Daandii Milkii(Jennataa)

𝐘𝐄𝐒𝐔𝐔𝐒 𝐖𝐀𝐀𝐐𝐀 𝐘𝐎𝐎 𝐉𝐄𝐍𝐍𝐄 𝐄𝐄𝐍𝐘𝐔𝐔𝐍 𝐘𝐀𝐀 𝐀𝐁𝐁𝐀𝐀 𝐉𝐄𝐃𝐇𝐄𝐄 𝐊𝐀𝐃𝐇𝐀𝐓𝐀𝐀 𝐉𝐈𝐑𝐀𝐀 𝐌𝐄𝐄 𝐇𝐀𝐀 𝐈𝐋𝐀𝐀𝐋𝐋𝐔𝐔

"Yaa abbaa, kun akka fedha kee yoo ta’e, xoofoo dhiphinaa ani fudhachuudhaaf jiru kana ana irraa fuudhi; garuu akka ani jaalladhe utuu hin ta’in; akka ati jaallatte haa ta’u! jedhe. “Yommus ergamaan Waaqayyoo tokko isa jajjabeessuudhaaf waaqa irraa itti mul’ate. Muddama isaa keessattis ittuma cimsee kadhate; dafqi isaas akka coccopha dhiigaa lafatti gad rooba ta’e”."
[Luqaas 22:42-44]

Yesus Kiristos osoo akka Kiristiyaanonni jedhan; cubbuu isaaniitiif du’uu fi fannoo irratti fannifamuuf dhufee maaliif du’a jibba ?. Ammas erga kaayyoon dhufeef kana ta’ee, maaliif du’uu dhabuu Rabbii isaa kadhata ?

"Gara sa’aatii salgaffaatti Yesus sagalee guddaadhaan “Elii, Elii lamaa sabaktanii?” jedhee waammate; kunis, “Waaqayyo ko, Waaqayyo koo maaliif na dhuufte?” jechuutti in hiikama."
[Maatewos 27:46]

[Yeroo Rabbiin jedhes [yaadadhu]: “Yaa Iisaa! Ani si raffisaadha. Gara kiyyattis ol si fuudhaadha. Isaan kafaran irraas si qulqulleessaadha. Isaan si hordofanis hanga guyyaa qiyaamaatti warra kafaran irratti ol taasisaadha. Ergasii deebiin keessan gara kiyya; waan isin isa keessatti wal dhabaa turtan keessattis gudduu keessanitti nan murteessa.”]
(Qur'aana Suuratu Aal- Imraan 3:55)

Hubachiisa dabalataa kan Yesus Kiristos fannifamuu dhabuu isaa nuu mirkaneessan;

❖ Du’uu isaa kan dubbate Maatewoosii fi Luqaasiidha. Luqaas immoo ofii isaatiyyuu barataa isaa hin turre, maatewos immoo du’a isaatii fi rarraafama isaa hin argine, barattoota kaanneen wajjiin baqatee ture, wanti amantaan tokko irratti ijaaramu immoo ragaa qabatamaadha. Yoo raga qabatamaa hin qabaatin ni darbama.

❖ Maatewosii fi Luqaas, akka kitaabban seenaa Kiristiyaanaa jedhutti; Wangeelota isaanii yemmuu barreessan Wangeela Maarqos waan of harkaa qabaniif Wangeela isaa kana irraas immoo yaada
hedduu irraa akka fudhatanii fi koppii godhatantu dubbatama. Sababni isaas Wangeelli jalqaba barreeffame Wangeela Maarqosidha. Innis immoo ofii isaatiyyuu barataa Yesus hin turre.

❖ Macaafni Maatewos afaan ibraayistiin barreesse waan du’a Yesusi fi rarraafama isaas hin dubbatu, kan afaan Girikii immoo kan inni barreesse miti, nama biraatu hiike, namni hiikes hin beekamu.

❖ Barattoonni Yesus tokkoo iyyuu kan Yesus bira dhaabbate hin jiru, hundinuu ni baqatan. [Maarqos 14:50], [Yohannis 16:32] irra ilaalaa.

❖ Namoonni isa qabuuf dhufan ni gaggaban, yeroon sun immoo yeroo inni gama samiitti ol-fuudhameedha. [Yohannis 18:6]

❖ Macaafni Kakuu Moofaan waa’ee du’a isaa rarraafamuu isaa hin dubbatu.

❖ Namni rarraafamu abaaramaadha. [Ergaa Gara warra Galaatiyaa 3:13]

Walumaagalatti fannifamuu isaa Qur’aanni Kabajamaan ifaan ifatti mormee jira. Macaafni Qulqulluun amma harka Kiristiyaanotaa jirus kanuma gargaara malee hin faallessu nama hubateef.

Yihuudicha Yesusin gane nama “𝗬𝗶𝗱𝘂𝘂𝘇𝗮𝗹-𝗜𝘀𝗸𝗮𝗿𝘆𝗼𝗼𝘇” jedhamu Rabbiin bifaa fi
haasawaan akka Yesus Kiristos wajjiin wal-fakkaatu taasisee Israa’eloonni Namticha ganaa kana fannisuun ajjeesuu isaanii Wangeelli Barnaabaas addeessee jira.

وَقَوْلِهِمْ إِنَّا قَتَلْنَا الْمَسِيحَ عِيسَى ابْنَ مَرْيَمَ رَسُولَ اللَّهِ وَمَا قَتَلُوهُ وَمَا صَلَبُوهُ وَلَٰكِن شُبِّهَ لَهُمْ ۚ وَإِنَّ الَّذِينَ اخْتَلَفُوا فِيهِ لَفِي شَكٍّ مِّنْهُ ۚ مَا لَهُم بِهِ مِنْ عِلْمٍ إِلَّا اتِّبَاعَ الظَّنِّ ۚ وَمَا قَتَلُوهُ يَقِينًا

[Ammas waan isaan “nuti Masiih Iisaa ilma Maryam, ergamaa Rabbii, ajjeefnee jirra” jedhaniif (isaan abaarre) Isaaniitti fakkeeffame malee isa hin ajjeefne; hin fannisnes. Dhugumatti, isaan isa keessatti wal dhaban isa irraa shakkii keessa jiru. Yaada hordofuu malee isa irratti beekumsa homaatuu hin qaban. Qabatamaatti isaan isa hin ajjeefne.] (Qur'aana 4:157)

بَل رَّفَعَهُ اللَّهُ إِلَيْهِ ۚ وَكَانَ اللَّهُ عَزِيزًا حَكِيمًا

[Dhugumatti Rabbiin gara isaatti ol isa fuudhe. Rabbiin injifataa, ogeessa ta'e.] (Qur'aana 4:158)

Kanaafuu nu Muslimtoonni woggaa woggaan akka Yesus Kiristos hin ajjeefamin, hin fannifamin ragaa bahaa jiraanna.

𝐀𝐝𝐬 𝐂𝐡𝐚𝐧𝐧𝐞𝐥𝐬: 👇👇
https://t.me/Seyiful_Islam
https://t.me/Rafiiqul_Islaam
https://t.me/Furqaan_Official

𝐘𝐄𝐒𝐔𝐔𝐒 𝐄𝐑𝐆𝐀𝐌𝐀𝐀 𝐓𝐀'𝐔𝐔

[𝐘𝐨𝐡𝐚𝐚𝐧𝐧𝐢𝐬 8:42]
“Yesus deebisee, "Waaqayyo utuu abbaa keessan ta'ee, ana in jaallattu turtan; anoo Waaqayyo keessaa ba'ee, dhufeen as jira; isatu ana erge malee, ani ofiin hin dhufne.”

[𝐘𝐨𝐡𝐚𝐚𝐧𝐧𝐢𝐬 12:49]
“Abbicha isuma na ergetu ofii isaatii waanan dubbadhu na abboome malee, ani ofuma kootiin hin dubbanne.”

[𝐘𝐨𝐡𝐚𝐚𝐧𝐧𝐢𝐬 14:24]
“Namni ana hin jaallanne immoo dubbii koo hundumaa hin raawwatu, dubbiin isin dhageessan kunis kan abbicha isa na ergee ti malee, kan koo miti" jedheen.”

[𝐘𝐨𝐡𝐚𝐚𝐧𝐧𝐢𝐬 5:19]
“Yesus itti fufee, "Dhuguman isinitti hima, ilmi ofuma isaatiin homaa gochuu hin danda'u, isa abbaan isaa hojjetu ilaalee in hojjeta; isuma abbaan hojjetu ilmis immoo akkuma kanatti in hojjeta.”

[𝐘𝐨𝐡𝐚𝐚𝐧𝐧𝐢𝐬 5:30]
“Yesus itti dabalee, "Ani humna kootiin homaa gochuu hin danda'u; abbaa koo irraa akkan dhaga'etti nan farada; firdiin ani faradus qajeelaa dha. Anoo yaada koo duukaa bu'uu hin barbaadu, 'yaada isa ana ergee duukaan bu'a malee.”

[𝐘𝐨𝐡𝐚𝐚𝐧𝐧𝐢𝐬 5:36]
“Isa Yohannis cuuphaan dhugaa ba'e irra caalaa kan dhugaa anaaf ba'u qaba; hojiin abbaan koo akkan raawwadhuuf dabarsee anatti kenne baay'ee dha; hojiin ani hojjedhu kunis abbaan akka ana erge dhugaa anaaf in ba'a.”

[𝐘𝐨𝐡𝐚𝐚𝐧𝐧𝐢𝐬 6:29]
“Yesus deebisee, "Isa inni ergetti amanuu keessaniin hojii Waaqayyoo in hojjettu" jedheen.”


[𝐌𝐚𝐚𝐭𝐢𝐰𝐨𝐨𝐬 24:36]
“Yesus itti dabalee, "Guyyicha sanaa fi yericha sana garuu abbaa koo duwwaatu beeka malee, ergamoonni waaqa irraa, ilmis, namni tokko illees kana hin beekan.”

[𝐋𝐮𝐪𝐚𝐚𝐬 24:19]
“Inni, "Waan attamii ti?" isaaniin jennaan, isaan immoo, "Waa'ee Yesus nama Naazireet, isa gochatti dubbiittis Waaqayyoo fi namoota duratti raajii aango-qabeessa ture sana,”

https://t.me/Rafiiqul_Islaam

Dhugumatti, ati akkaan beekaa waan fagooti.[Suuraa Al-Maa'idaa 5:116]

" Yesus immoo, "Maaliif gaarii naan jetta? Waaqayyo isa tokkicha duwwaa malee, namni gaariin tokko illee hin jiru. "(Marqoos 10: 18)

Qopheessaan: Xaahir Galatoo

https://t.me/Rafiiqul_Islaam/982

Barsiisa Nabi Iisaa [Iyyasuus kiristoos]
   
Barsiisni Iyyasuus kiristoos maal ture?
Xiyyeeffannoon guddaan barsiisa Iyyasuus kiristoos, waa'ee Tokkochummaa Rabbii akka ta'e Qur'aanaa fi macaafa qulqulluu keessattis dubbatamee jira. Mee haa hubannuu!

"Yesus deebisee, "Inni hundumaa irra caalu, 'Dhaga'i, yaa Israa'el! Gooftichi Waaqayyo keenya kophaa isaa gooftaa dha. "
(Wangeela Marqoos 12: 29)

Kiristaanonni hedduun, ilaalchota dogoongora irratti hundaa'uudhaan Iyyasuus kiristoosiin Rabbi jedhu. Garuu barsiisni isaa akkas hin turre. Yesuus kiristoos Rabbi jechuun gati dhabeessa ta'uu dubbatee jira.

"ana waaqessuun isaanii akkasumaan, abboommii namaa akka seera Waaqayyootti barsiisu isa jedhe ba'eessa dubbate" jedhe."
(Maatiwoos 15: 9)

Iyyasuus kiristoos gaaffii yahuudotaan gaafatame ennaa deebisu akkana jedheera.

Gurguddoota Yihudootaa keessaa tokko, "Yaa barsiisaa gaarii, jireenya bara baraatti galuudhaaf maal godhu?" jedhee isa gaafate. Yesus immoo deebiseefii, "Maaliif gaarii naan jetta? Waaqayyo isa tokkicha duwwaa malee, namni gaariin tokko illee hin jiru. [Wangeela Luqaas 18:18_19]

Namni tokkos gaafa tokko gara yesuus dhufuudhaan, yaa barsiisaa gaarii jannata (jireenya bara baraa) argachuudhaaf maal hojjachuu qaba jedhee gaafate. Innis deebiseefii akkana jedheen;

Kunoo, namni tokko gara Yesus dhufee, "Yaa barsiisa! Jireenya bara baraa qabaachuuf hojii gaariin gochuun anaaf ta'u maal inni?" jedheen. Yesus immoo, "Waa'ee hojii gaarii maaliif ana gaafatta? Isa tokkicha sanatu gaarii dha; jireenya sanatti galuuu yoo feete garuu, abboommota eegi! ittiin jedhe. [Wangeela Maatiwoos 19:16_17]

Yesuus kiristoos seera waada moofaa keessa jiru tokkos shaaruudhaaf, akka hin ergamnes dubbateera. Waa'ee kanaa Maatiwoos haala armaan gadii kanaan barreesseera.

[Yesus, "Seeraa fi barsiisa raajotaa diiguudhaaf waanan dhufe hin se'inaa, ani isaan raawwachuudhaafan dhufe malee, diiguudhaaf hin dhufne. Ani dhuguman isinitti hima, hamma waaqnii fi lafti badanitti seericha keessaa fidalli xinnaan tokko yookiis gar tokkoon fidalaa odoo fiixaan hin ba'in hin badu].(Wangeela Maatiwoos 5:17_18)

Ergamaan anaan booda ergamu, waanuma hunda isiin barsiisa jedhees dubbateera.

" Inni isiniif dubbatu hafuurri qulqulluun, inni abbaan maqaa kootiin ergu garuu, waan hundumaa isin in barsiisa, waanan isinitti hime hundumaas isin in yaadachiisa. "
(Yohaannis 14: 26)

Kitaabani seera uumama waa'ee dhagna qabachuu ilaalchisee akkana jedha:

Ammas kakuun koo inni anaa fi si gidduutti, namoota kee gidduutti, si booddeedhaanis sanyii kee gidduutti eeguun isiniif ta'u, 'Isin keessaa dhiirri hundinuu dhagna haa qabamu!' isa jedhuu dha.  Isin gogaa foon keessan haguuge dhagna qabadhaa! Kunis kakuu isa anaa fi isin gidduutti dhaabateef milikkita in ta'a.[Seera uumamaa 17:10-11]

" Waaqayyo isa tokkicha, isa dhugaa, Yesus Kiristosin isa ati ergites beekuun isaanii jireenya bara baraa ti."
(Yuhaannis 17: 3)

Dubbiin kanneen armaan olii fakkaatan, Qur’aana keessattis bakka heddutti dubbatamaniiru.

إِنَّ ٱللَّهَ رَبِّى وَرَبُّكُمْ فَٱعْبُدُوهُۗ هَٰذَا صِرَٰطٌ مُّسْتَقِيمٌ

Dhugumatti Rabbiin Gooftaa kiyyaafi Gooftaa keessan; kanaafuu Isa gabbaraa. Kun karaa qajeelaadha.” [Suuraa  Aal-Imraan 3:51]

Karaan qajeela Iyyasuus kiristoos barsiise, karaa Islaamummaa qofa. Daandii tokkochummaa Rabbiiti. Qur'aanni akkana jedha.

وَإِذْ قَالَ ٱللَّهُ يَٰعِيسَى ٱبْنَ مَرْيَمَ ءَأَنتَ قُلْتَ لِلنَّاسِ ٱتَّخِذُونِى وَأُمِّىَ إِلَٰهَيْنِ مِن دُونِ ٱللَّهِۖ قَالَ سُبْحَٰنَكَ مَا يَكُونُ لِىٓ أَنْ أَقُولَ مَا لَيْسَ لِى بِحَقٍّۚ إِن كُنتُ قُلْتُهُۥ فَقَدْ عَلِمْتَهُۥۚ تَعْلَمُ مَا فِى نَفْسِى وَلَآ أَعْلَمُ مَا فِى نَفْسِكَۚ إِنَّكَ أَنتَ عَلَّٰمُ ٱلْغُيُوبِ

Yeroo Rabbiin "Yaa Iisaa Ilma Maryam! sila situ namootaan anaafi haadha kiyya Rabbii gaditti gabbaramaa lama taasifadhaa jedhee?" jedhu [yaadadhu][Inni] ni jedhe: "Ati qulqulloofte! Ani waan dhugaa naaf hin taane jechuun anaaf hin ta'u. Yoo ani isa jedheera ta'eef, ati dhugumatti isa barteetta. Waan lubbuu kiyya keessaa ni beekta. Ani waan nafsii kee keessaa hin beeku.

https://t.me/Rafiiqul_Islaam/981

𝐇𝐀𝐍𝐆𝐀𝐅𝐀 𝐊𝐈𝐓𝐀𝐀𝐁𝐎𝐓𝐀𝐀

Kitaaba kanatu qajeelfama haqaati. Hangafa kitaabotaati. Sammuu namaa qara, kijibarraa nama baraara, dhugaan guutame, dhugaan ergame, Nabiyyii keenyatu ittiinbergame, mi'aan isaa madaala hin qabu, Rabbiin biraa dhufuunsaa shakkii hin qabu. Dogoongora kamirraayyuu bilisa, Namoonni gurguddaan addunyaa hedduun dogoongora keessa barbaanna jedhanii gaafa lafaa ka'an, Qur’aanni ani dogoongora irraa bilisa jedheen. Ragaa kanaatiif Qur'aanni akkana jedheera:

ذَٰلِكَ ٱلْكِتَٰبُ لَا رَيْبَۛ فِيهِۛ هُدًى لِّلْمُتَّقِينَ

"Kun kitaaba [Rabbiin biraa ta’uu isaa ilaalchisee] mamiin isa keessa hin jirreedha. warra Rabbiin sodaataniif qajeelfama" (Suuraa Al-Baqarah 2:2)

Qur'aanni ani qajeelfama Warra Rabbiin sodaatuuti jedheera.

.Qur'aanni kitaabota dachee kanarra jiran keessaa; kitaaba dadhabsiisaa addunyaati. Ana keessa shakkii fi dogoongorri hin jiru, abdii kutadhaa, na hordofaa, narraa garagaltan taanaan, Rabbiin jireenya addunyaa cinqaan isin jiraachisee, qiyaamaa jahannamitti isin garagalcha jedhee isin akeekkachiisa jedha Qur'aanni.

Mee amma Aayatoota Qur'aanaa dadhabsiisoo hayyootan baafaman haa xiinxallinuu..

وَإِن كُنتُمْ فِى رَيْبٍ مِّمَّا نَزَّلْنَا عَلَىٰ عَبْدِنَا فَأْتُوا۟ بِسُورَةٍ مِّن مِّثْلِهِۦ وَٱدْعُوا۟ شُهَدَآءَكُم مِّن دُونِ ٱللَّهِ إِن كُنتُمْ صَٰدِقِينَ

Yoo waan Nuti gabricha keenya irratti buufne, Qur’aana irraa shakkii qabaattan, yoo kan dhugaa dubbattan taataniif, suuraa akka isaa tokko fidaa, ragoota (gargaartotaafi deeggartoota) keessan kan Rabbiin ala jiranis waamadhaa. (Suuraa Baqaraa 2:23)

Keewwanni itti aanu immoo, fakkii Qur'aanaa dhiheessuu akka hin dandeenye dubbata. Akkasumas akeekkachiisa cimaa of keessaa qaba.

Yoo [amma dura] hin dalagin; fuuldurattis hin dalagdan; kanaafuu ibidda qabsiisaan ishee namaafi dhagaa ta’e kan diddootaaf qopheeffamte sodaadhaa. (Suuraa Baqaraa 2:24)

Ammas ragaan kana fakkaatu keewwata suuraa Qur'aana biraa keessattis dubbatameera.

أَفَلَا يَتَدَبَّرُونَ ٱلْقُرْءَانَۚ وَلَوْ كَانَ مِنْ عِندِ غَيْرِ ٱللَّهِ لَوَجَدُوا۟ فِيهِ ٱخْتِلَٰفًا كَثِيرًا

Sila isaan Qur’aana hin xiinxalanii? Odoo Rabbiin biraa dhufuu baatee, silaa isa keessatti wal dhabbii baay’ee argu turan.(Suuraa An-Nisaa' 4:82)

Ibsi keewwata armaan olii tasuma Qur'aanni qaama biroo biraa akka hin taane dubbata. Kana jechuun Qur'aanni kalaama [jecha] Rabbii (s.w.t) isa dhugaa akka ta'e mirkaneessa.

Mee suuraa gara suuraa Hijriitti haa imalluu...

إِنَّا نَحْنُ نَزَّلْنَا ٱلذِّكْرَ وَإِنَّا لَهُۥ لَحَٰفِظُونَ

Dhugumatti, Nuti Zikrii [Qur'aana] Numatu buuse, Numatu isa tiksoodha. (Suuraa Al-Hijri 15:9)

Maaykiil H.Hartiin waan jedhe: "Sababbiin Qur'aanni akka buufameen odoo wanti tokko itti hin dabalamin hanga har'aatti addunyaa keessa turuu danda'eef, Eegumsa Rabbii guddaa qaba jedhe. Akkasumas kitaabota jiran keessaa kitaaba qulqulluu dha jedhee ragaa bahe. Hayyuun kun muslimaa miti, hordofaa Amantaa "Kiristaanaati..
.Ammas mee gara suuraa Israa'itti haa imalluu...

قُل لَّئِنِ ٱجْتَمَعَتِ ٱلْإِنسُ وَٱلْجِنُّ عَلَىٰٓ أَن يَأْتُوا۟ بِمِثْلِ هَٰذَا ٱلْقُرْءَانِ لَا يَأْتُونَ بِمِثْلِهِۦ وَلَوْ كَانَ بَعْضُهُمْ لِبَعْضٍ ظَهِيرًا

Jedhi: “odoo ilmi namaatii fi jinnoonnis, fakkaataa Qur’aana kanaatiin dhufuu irratti walitti qabamanii, odoo gariin isaanii gariif gargaaraa ta’anii fakkaataa isaatiin hin dhufan.”(Suuraa Al-Israa'a 17:88)

Baay'innu ummata addunyaa; akka qorannoo yeroo dhihootiin barametti, Biiliyoona 8.2 olitti tilmaamaman. Odoo guutuun isaanii fakkaataa Qur’aanaa dhiheessuu irratti waliif galanii, gonkumaa fakkaataa Qur'aana kanaa dhiheessuu hin danda’an.

Kitaaba kaaliqaa fi makluuqa walbarsiisuu keessatti dorgomaa hin qabneedha.

Qindeessaan: Xaahir Galatoo

https://t.me/Rafiiqul_Islaam/950