أروع سلسلة 🔗 للاستعداد لرمضان 💫

🌷 اهم الأهداف اللي هتستعد بيها لرمضان ✅ صيام ..✅

🌟 الصيام عبادة ملائكية .. بتخلّيك شبه الملائكة ..
يعنى بتتجرد وتترك كل مُتع الدنيا الأساسية .. مفيش أكل ولا شرب ولا شهوة ..

🌟 والصيام عبادة فيها كل معاني الحرّية ، بيحرر فيها الإنسان روحه من قبضة الطين اللي بتجذبه لشهوات الأرض ، يعني الصيام بيخلِّيك حُرّ ، مش أسير ولا عبد لأي شهوة مهما كانت ، بيخلِّيك عبد خالص لله تعالي ..

🌟 والصيام الحقيقي يعني إمتناع عن كل حاجة تغضب ربنا سواء فعل أو قول أو حتى نيّة لا ترضي الله تعالى ..

🌟 الصيام الحقيقي يعني اخلاص ومراقبة وحب وتعظيم وامتثال وحمد وشكر وقمة العبودية لله ..

💫 الصيام الصح = إنك تصوم بقلبك قبل جوارحك ..

❤️ فـ القلب الصائم : قلب صايم عن التعلق بالدنيا , مُعرض عن الهمم الدنيئة والأفكار التافهة طلباً للنعيم الأعلى والراحة الدايمة في الآخرة ..

❤️ القلب الصائم قلب مشغول وبيفكَّر في الآخرة , وإيه اللي هيقوله لربنا ? لما يقف بين إيديه ؟؟

📝 وخد شوية النصايح دي لعلّها تنفعك بإذن الله :
▫️اتسحر سحور خفيف علشان بطنك متتعبكش أثناء الصيام ،وفي نفس الوقت حاول يكون مُغذي وبيدّيك طاقة علشان تقدر تبذل مجهود في شغلك وعبادتك وإنت صايم ..
▫️- زي إيه ؟؟ زي الألياف اللي موجودة في أغلب الخضروات والفاكهة وأشهرهم التمر.. وياريت بلاش الحوادق الشديدة زي الجبنة الحادقة والمخللات ، أو الحاجات اللي فيها سكريات شديدة زي الكنافة والبسبوسة والقطايف علشان جسمك بيحرقها بسرعة وهتعطّشك جامد جدًا !!

▫️ بلاش كلام كتير مع أي حد ، علشان اللي بيتكلم كتير لازم هيغلط كتير ، وخلِّي لسانك مشغول بذكر الله أفضل !!

▫️ أي حد ينرفزك أو يحاول يستفزّك أو يغضبّك ، فامسك نفسك ، وإوعى تتكلم وترد عليه ، واسكت خالص خالص .. 👈زي ما النبي صلى الله عليه وسلم قال: ( إذا غضب أحدكم ؛ فليَسْكُت ) .. ولو هتردّ ، تقول زي ما النبي صلى الله عليه وسلم علَّمنا : "إني صائم" ..

▫️بلاش خروج كتير إلا للضرورة ، علشان تحافظ على صيامك من الفتن اللي في كل مكان حواليك ، وكمان علشان متخرجش في الحر فتتعب وتعطش ، وتعرف توفّر طاقتك ومجهودك بقدر الإمكان للطاعة والعبادة ..

▫️ كل ما تحسّ بجوع أو عطش أو تعب وإرهاق ، صبّر نفسك إنك بتعطش النهارده علشان تتروي يوم العطش الأكبر وتهرب من عطش النار.. النبي صلى الله عليه وسلم قال إن صيام يوم واحد بيبعدك عن النار 70 سنة .. 💚 فلو يوم الصيام 16 ساعة ، يبقى كل "ساعة" صيام بتبعدك "4 سنين" عن نار جهنم.. فـ صبّر نفسك ..

▫️وكل ما تحسّ بجوع أو عطش أو تعب وإرهاق ، إفتكر قول الله ? في الحديث القدسي : ( يَدَعُ شهوته من أجْلِي ) ....

▫️و بُص للسما وابتسم وقول في سرّك " كله من أجْلك ياربي ، هستحمل علشانك ياربي، بس إنت ترضى وتتقبل يا حبيبي يا الله"وساعتها هتلاقي كل التعب راح واختفى بفضل الله تعالى ..

▫️ وكل ما تقابلك فتنة ونفسك تميل لها .. أغاني ، أفلام، مواقع، بنات، غيبة، نميمة، مال حرام .. إلخ ... قاوم وجاهد نفسك وشهوتك وافتكر كلمة "من أجلي" .. وقول لنفسك هصبر وهستحمل ، وكل حاجة هتهون علشانك يا ربي ..

⏳قبل المغرب تكون في المسجد ، ومعاك تمر تفطر عليه وتفطَّر عليه الناس ، و طبعًا تصلّي المغرب الأول جماعة ، وبعدين تروح تكمل أكل في البيت ..

انتظرونا مع باقي الوصايا لرمضان ..
🌟🌟🌟🌟🌟🌟
#رمضان_فرحة_قلب
#حياتي_دعوة