نمشي للحسين مشي
لو المرقد ببعد السمه
نسوي مواكب بگد العراق
نبيع غراضنا ونداين ونطبخ للزوار
نلطم وندگ على روسنا
ومن تصير الموزمة
نحمي السواتر بروحنه وبدمنه
- محد ضحى للعراق بگدنا -
نكتب شعر لحبيباتنا اسمر بلونه
نلحن للحب ألحان سماوية
نغني بأطوارنا العظيمة
من المحمداوي للصبي للشطراوي والشطيت
نفوز بجوائز عالمية بكلشي
( رياضة - أدب - مسرح - فن - علوم )
كلشي حلو أحنه نصدره
الچا من نگولها تطلع چنها
( بوسة مسافر بأول وداع)
نحلف وحگ علي ودم الحِسين
وچفوف ابو الفضل وأم البنين
ننتج مسلسلات عظيمة
سمعتني يو لا
شروگية وبكيفنه
عندك مانع أرگع راسك
بأقرب بسطال باقي
من الحرب العالمية الأولى

#_الجنة_والنار
#الشاعر_علي_الشيال