السلام عليكم ورحمة الله وبركاته.

في التدبر ..

بعد الحمد لله ما حددنا السورة اللي نتعايش معاها
بنحدد الشيخ اللي هنستمع له في الأمر

لو معنديش فكرة أسمع لمين عامةً
بشوف شيخ أنا بسمعه دايمًا له سلسلة
لو مفيش ..

بنشوف المشايخ اللي معروف إنها لها سلاسل تدبر وتفسير وهكذا زي دكتور أحمد عبد المنعم جزاه الله عنّا الجنة يارب

ننتقل للمرحلة الأهم وهي ازاي فعلًا أنتفع باللي بسمعه؟

شخصيًا مش بنتفع النفع الكامل غير لما بسمع الدرس أكثر من مرة :))

مش أقل من مرتين تلاتة وفيه مقاطع بسمعها فوق العشر مرات عشان أستوعب الشيخ بيتكلم عن إيه وأعرف أطبق😅

فاحنا هنا قدرات يعني
ففي النقطة دي نمسك العصى من النص

لو السلسلة ١٥ حلقة مثلًا وهي ساعة

فاليوم الأول
نسمع ونكتب النقط اللي بتعلق معانا واللي انتفعنا منها بصدق
ولو فيه تلخيص للدرس أو تفريغ يبقى خير لو قرأتوه
مفيش

يبقى أول يوم نسمع درس ونكتب النقط اللي بتعلم معانا
تاني يوم نعيد سماع الدرس مرة تانية
بعد ما نقرأ النقط بسرعة اللي علمت معانا
وهكذا بحقق أكبر قدر من النفع وأقدر أطبقه في تعاملاتي في الحياة وغيره
الإنسان بطبعه بينسى ف كل فترة لما تمر على كتابتك وتلخيصك تتذكر الدرس لأنك سمعته مرتين ودونت وفهمت

الفكرة مملة أوي ولو حد بيمل بسرعة مش هيتحمل درسين ويبطل أو هيبدأ يكروتهم

وهنا تأتي فكرة جهاد النفس وترويضها
تسمع تكتب تدون تفهم تعمل
تجد لذة وسكينة في حياتك
الجهاد في أي شيء مش سهل أبدًا
فالأشياء الصغيرة بتروضك وتعلمك وتؤدبك.

كل من حولك من أصحاب الهمم لم يصلوا بسهولة
كل حد منهم تعب ومل ووقع وفتر كتير لحد ما وصل لما تراه
أن لا ترى المعاناة ترى النتيجة فقط :))

وأهم شيء تستعينوا بالله وتجددوا النوايا وتكثروها عشان تتعلموا
وتنتفعوا ويصلح حالكم ويصلح قلبكم


اية رجب