اذا هاتفك📱 وقع بالمي 💧.. حطه بالرز فورا

هالكلام صح يا ترى؟؟؟🤔
الجواب :
طبعاً لا .. و غلط
هي الشائعة منتشرة كتير
الرز عندو قدرة على امتصاص الرطوبة لكن مو لدرجة يسحبلك المي من داخل جوالك
و ممكن الرز يأدي لتلف بالجهاز نتيجة دخول حبات الرز او ذرات النشاء من فتحات الجوال

الأصح انك تطفي الجوال و تنزع البطارية (اذا كانت قابلة للنزع)
و اذا غير غير قابلة للنزع بس اطفي الجوال
و راقب الجهاز كل فترة و تحسس هل فيه حرارة او لا
اذا حسيت بحرارة و الجوال مطفي خدو مباشرة عالصيانة لان الحرارة بتدل على وجود شورت عالبطارية و ممكن تأدي لانتفاخ البطارية او تلف بالجهاز
اذا بدون حرارة يفضل تتركه مطفي حوالي ٤٨ ساعة بدون اي محاولة للتشغيل
كتير حالات وصلتني انو الجوال وقع بالمي و صاحبو شغلو فورا و اشتغل ساعة او ساعتين و بعدا طفي لحالو وما اشتغل.
حبيبي انت شغلت الجهاز لينطق الشهادة و يموت
اكبر غلط هوي تشغيل الجهاز مباشرة بعد ما يوقع بالمي