبد
اطلعي من شرنقه انا اامر و انت تنفذ
💖 الاهل اللي العلاقه واصله بينهم مرحله انت تصيحين و هو يصيح و انت ترفعين صوتك و هو يرفع صوته اعلى
تعالي نراجع منو رفع صوته بالاول؟
اي انت
الام او الاب
انتوا اللي بديتوا
و اكيد النتيجه رد برد
و طفلك صار يقلدك
الف مبروك
و ما راح نوصل لصوره حل
💖 الطفل روح و امانه مو تعاركتي ويه زوجك و اهملتي طفلك و تضربيه و تعيطين عليه
ماله اي ذنب بوضعك و بظرفك و بتعاستك
مو طفلك اختارك تكونين امه او ابوه ببساطه خليك خياره الأفضل حبابه
💖 ماكو شي اسمه بنتي تتحداني و بنتي تعيط عليه
التربيه هي تفاهم بين الاثنين
انت و طفلك
ما يفهم ابدا طفلك لا تلعب بالطين يعني تتوسخ
لان هو بنظره هو ما كاعد يتوسخ
هو كاعد يلعب
هو ما يهمه مظهره كدام الضيوف لان ما يعرف يعني شنو مظهر اصلا
💖 الضرب اخر نقطه
اياكم و الضرب
الضرب حتى للحيوانات صار يحاسب عليه العالم
اياك و الضرب
الضرب راح يؤسس لشخصيه ضعيفه مهزوزه يستغلها العالم اجمع
بالاخير اكول
لملموا افكار من البوست
و انطلقوا لما هو الافضل لاطفالكم
دمتم بود
د. سيف سمير البياتي اخصائي طب الاطفال

☸️ تعالوا نتعرف على الاغذية الي تزيد القدرات العقلية وتحسن الذاكرة 🧠 لاطفالنا وحتى النا!

♻️ حتى نحسن قدرات الدماغ والذاكرة اكو بعض الاضافات الصحية المفيدة جداً لازم نضيفها لغذائنا وعاداتنا اليوميه :

✅ السمك على رأس القائمة لانها مصدر مهم جداً للاوميكا ٣ ولازم نعلم اطفالنا على اكل السمك من همه صغار لان اكل السمك تعويد

✅ البيض مهم جداً لصحة الدماغ غني بالفوائد والفيتامينات والمعادن والدهون

✅ الشوكولا الداكنه: مادة الفلاڤونويد الي بيها تحسن الذاكرة وتحمي الدماغ من الشيخوخة وتحسن المزاج

✅ البروكولي غني جدا بمضادات الالتهابات والاكسدة وفيتامين K

✅ المكسرات اثبتت الدراسات ان الدهون الصحية وفيتامين E واوميكا ٣ الي بالمكسرات تعطي مفعول رائع لذاكرة حادة و تحمي من شيخوخه خلايا الدماغ

✅ بذور القرع غنيه جدا بالكثير من الفيتامينات والمعادن المهمة لصحة الدماغ

✅ الكركم : مادة الكركمين الموجودة بالكركم تساعد على تجديد خلايا الدماغ وتحمي خلايا الدماغ من الضرر لهذا ممكن ندخلة كتوابل مع الطعام

✅ الحمضيات والفراولة والتوت والمشمش والطماطم غنيه جدا بمضادات الاكسدة الي الها دور فعال لصحة الدماغ

✅ الافوكادو وزيت الزيتون والدهون الصحية ايضا الها دور كبير لصحة الدماغ

🔆 بعض الملاحظات الاخرى الي لا تقل اهمية عن الغذاء:

🟢 الرياضه والحركة او اللعب سواء للكبار او الصغار واحدة من الامور المهمة جداااااااً لصحة الدماغ ونشاطه

🟢 النوم لساعات كافيه خلال الليل وتجنب السهر وممارسة التأمل والابتعاد (قدر الامكان) عن القلق والتفكير..

🟢 نشغل الطفل بالالعاب الفكرية والقراءة والرسم والكتابه لانها تساعد على تنمية عقل الطفل وتنشط ذاكرته

❤️❤️ الكثير من الدراسات اثبتت ان الشخص (الاطفال و البالغين) لما يحصل الحب الكافي والمشاعر الايجابيه الكافية راح تتحسن قدراته الذهنيه لهذا اعطوا الحب لاطفالكم والاحضان والقبل حتى يصيرون اذكى واشطر بالدراسة..

❌ تقليل السكر والدهون المتحولة والاكلات السريعة قدر الامكان لانها تأذي الدماغ

❌ الخمول والجلوس امام التلفزيون والاجهزة اللوحية لفترات طويله يعمل على تدمير خلايا الدماغ

دمتم بصحة وعافيه ❤️❤️

د.محمد علي العبيدي
بورد اختصاص صيدلة سريرية

ماكو داعي للمضادات الحيويه
و ماكو داعي للفولتارين
و ماكو داعي لأي شي اخر عدا ما ذكر
الا اذا كان الطفل عنده مرض مزمن
و لا تنسون المشاركه
د. سيف سمير البياتي اخصائي طب الاطفال
الصوره تكول هاهيه سويتكم طبيبات ببوست

خلي ببالك بعض الادويه اللي ممكن تفيدك في حالات الطواريء بالبيت
و اكيد مو معناها هو بديل عن العلاجات و مراجعه طبيب الاطفال نبدي على بركه الله :
🧡 خوافض الحراره
و اشهرها الادول قطره
الجرعه هي شخط لكل كيلو !
يعني شون ؟
الادول مدرجه إلى
0.4
0.6
0.8
1 ml
فلما الطفل وزنه 8 كيلو تنطيه لغايه 0.8
و لما وزنه عشره تنطيه 1 مل
و لمة وزنه 4 كيلو تنطيه 0.4
مثلها
الانتي بايرول قطره
مؤشره إلى
0.25
0.5
0.75
1 ml
فلما الطفل وزنه 5 تنطيه 0.5 مل
و لما الطفل وزنه 7 تنطيه 0.75 مل
اي شخط لكل كيلو
💜 الادول و الانتي بايرول و البندول شراب ١٢٠ ملغرام
و اللي يكون لون الغلاف وردي
و انتبه الجرعه مكتوب عليها 120 ملغرام
و هذا جرعته نصف الوزن ٤ مرات باليوم
يعني وزنه ١٠ ننطيه ٥ سيسي
وزنه ٧ ننطيه ٣ او ٣.٥ سيسي
وزنه ٥ ننطيه ٢.٥ او ٢ سيسي
💜 ننتبه على الادول و البندول و شرابات الحراره اللي مكتوب عليها 250 ملغرام
اقروه #250ملغرام
هذه جرعتها ربع الوزن ٤ مرات باليوم
يعني وزنه 10 ننطيه 2.5 سيسي
وزنه 16 ننطيه 4 سيسي
💜 التحاميل
التحاميل اللي مكتوب عليها ١٢٥ ملغرام ممكن استخدامها من وزن 8 إلى 12 كيلوا
التحاميل اللي مكتوب عليها 150 ملغرام
من وزن 10 إلى 15 كيلو غرام
التحاميل اللي مكتوب عليها 250 ملغرام
من وزن 15 إلى 25 كجم
و اخيرا اللي مكتوب عليها 300 ملغرام
من 20 إلى 30 كيلوغرام
عداها و أقل من هذه الأوزان لا تزيدون الجرعه
الفكره مو بسرعه تنزيل الحراره
الفكره ان الطفل يرتاح
💙 بعدنا بخافض الحراره
البروفين ولو ما افضل دون وصفه طبيب
بس البروفين يعطى بجرعه ثلث الوزن ٣ مرات
يعني وزنه ٩ كيلو ننطي الطفل ٣ سيسي
وزنه ١٢ كيلو ننطي 4 سيسي
ممكن نصف الوزن
بس خليكم بالاكثر أمانا
🤎 خلصن خوافض الحراره ؟
اي خلصن
و الفولتارين ؟
انسوه لطفا لان أعراضه الجانبيه كثيره و لا يستخدم الا بوصفه طبيب
💚 نروح لخانه علاج الاسهال
و هذا سهل
محلول الارواء الفموي و ممكن تشتريه كباودر و تحضره او سائل جاهز
و تنطي للطفل ١٠ سيسي لكل كيلو بعد كل خروج
مثلا وزنه ٦ كجم و صار اسهال ننطيه ٦٠ سيسي محلول
ال ٦٠ سيسي يعادل رقمين بالمميه
ممكن استخدام أكياس اوبيتباك الزرقاء للاسهال مرتين يوميا لحين توقف الاسهال
💛 القيء
علاجه سهل مع شراب نوفومت العراقي
و الجرعه هي من ٨ إلى ١٥ كجم ننطي الطفل 2.5 سيسي
اكثر من 15 ننطي الطفل 5 سيسي
مصادر أخرى تكول هي 5 سيسي قطعي لكل الاطفال و هي فعلا جرعه جيده و فعاله
و مره وحده
ما فاد نراجع طبيب
💚 قطرات المغص مثل الكولك ايز و الدسفلاتيل و الانتي كاز مكتوبه الجرعه مالتها بالنشره المرفقه و هي ادويه امينه نوعا ما و ماكو اي داعي للخوف منها او تقليل استخدامها لان تخافين منها لان هي امينه
❤ قطره اوبتيباك البروبايوتك الجميل لحالات المغص لعمر اقل من ٣ سنوات تكفي شهر و تستخدم من اول يوم عادي
امينه و خاليه من الاعراض الجانبيه و تستخدم بجرعه ٨ قطرات مره باليوم
❤ قطرات كوليف المستخدمه للمغص كذلك هي 4 قطرات ويه كم قطره من حليبك وراها كملي رضعي طبيعي او 4 قطرات مع كل مميه و انطي المميه بعد نصف ساعه من وضع القطرات
ممكن خزن المميه بالثلاجه عادي ويه القطرات بس شرط ما تكون داخله لفم الطفل ( الخزن لمده ٢٤ ساعه مو اكثر )
💛 الإمساك و كعلاج منزلي بس أوصيك بكل الفواكه المجففه اذا كان طفلك ياكل مثل الزبيب و المشمش و الكشمش و الخوخ و الالو و البقوليات
و كعنصر علاجي تحميله كلسرين تكون خاليه من الاعراض الجانبيه
ممكن استخدام اوبتيباك أكياس الخضراء لحالات الإمساك شرط عبور عمر الطفل سنه
🧡 السعال استحاله وصف علاج للسعال دون فحص
بس كعلاج خفيف و بسيط يبرز العسل شرط عبور عمر الطفل السنه
اذا ما توفر العسل علاجات السعال اللي مصنوعه من العسل و جرعتها مكتوبه على الغلاف
❤ تحسس القصبات او الربو
و العلاج هو فنتولين بخاخ يعطى نصف سيسي فنتولين مع ١.٥ سيسي مغذي مالح ( نورمال سلاين ) في جهاز البخاخ و يعطى للطفل
💚 قطرات الماء و الملح امينه على الاطفال من اليوم الأول و ممكن اعطاؤها للطفل من اليوم الأول
و من أشهر هذه القطرات هي اوترفين بيبي او ابيسال
💜 البخاخ الملحي كذلك امين للأطفال مثل الساينومارين
💜 كريمات الحروق و اهمها الفلامازين اللي ممكن يوضع على الجسم عدا الوجه
💜 كريمات الحفاظات مهمه و ضروريه و ابسطها مرهم الزنك اذا الطفح عنيد ممكن اضافه عصاره هايدروكوتزون 1 بالميه مرتان يوميا مع تغيير الحفاظه مستمرا و المحافظه على التهويه
💔 ملطفات الجلد لحالات مثل جدري الماء او لسعات الحشرات ممكن استخدام كالامينا او كولد كريم او فقط ثلج

نحن لسنا مثاليين

ولا تطالب طفلك ان يكون مثالي

ان يتقبل الانسان نفسه ويعرف حدوده واستحقاقه هو افضل شئ تهديه لطفلك

ان يحسب نفسه شخص سوي، حتى وان اخطأ

فهناك الف طريقة وطريقة للتصحيح

ولايبقى في مهب اللوم

فاللوم لايصلح ولا يفلح كثير الملامه

وياريت ولعل ولو ،،، من الشيطان

في احدى جلسات النزاع المستمر بين طفلاي

صرح ولدي الاكبر وقال

انا افضل من (اخته)

قلت له لماذا؟

قال لانها (تخربط هوايه)

كتله ميخالف واذا؟ كلنا نخربط

انت هم تخربط

اني هم اخربط

بابا هم يخربط

كلنا نخربط

هو طبعا فتح عينه 😅 مستغربا

كتله حبيبي الانسان دائما يغلط بس لازم دائما يصلح غلطته ومايبقى يسوي غلط فوك غلط

كالت يعني عادي اغلط

كتله لا مو عادي

لان من تغلط لازم تعتذر وتصلح الغلط

ومو كل غلط تكدر تصلحه

فلازم ننتبه انه مانسوي اغلاط متصلح

ومو كل وقتنا نكضي نصلح الاخطاء

مو صح؟

كال اي

ومن ذاك اليوم

كلما يسوي خطا يكول اسف غلطت ويتجه نحو الاصلاح من ابسط شي لاعقد شي وطبعا اكيد صادفته اشياء ماكدر يصلحها، وذكرته انه لازم ننتبه لان مو كلشي يتصلح

مثلا وسخ الارضيه جاب الكلينكس وحاول ينظفه وطبعا شجعته

وعداها كسر بوري وابوه صلحه وهو اعتذر وكال غلطت

هذا يجرنا ان ننتبه لبعض الاطفال الي يتهربون من الحقيقه (ويكذب) ويعتبر نفسه لايخطا( كنوع من الغرور والنرجسية) او يبرر خطاه بشكل مبالغ بس حتى لايتعاقب

وهذا الشي غير سليم نهائيا

لان اكيد حيكبر وياه و من يرتكب الاخطاء ينهزم او يخلي الف مبرر ومبرر فقط حتى لايصلحها

اما العقوبه ف معناها الاصح هي (العواقب) من يعرف لكل فعل عواقب هو هذا المطلوب وليس المطلوب هو (الاذى)

بعض الاخطاء يدفع ثمنها بشكل اخر لانه لم يستطيع اصلاحها (ليست كل الاخطاء هي ماديه)

اما موضوع الاستحقاق وقيمه النفس نحجيها ببوست اخر ان شاء الله

شجعوا اطفالكم ان يحبون نفسهم بكل اخطاءهم

ميزاتهم

عيوبهم

فنحن لسنا ملائكه ورب العالمين ميزنا بعيوبنا

(كل ابن ادم خطاء وخير الخطائين التوابون )

د.اسماء

موضوعنا اليوم صادم للكثير وهو
هل تعلم ان الكمادات وحدها ما تنزل ارتفاع الحرارة نتيجة المرض بل تزيد الوضع سوء!!
.
خل نسولف بالعامية علمود توصل الفكرة
اكو مركز بالدماغ هو يحدد شكد لازم تكون حرارة الجسم فإذا كان محدد ٣٧ راح تكون حرارة جسمك ٣٧ واذا كان محدد ٤٠ فحرارة جسمك راح تصير ٤٠
هالمركز لمن يصيبك مرض راح يغير رقمه من ٣٧ الى ٤٠ مثلاً
تخيل وياي انت
هالمركز الي بالدماغ كال اريد حرارة الجسم بدل ٣٧ تسووها ٤٠
الجسم حرارته بعدها ٣٧ بس اجته اوامر انه يسويها أربعين لذلك جسمك راح يشتغل على زيادة انتاج الحرارة عن طريق زيادة معدل الايض
ويقلل معدل فقدان الحرارة من الجلد
بالطريقة هاي ( زيادة انتاج الحرارة وتقليل فقدان الحرارة) راح ترتفع حرارة جسمك وتصير ٤٠ مثل ما راد الدماغ
فلمن تجي وتسوي كمادات معناها انت دتزيد فقدان الحرارة والجسم ديحاول يقلل هالفقدان اصلا ، انت بهيج حالة راح تجبر جسمك يزيد انتاج الحرارة حتى ينفذ اوامر الدماغ
والحل شنو ؟
الحل انه تخلي الدماغ يتراجع عن اوامره ويرجع درجة حرارته الجديدة الى ٣٧ بدل ٤٠
وهالشي يتم بإعطاء خافضات الحرارة
بعد خافض الحرارة بنصف ساعة تقريباً راح ترجع حرارة الدماغ للرقم القديم ٣٧ وبوقتها تكدر تسوي كمادات وتساعد الجسم بالرجوع لدرجة حرارته الأصلية
اكو فرق بين ارتفاع درجة الحرارة نتيجة المرض وبين ارتفاع الحرارة نتيجة انه الجو المحيط حار
الاولى تتعالج بخافضات الحرارة وبعدها الكمادات
والثانية بس بالكمادات لان خافضات الحرارة متشتغل بيها



منقول عن د سلمان داود