د شهید جانان د وینو، د زخمي طالب د څړیکو
د بندي د کړاؤونو برکت دی ازادي ده
د یتیم د تړمو اوښکو، د مظلومو افغانانو
د آهونو رنګ ښکاره شو امارت دی ازادي ده

مجاهد سره يې مینه کړله عام وو او که خاص وو
دا هرڅه د جهادپالو هیوادوالو ستر اخلاص وو
چې وطن کې د اصیلو سلطنت دی ازادي ده

مجاهد او کلیوال لکه په وینه سره ګډ وه
دومره ډېر وه سره ګران بیخي په مینه سره ګډ وه
آن تر نونه یې پاللی اُخُـوَّت دی ازادي ده

اې عمره! ستا یعقوب نن د افغان ملت سرتاج دی
ته خبر یې او کنه یې خپل مو راج خپل مو رواج دی
د سپین توغ تر سیوري لاندي امنیت دی ازادي ده

دا دزور خبره نه ده وه پیاوړي دښمنان مو
باوجود دزور او ځواک شول له جنګ ستړي دښمنان مو
بلکه دا درب نصرت وو او نصرت دی ازادي ده

خپلواکي د شل کلني قربانۍ دباب تفسیر شو
د طالب کریم الله خوب شو رشتیا دا یې تعبیر شو
چې پر زړه د هیواد سپین بیرغ اوچت دی ازادي ده

طالب کریم الله